Trending top 10 news

 87 मतदारसंघात लागणार 2 EVM मशीन

राज्यात सध्या विधानसभा निवडणुकीची रणधुमाळी मोठ्या प्रमाणात रंगात आली आहे. राज्यात प्रमुख पक्षांमधील बंडखोरी आणि अपक्षांची गर्दी आणि इतर लहान पक्षांमुळं यंदा उमेदवारांची संख्या वाढली आहे. त्यामुळं जिथं जास्त उमेदवार आहेत, तिथं निवडणुक आयोगाला एकापेक्षा अधिक ईव्हीएमची व्यवस्था करावी लागणार आहे. राज्यातील 288 विधानसभा मतदारसंघांपैकी 87 मतदारसंघात जास्त उमेदवार असल्यानं दोन ईव्हीएम मशीन लागणार आहेत.

पोस्टल बॅलट म्हणजे नक्की काय?

राज्यात 20 नोव्हेंबरला मतदान होणार आहे. पण मतदानाची पोस्टल बॅल्ट पद्धत कशी असते माहितीये? चला जाणून घेऊ.या एका प्रकारच्या मतपत्रिका असतात. इलेक्ट्रॉनिक पद्धतीने, मेलचा वापर करुन मतदानाचा अधिकार बजावता येतो. केंद्रीय दलांमध्ये असणारे सरकारी कर्मचारी, लष्करातील सैनिक, परदेशामधील दूतावासात काम करणारे सरकारी कर्मचारी आणि त्यांचे कुटुंबीय अशा काही ठरावीक लोकांना अशा प्रकारे मतदान करण्याचा अधिकार देण्यात येतो.

महिलांकडे असणार 426 मतदान केंद्रांचे नियंत्रण..

यंदाच्या विधानसभा निवडणुकीसाठी राज्यात 426 मतदान केंद्रांचे नियंत्रण महिला करणार आहेत. महिलांचा मतदानातील सहभाग वाढविण्यासाठी 'महिला नियंत्रित मतदान केंद्र' स्थापन करण्यात येणार आहेत. नाशिक जिल्ह्यात सर्वात जास्त म्हणजे एकूण 45 मतदान केंद्रांचे नियंत्रण महिलांकडे असणार आहे. यानंतर जळगावमध्ये 33, गोंदिया 32 आणि सोलापूर 29, मुंबई उपनगरमध्ये 26 महिला नियंत्रित मतदान केंद्र असणार आहेत. तर वाशिम, सिंधुदुर्ग, गडचिरोली , हिंगोली जिल्ह्यात सर्वात कमी प्रत्येकी तीन महिला नियंत्रित मतदान केंद्र असतील.

प्रतिकारशक्ती वाढवण्यासाठी हे पदार्थाचे करा सेवन..

प्रतिकारशक्ती वाढवण्यासाठी काही खाद्यपदार्थ अत्यंत फायदेशीर ठरतात. हळद, ज्यात असलेल्या क्युरक्युमिनमुळे शरीरातील सूज कमी करण्यास मदत करते. व्हिटॅमिन सी ने भरपूर असलेले फळे, जसे की संत्रे, आंबे आणि द्राक्षे, इम्यून सिस्टीमला बूस्ट करतात. ड्रायफ्रूट्समध्ये असलेले झिंक प्रतिकारशक्तीला बळकट करतात. आवळ्याचा रस शरीरातील विषारी पदार्थ दूर करण्यास मदत करतो आणि रोगप्रतिकारक क्षमता वाढवतो. याव्यतिरिक्त, पालेभाज्या, विशेषतः पालक आणि मेथी, लोह आणि अँटीऑक्सिडेंट्ससाठी उत्तम स्रोत आहेत.

'लाडकी बहीण योजना' बंद होणार...का ?

मध्य प्रदेशात भाजप सरकारने लागू केलेली "लाडकी बहीण योजना" बंद करण्यात आल्याचा आरोप काँग्रेसच्या राष्ट्रीय प्रवक्त्या डॉ. शमा महंमद यांनी केला. त्यांनी पंतप्रधान नरेंद्र मोदी यांच्या रेवडीसंबंधीच्या टिपण्णीवरून सवाल केला, "काँग्रेसच्या कल्याणकारी योजनांना मोदी रेवडी म्हणतात, पण भाजप सरकार 'लाडकी बहीण' योजनेतून रेवडी का वाटत आहे?" असे तीव्र प्रश्न डॉ. शमा यांनी उपस्थित केले. काँग्रेसने ही योजना सुरू केली होती, असेही ते म्हणाले

सोलापूर: मतदारांना मतदानाच्या दिवशी सुट्टी द्या..

सोलापूर विधानसभा सार्वत्रिक निवडणुकीच्या पार्श्वभूमीवर सोलापूर जिल्ह्यातील खाजगी कंपन्या मधील आस्थापना, सर्व दुकाने किंवा इतर आस्थापना तसेच माहिती व तंत्रज्ञान कंपन्या, शॉपिंग सेंटर, मॉल इत्यादींना सूचना देण्यात येत आहे की, दि. 20 नोव्हेंबर 2024 रोजी मतदानाच्या दिवशी कामगारांना मतदानाचा हक्क बजावण्यासाठी सार्वजनिक सुट्टी देण्यात यावी. मतदाना विषयक काही तक्रारी असल्यास 0217-2728401 या दुरध्वनी क्रमांकावर संपर्क साधावा, असे आवाहन सहायक कामगार आयुक्त तथा नोडल अधिकारी लेबर वॉटर्स सोलापूर यांनी केले आहे.

महात्मा ज्योतिबा फुले जन आरोग्य योजना..

महाराष्ट्र सरकारने 'महात्मा ज्योतिबा फुले जन आरोग्य योजना' सुरू केली आहे. या योजनेचा लाभ आर्थिक दृष्ट्या दुर्बल कुटुंबांनाही मिळणार आहे. पिवळ्या व केशरी रेशन कार्डधारक, शेतकरी आत्महत्याग्रस्त कुटुंबे, तसेच 14 जिल्ह्यांतील नागरिक या योजनेचा लाभ घेऊ शकतात. या योजनेअंतर्गत शस्त्रक्रिया, उपचार, विमा संरक्षण आणि आरोग्य शिबिरे दिली जात आहेत. अधिक माहितीसाठी अधिकृत वेबसाइटला भेट द्या: jeevandayee.gov.in.

2 लाख 50 हजार तरुणांना मिळणार नोकऱ्या..

मुकेश अंबानी यांनी आंध्र प्रदेशमध्ये 500 कॉम्प्रेस्ड बायोगॅस संयंत्रे उभारण्यासाठी 65,000 कोटी रुपयांची गुंतवणूक करण्याची घोषणा केली आहे. रिलायन्स इंडस्ट्रीज लिमिटेड या प्रकल्पावर पुढील 5 वर्षांत काम करणार आहे. ऊर्जा क्षेत्रात अंबानींच्या या गुंतवणुकीमुळे 2 लाख 50 हजार तरुणांना रोजगार मिळण्याची शक्यता आहे. ही गुंतवणूक रिलायन्सची ऊर्जा क्षेत्रातील सर्वात मोठी गुंतवणूक मानली जात आहे.प्रकल्पाचा उद्देश स्वच्छ ऊर्जा निर्माण करणे आणि पर्यावरणीय संरक्षण वाढवणे आहे.

कांद्याचे भाव कडाडले..

कांद्याच्या भावाने मोठी झेप घेतली आहे. अनेक ठिकाणी कांद्याची किंमत 80 रुपये किलोपर्यंत पोहोचली आहे. रिपोर्टनुसार, काही शहरांमध्ये कांद्याचे भाव काही दिवसात जवळपास ₹40/किलोने वाढले आहेत. दिल्ली आणि मुंबईसारख्या मेट्रो शहरांमध्ये कांद्याचे भाव वर्षांतील सर्वोच्च पातळीवर पोहोचले आहेत.

उमेदवारांना निवडणुक चिन्ह कसे दिले जातात?

निवडणूक चिन्ह हे मान्यताप्राप्त तसंच नोंदणीकृत पक्षांना किंवा अपक्ष उमेदवारांना देण्यात येणारं एक प्रमाणित चिन्ह असते. निवडणूक चिन्हे (आरक्षण आणि वाटप) आदेश, 1968 या कायद्यांतर्गत निवडणूक आयोगाद्वारे राजकीय पक्षांना तसंच अपक्ष उमेदवारांना दिली जातात. निवडणूक चिन्हांचे राखीव चिन्हं आणि मुक्त चिन्हं असे दोन प्रकार पडतात. राखीव चिन्हे म्हणजे जी एखाद्या पक्षासाठी राखीव असतात, तर मुक्त चिन्हं म्हणजे जी नोंदणीकृत पण मान्यता न मिळालेल्या पक्षांना तसंच अपक्ष उमेदवारांना दिली जातात. जेव्हा उमेदवार अर्ज भरतो, तेव्हा त्याला निवडणूक आयोगाच्या मुक्त चिन्हांच्या यादीतून तीन चिन्हांची निवड करावी लागते. त्यानुसार निवडणूक आयोगाद्वारे प्रथम येणाऱ्यास प्रथम प्राधान्य या तत्त्वावर एक चिन्ह त्या उमेदवाराला दिलं जातं.

Trending topics : या दिवशी असणार शाळा बंद

 या दिवशी असणार शाळा बंद....

19 आणि 20 नोव्हेंबर रोजी शाळेच्या बस बंद असणार विधानसभा निवडणुकीसाठी शाळांच्या बसची गरज भासणार असल्याने शाळेमध्ये लागणाऱ्या बस बंद ठेवण्याचा निर्णय शाळा बस ओनर्स असोसिएशनने घेतला आहे. निवडणूक प्रक्रियेत शाळांच्या बसेस वापरल्या जाणार असल्यामुळे शाळांना 19 आणि 20 नोव्हेंबर रोजी सुट्टी असणार आहे का? याविषयी चर्चा होत आहे. त्यामुळे शाळांना सुट्टी असण्याची शक्यता आहे.

पॅन-आधार लिंकिंगसाठी 31 डिसेंबर शेवटची मुदत

आधार आणि पॅन कार्ड एकमेकाला लिंक करण्यासाठी प्रशासनाने डेडलाईन दिली आहे. त्यानुसार 31 डिसेंबर 2024 पर्यंत पॅनकार्ड आधार कार्डशी लिंक करणे अनिवार्य आहे. त्यानंतर पॅन कार्ड निष्क्रिय केले जाईल, त्यामुळे विविध आर्थिक व्यवहार करता येणार नाहीत. फसवणुकीपासून मुक्तता आणि देशभरातील ओळख प्रक्रिया सुलभ करणे हा यामागचे उद्देश आहे. त्यामुळे तुमचे पॅन-आधार लिंक केले नसेल, तर लवकरात लवकर करुन घ्या.

बिट्स लिमिटेडने दिला गुंतवणूकदारांना 6874% परतावा

बिट्स लिमिटेड (Bits Ltd) या कंपनीच्या शेअरने अल्पावधीतच गुंतवणूकदारांना प्रचंड परतावा दिला आहे. केवळ 35 पैशांचा असलेला हा स्टॉक काही महिन्यांत 24.41 रुपयांपर्यंत पोहोचला आहे, ज्यामुळे गुंतवणूकदारांना तब्बल 6874% परतावा मिळाला आहे. गेल्या काही महिन्यांपासून या शेअरला सातत्याने 2% अप्पर सर्किट लागत आहे, ज्यामुळे गुंतवणूकदारांमध्ये हा शेअर तेजीवर आहे.

Breaking news!आता 450 रुपयांना मिळणार गॅस सिलेंडर

राजस्थान सरकारने मोठा निर्णय घेतला आहे. सुरुवातील फक्त उज्जवला योजनेअंतर्गत लाभार्थ्यांना 450 रुपयांमध्ये गॅस सिलेंडर दिला जात होता. मात्र, आता रेशन कार्डधारकांनादेखील 450 रुपयांमध्ये गॅस सिलेंडर दिला जाणार आहे. यासाठी नागरिकांना रेशन कार्ड आणि एलपीजी आयडी लिंक करावा लागणार आहे. त्यामुळे या निर्णयाचा फायदा आता 68 लाख कुटुंबांना होणार आहे. असा निर्णय महाराष्ट्रात कधी लागू होणार? अशा चर्चा आता रंगू लागल्या आहेत.

जिओ धमाका ऑफर ! 3 महिने नेटफ्लिक्स फ्री

प्रसिद्ध उद्योगपती मुकेश अंबानींच्या जिओने आपल्या युझर्ससाठी एक चांगला प्लॅन आणला आहे. 1299 रुपयाचा प्लॅन आहे. यात रोज 2 जीबी डेटा, अनलिमिटेड कॉल देण्यात येणार आहे. शिवाय, नेटफ्लिक्सचे फ्री सब्सक्रिप्शनही देखील मिळणार आहे. या प्लॅनची वैधता 84 दिवसांची आहे. या प्लॅनची विशेष बाब म्हणजे यात 5 जी इंटरनेटही आहे. म्हणजेच तुम्हाला याता चांगले स्पीड आणि नेटफ्लिक्सचा आनंद घेता येणार आहे.

70 वर्षांवरील वृद्धांना मोफत उपचार, सर्वांना मिळणार घरकूल

पंतप्रधान नरेंद्र मोदींनी मोठी घोषणा केली आहे. '70 वर्षावरील वृद्धांच्या उपचाराची चिंता करू नका, त्यांच्या औषधाचा खर्च मोफत करणार', असं मोदींनी म्हटलंय. 'गरिबांसाठी आम्ही 4 कोटी घरे उभारली आहेत. अजूनही कुणाला घर नसेल तर कळवा, त्यांना देखील घर बांधून देऊ. आता गरिबांसाठी 3 कोटी घरे उभारण्याचे काम सुरु आहे. महाराष्ट्रातील गरिब कुटुंबाचे घराचे स्वप्न पूर्ण होईल', असेही मोदी म्हणाले. मोदींची अकोल्यात प्रचारसभा झाली. यावेळी त्यांनी ही मोठी घोषणा केली.

लसूण तूपात तळून खाल्ल्याने होतात अनेक फायदे जाणून घ्या.

लसूण आणि देसी तूप आरोग्यासाठी फायदेशीर आहे. आयुर्वेदानुसार, लसूण तूपात तळल्याने अनेक रोग दूर होण्यास मदत होते. लसूण मध्ये अँटीबॅक्टेरियल, अँटीफंगल, आणि अँटीव्हायरल गुणधर्म असतात. देसी तूपासोबत लसूण खाल्ल्याने स्ट्रोकचा धोका कमी होतो, बीपी नियंत्रित राहतो, आणि रोगप्रतिकारशक्ती मजबूत होते. तसेच, लसूण तूपात तळल्याने संधिवात, ल्युपस, आणि एमएससारख्या स्वयंप्रतिकार रोगांसाठी फायदेशीर ठरते. हे शरीरातील विषारी पदार्थ बाहेर काढण्यास मदत करते.

राज्यातील लाखो शेतकऱ्यांचे वीजबिल माफ

महाराष्ट्र सरकारच्या 'मुख्यमंत्री बळीराजा वीज सवलत' योजने अंतर्गत 7.5 अश्वशक्तीपर्यंतच्या कृषिपंपाचे वीजबिल माफ करण्यात आले आहे, ज्यामुळे राज्यातील 44 लाख शेतकऱ्यांना दिलासा मिळाला आहे. खेड तालुक्यातील

19,539 शेतकऱ्यांचे सुमारे 14 कोटी 23 लाख रुपयांचे वीजबिल माफ झाले आहे. या योजनेमुळे शेतकऱ्यांच्या खर्चात बचत झाली असून, उत्पादन खर्चात घट झाली आहे. शेतकऱ्यांनी या योजनेचे स्वागत केले असून, यामुळे ते अधिक उत्साहाने शेती करू शकतील व आर्थिकदृष्ट्या स्थिर होऊ शकतील.

20 तारखेला सुट्टी जाहीर...

महाराष्ट्रात 20 नोव्हेंबरला विधानसभेचे मतदान आहे. त्यामुळे या दिवशी अनेक कंपन्या, संस्था आणि कार्यालयांनी सुट्टी जाहीर केली आहे. शिवाय, कर्मचाऱ्यांना मतदान करता यावे यासाठी 2 तासाची रजाही देण्यात येणार आहे. तर, दुसरीकडे शेअर मार्केटही या दिवशी बंद राहणार आहे. दरम्यान, कर्मचाऱ्यांना मतदानासाठी सुट्टी न दिल्यास कंपन्या, संस्था, कार्यालये यांच्यावर कारवाईही होणार आहे. 23 नोव्हेंबरला निकाल लागणार आहे.

समाज कल्याण विभागात 219 जागांसाठी भरती

समाज कल्याण विभागाने 219 पदांसाठी भरतीची घोषणा केली आहे. इच्छुक उमेदवार 10वी उत्तीर्ण असावा लागेल. वयाची अट 31 ऑक्टोबर 2024 रोजी 18 ते 38 वर्षे आहे, तर मागासवर्गीय उमेदवारांना 5 वर्षांची सूट दिली आहे. या पदांसाठी अर्ज पुणे आणि महाराष्ट्रातील विविध ठिकाणी करता येतील. उमेदवाराने अर्ज करण्याची अंतिम तारीख 30 नोव्हेंबरआहे. लिंक- https://drive.google.com/file /d/1cT3feKkbPOcoaGfPygpes1omk9F9woQ0 /view, https://cdn.digialm.com/EForms /configuredHtml/32813/87992/Index.html

उत्तर महाराष्ट्र गारठला...

राज्यात किमान तापमान घटू लागल्याने थंडी वाढत जाण्याचे संकेत आहेत. उत्तर महाराष्ट्रात पारा 16 अंशांच्या खाली आल्याने गारठा वाढला आहे, तर उर्वरित राज्यात थंडीची प्रतीक्षा आहे. शनिवारी धुळ्यात राज्यातील नीचांकी 13.4 अंश तापमानाची नोंद झाली. बंगालच्या उपसागरात कमी दाबाचे क्षेत्र तयार होत असून, तमिळनाडू आणि श्रीलंकेच्या किनाऱ्यावर त्याचा परिणाम होऊ शकतो. कोकणात उन्हाचा चटका असूनही उर्वरित राज्यात तापमान कमी होत आहे. डहाणू येथे उच्चांकी 36.1 अंश तापमान नोंदले गेले.

Trending topics:महाराष्ट्रात 24 ऑक्टोबरपासून थंडीला सुरुवात

 महाराष्ट्रात 24 ऑक्टोबरपासून थंडीला सुरुवात

जेष्ठ हवामानतज्ञ पंजाबरावांनी सुधारित हवामान अंदाज दिला आहे. 20 ते 23 ऑक्टोबर दरम्यान महाराष्ट्रात जोरदार पावसाची शक्यता असून, रात्री आणि सायंकाळी पाऊस पडेल. 23 तारखेपर्यंत पाऊस कायम राहणार असून, त्यानंतर पाऊस माघार घेईल. 24 ऑक्टोबरपासून थंडीला सुरुवात होईल, तर 5 नोव्हेंबरपासून कडाक्याची थंडी जाणवेल. शेतकऱ्यांनी आपल्या पिकांची आणि पशुधनाची काळजी घ्यावी, तसेच गहू-हरभरा पिकांची पेरणी सुरू करावी, असा सल्ला त्यांनी दिला आहे.

सोलापूर: फडणवीसांच्या विश्वासू आमदाराचं तिकीट कटणार?

सोलापूर जिल्ह्यातील माळशिरस राखीव विधानसभा मतदारसंघात आता भाजप अलर्ट मोडवर आलाय. माळशिरस मधून अतुल सरतापे यांचे नाव आघाडीवर आहे. महाविकास आघाडीकडून उत्तम जानकर यांची उमेदवारी निश्चित असताना त्यांच्यापुढे आव्हान देण्यासाठी भाजपमध्ये अद्याप उमेदवाराची चाचपणी सुरू आहे. विद्यमान आमदार राम सातपुते यांच्यासह माळशिरसमधील स्थानिक तसेच अनुसूचित जातीचा चेहरा म्हणून भाजपमधील काही नेत्यांनी अनुसूचित जाती मोर्चाचे प्रदेश चिटणीस अतुल सरतापे यांच्या नावाचा आग्रह धरलाय. त्याबाबत वरिष्ठ नेत्यांकडे मागणी केलीय.

सोलापूर: सचिन कल्याणशेट्टी यांना भाजपकडून उमेदवारी जाहीर

भारतीय जनता पक्षाची विधानसभा निवडणुकीसाठी 99 उमेदवारांची पहिली यादी जाहीर झाली आहे. या यादीत जिल्हाध्यक्ष सचिन कल्याणशेट्टी यांचा समावेश आहे. भाजपचे सोलापूर जिल्हाध्यक्ष सचिन कल्याणशेट्टी यांना पुन्हा संधी देत देवेंद्र फडणवीस यांनी आपल्या मर्जीतील लोकांना पुन्हा एकदा विधानसभेत जाण्याची संधी उपलब्ध करून दिली आहे. एकंदरितच भाजपने विद्यमान आमदारांना पुन्हा संधी देत नव्याचा विचार केलेला दिसत नाही.

लाडकी बहीण- डिसेंबर महिन्याच्या हप्त्याचं काय?

लाडकी बहीण योजना सध्या आचारसंहितामुळे तुर्तास स्थगित करण्यात आली आहे. म्हणजेच सध्या कोणत्याही महिलेला पैसे मिळणार नाहीत. दरम्यान, महिलांच्या खात्यात आतापर्यंत 7500 जमा झाले आहेत. म्हणजेच नोव्हेंबर पर्यंतचे पैसे महिलांच्या खात्यात आले आहेत. आता डिसेंबरचा हप्ता कधी मिळणार? अशी कुजबुज सुरु आहे. मात्र, आचारसंहितामुळे राज्य सरकारने लाडकी बहीण योजनेचा निधी थांबवला आहे. नवीन अर्ज प्रक्रियाही बंद आहे. नवीन सरकार स्थापण झाल्यानंतर डिसेंबरचे पैसे मिळण्याचा अंदाज आहे. 23 नोव्हेंबरला निकाल आहे.

सोलापूर: सोशल मीडियावर पोलिसांची करडी नजर

पोलीस निरीक्षक कुकडे यांनी स्पष्ट केले की, आचारसंहिताचे काटेकोरपणे पालन करणे प्रत्येक नागरिकाचे कर्तव्य आहे. या आचारसंहिताच्या उल्लंघनाबाबत कोणत्याही प्रकारचे कृत्य करणे हे कायद्याच्या दृष्टीने दंडनीय आहे. निवडणुकांच्या काळात कोणताही अनुचित प्रकार किंवा गैरकृत्य घडू नये याची दक्षता पोलिस यंत्रणा घेत आहे. पोलीस प्रशासनाने नागरिकांना सोशल मीडियावर कोणत्याही प्रकारच्या आक्षेपार्ह पोस्ट, जातीय किंवा धार्मिक भावना भडकावणारे मजकूर, फोटो किंवा व्हिडिओ पोस्ट न करण्याचे आवाहन केले आहे. याविरुद्धच्या कायदेशीर कारवाईचे कडक संकेत देण्यात आले आहेत.

महाराष्ट्र स्टेट को-ऑपरेटिव्ह बँकेत नोकरी, 75 जागा

• पदाचे नाव- कनिष्ठ अधिकारी

• एकूण जागा -75

• शैक्षणिक पात्रता- पदाच्या आवश्यकतेनुसार (PDF पहा)

· नोकरी ठिकाण- मुंबई

· वय- 21 ते 32 वर्षे

· अर्ज पद्धती- ऑनलाईन · अर्जाची शेवटची तारीख- 08 नोव्हेंबर 2024

• अधिकृत वेबसाईट- https://www.mschank.com/

• नोटीफिकेशन- https://mscbank.com

/Documents/Careers/RECRUITMENT%20ADV %20-%2019.10.2024.pdf

सीएनजीच्या दरात प्रति किलो 4-6 रुपयांची वाढ़ ??

सरकारने शहरी विक्रेत्यांना घरगुती नैसर्गिक वायूचा पुरवठा 20% कमी केला आहे. उत्पादन शुल्कात कपात न केल्यास सीएनजीच्या दरात प्रति किलो 4-6 रुपयांची वाढ होऊ शकते. जुन्या शेतांमधून मिळणारा गॅस कमी होत असल्याने, किरकोळ विक्रेत्यांना महाग द्रव नैसर्गिक वायू (एलएनजी) आयात करणे भाग पडले आहे. सध्या सीएनजीवर 14% उत्पादनशुल्क आहे. पेट्रोलियम मंत्रालयाशी चर्चा सुरू असून, आगामी निवडणुकांच्या पार्श्वभूमीवर सीएनजीच्या दरात वाढ़ एक महत्त्वाचा राजकीय मुद्दा बनला आहे. दिल्ली आणि मुंबईतील बाजारपेठेसाठी याचा मोठा प्रभाव आहे.

जम्मू-काश्मीरमध्ये दहशतवादी हल्ला, 7 जणांची हत्या

जम्मू-काश्मीरमधील गांदरबल जिल्ह्यातील सोनमर्ग भागात काल (रविवार) संध्याकाळी दहशतवाद्यांनी भ्याड हल्ला केला. यात भारताच्या 7 लोकांची गोळ्या घालून हत्या केली आहे. मृतांमध्ये 2 अधिकारी, 3 मजुर, 1 स्थानिक डॉक्टरचाहीसमावेश आहे. तर, 5 जण जखमी झाले आहेत. त्यांच्यावरउपजिल्हा रुग्णालय आणि SKIMS श्रीनगरमध्ये दाखल करण्यात आले आहे. बोगद्याचे बांधकाम सुरु असताना हा भ्याड हल्ला करण्यात आला. हल्लेखोरांना सोडणार नाही, असा इशारा केंद्रीय गृहमंत्री अमित शहा, मुख्यमंत्री ओमर अब्दुल्ला यांनी दिला आहे.

Trending topics : मराठी भाषेला 'मराठी' हे नाव कस पडलं?

 मराठी भाषेला 'मराठी' हे नाव कस पडलं?

मराठी भाषेच्या उदयाची गोष्ट 859 मध्ये घेऊन जाते. जिथे 'धर्मोपदेशमाला' ग्रंथमध्येही 'मरहट्ट' भाषेचा उल्लेख असल्याचे आढळून येते. हे सर्व उल्लेख बघता मराठी भाषेला प्राचीन काळात 'मरहट्ट' म्हटले जात असावे, असे प्रचित होते. मराठी भाषेच्या नावाचा उल्लेख यादवकालीन साहित्यामध्येही करण्यात आला, जिथं या भाषेसाठी 'मऱ्हाटी' असा शब्द वापरल्याचे दिसते. मऱ्हाटीसोबतच त्या काळात मराठी भाषेसाठी असणारं दुसरं नाव म्हणजे 'देशी'. महानुभाव पंथांचे ग्रंथ आणि ज्ञानेश्वरीमध्ये मराठीचा उल्लेख असाच दिसून येतो.

मतदार यादीत नाव समाविष्ट करण्यासाठी फक्त 1 दिवस बाकी

विधानसभा निवडणुकीत मतदानाचा हक्क बजावण्यासाठी नागरिकांना मतदार यादीत नाव असणे आवश्यक आहे. यंदाच्या निवडणुकीसाठी नामांकित यादीत नाव नोंदणी करण्याची अंतिम तारीख 19 ऑक्टोबर 2024 आहे. 18 वर्षे पूर्ण झालेल्या नागरिकांनी 'मतदाता सेवा पोर्टल' आणि 'वोटर हेल्पलाइन अॅप' द्वारे नमुना अर्ज क्र. 6 सादर करावा. मतदार यादीत नाव तपासण्यासाठी electoralsearch.eci.gov.in ला भेट द्यावी. आवश्यक माहिती भरल्यानंतर 'कॅप्चा' कोड टाकल्यास संबंधित यादी उघडेल. EPIC क्रमांकाद्वारे देखील नाव तपासता येईल.

लॉरेन्स बिश्नोई विधानसभा निवडणूक लढविणार ??

उत्तर भारतीय विकास सेनेचे अध्यक्ष पं. सुनील शुक्ला यांनी साबरमती तुरुंगात असलेल्या लॉरेन्स बिश्नोई याला महाराष्ट्र विधानसभा निवडणुकीसाठी तिकीट देण्याची घोषणा केली आहे. शुक्ला यांनी बिश्नोईला पत्राद्वारे निवडणूक लढवण्याचे आमंत्रण दिले आहे. बिश्नोई टोळीने राष्ट्रवादीचे नेते बाबा सिद्दिकी यांच्या हत्येची जबाबदारी घेतली होती, ज्यामुळे खळबळ उडाली होती. लॉरेन्स बिश्नोई विरोधात 36 गुन्हेगारी खटले दाखल असून, त्याच्या टोळीचे नेटवर्क हरियाणा, पंजाब, दिल्ली, आणि राजस्थानमध्ये सक्रिय असल्याचे सांगितले जात आहे. 

राज्यातील वाहनचालकांसाठी आरटीओ विभागाची नवी सुविधा

राज्यातील वाहनचालकांसाठी आरटीओ विभागाने नवी सुविधा दिली आहे. हलक्या व्यावसायिक वाहनांची नोंदणी (जसे की टुरिस्ट टॅक्सी, मालवाहू ऑटोरिक्षा, पिकअप, टेम्पो) करण्यासाठी आता आरटीओ कार्यालयात जाण्याची आवश्यकता नाही. आरटीओने वाहन विक्रेत्यांना थेट नोंदणीचे अधिकार दिले आहेत. मात्र, फिटनेस प्रमाणपत्र नूतनीकरणासाठी दर दोन वर्षांनी आरटीओ कार्यालयात जाणे अनिवार्य असेल. या प्रक्रियेसाठी नवीन 'वाहन 4.0' संगणक प्रणाली विकसित करण्यात आली आहे. याआधी विक्रेत्यांना फक्त खासगी कार आणि दुचाकींची नोंदणी करण्याचा अधिकार होता.

आर्टिफिशियल इंटेलिजेंसच्या वाढत्या वापरामुळे चिंताजनक परिस्थिती

आर्टिफिशियल इंटेलिजेंस (AI) च्या वाढत्या वापरामुळे जागतिक स्तरावर चिंता वाढली आहे. अनेक तज्ञांनी या तंत्रज्ञानामुळे रोजगार आणि गोपनीयतेवर होणाऱ्या परिणामांची शक्यता व्यक्त केली आहे. युनेस्कोच्या ताज्या अहवालानुसार, AI चा अनियंत्रित वापर शिक्षण क्षेत्रातही समस्यांचे कारण बनू शकते. तंत्रज्ञानाच्या विकासाबरोबरच योग्य धोरणे आवश्यक असल्याचे तज्ञांचे म्हणणे आहे.

TrendingNews:नववी आणि दहावीच्या विद्यार्थ्यांसाठी महत्त्वाची बातमी

 नववी आणि दहावीच्या विद्यार्थ्यांसाठी महत्त्वाची बातमी

महाराष्ट्रातील नववी आणि दहावीच्या विद्यार्थ्यांसाठी अभ्यासक्रमात मोठा बदल करण्यात आला आहे. विद्यार्थ्यांना आता 15 विषयांचा अभ्यास करावा लागणार आहे, ज्यामुळे दप्तराचे वजन वाढण्याची शक्यता आहे. आतापर्यंत नववी आणि दहावीच्या विद्यार्थ्यांसाठी 7 ते 8 विषय होते, पण नव्या आरखड्यानुसार यामध्ये व्यावसायिक शिक्षण, कला शिक्षण, आंतरविद्याशाखा विषयांचा समावेश करण्यात आला आहे. यामुळे विद्यार्थ्यांच्या दप्तराच्या ओझ्याबाबत पुन्हा चर्चा सुरू होण्याची शक्यता आहे.

पंजाब अँड सिंध बँकेत जॉबची संधी!

पंजाब अँड सिंध बँकेने अप्रेंटिस पदांसाठी 100 जागांसाठी भरती जाहीर केली आहे. अर्ज प्रक्रिया 16 ऑक्टोबरपासून सुरू झाली असून, इच्छुक उमेदवार 31 ऑक्टोबर 2024 पर्यंत punjabandsindbank.co.in वर अर्ज करू शकतात. 30 जागा दिल्लीसाठी, तर 70 जागा पंजाबसाठी आहेत. अर्जदाराने apprenticeshipindia.gov.in वर नोंदणी करणे आवश्यक आहे. पात्रतेसाठी, उमेदवार पदवीधर असावा आणि वय 20 ते 28 वर्षे असावे. अर्ज शुल्क सामान्य आणि OBC साठी 200 रुपये, तर SC/ST/PWD साठी 100 रुपये आहे.

निवडणूक आयोगाचा राज्य सरकारला मोठा दणका

मुख्यमंत्री एकनाथ शिंदे यांनी सुरू केलेली 'मुख्यमंत्री योजनादूत' योजना निवडणुकीच्या आचारसंहितामुळे स्थगित करण्याचा आदेश निवडणूक आयोगाने दिला आहे. या योजनेत 50 हजार तरुणांना सरकारी योजनांचा प्रचार करण्यासाठी नेमले होते, ज्यात प्रत्येकाला 10 हजार रुपये मासिक वेतन देण्यात येत होते. विरोधकांनी या योजनेत भाजप व आरएसएस कार्यकर्त्यांना सामील करून भाजपचा प्रचार केला जात असल्याचा आरोप केला होता. काँग्रेसचे नाना पटोले यांनी योजनेला स्थगित करण्याची मागणी केली होती.

शरद पवार गटाच्या 80 उमेदवारांची यादी जाहीर होणार

वंचित आणि रासप सोडून इतर कोणत्याही पक्षाने अद्याप एकाही उमेदाराच्या नावाची अधिकृत घोषणा केलेली आहे. त्यामुळे सर्व पक्षांच्या उमेदवारांच्या नावांकडे लक्ष लागले आहे. त्यातच शरद पवार गटाची कोअर कमिटीची उद्या बैठक होणार आहे. त्यानंतर सोमवारी उमेदवारांची यादी जाहीर होणार आहे. आज अनेक उमेदवारांनी मुंबईत शरद पवारांची भेट घेतली आहे. दरम्यान, सोमवारी 80 उमेदवारांच्या नावाची घोषणा होणार, अशी माहिती मिळतेय.

कोल्हापूर वैद्यकीय महाविद्यालयात 102 जागांसाठी भरती

राजर्षी छत्रपती शाहू महाराज शासकीय वैद्यकीय महाविद्यालय, कोल्हापूर येथे 102 जागांसाठी भरती सुरू आहे. शैक्षणिक पात्रता 10वी उत्तीर्ण आहे. अर्ज करण्याची शेवटची तारीख 20 नोव्हेंबर 2024 असून, वयोमर्यादा 18 ते 38 वर्षे आहे. लिंक https://drive.google.com/file/d/1NQUU wIMbEujvotyFBDup -KUabf202j/view

https://rcsmgmc.ac.in/

खुशखबर! डिलिव्हरी बॉय, कंत्राटी कामगारांना मिळणार पेन्शन

कंत्राटी स्वरुपात काम करणाऱ्या 'गिग' कामगारांसाठी आनंदाची बातमी आहे. या कामगारांना पेन्शन आणि आरोग्यसेवा यासारखे सामाजिक सुरक्षा लाभ देण्याचे धोरण तयार केले जात असल्याची माहिती केंद्रीय कामगार मंत्रीमनसुख मांडविया यांनी दिली आहे. देशात गिग व्यवहार आणि ऑनलाईन प्लॅटफॉर्मशी संबंधित 65 लाख कामगार आहेत. या क्षेत्रात होत असलेली झपाट्याने वाढ़ लक्षात घेता ही संख्या 2 कोटींच्या पुढे जाण्याची शक्यता आहे, असं मांडविया यांनी सांगितले. त्यामुळे डिलिव्हरी बॉयलाही फायदा होण्याची शक्यता आहे.

Trending topics:तुमचे नाव मतदार यादीत आहे का?

 तुमचे नाव मतदार यादीत आहे का?

महाराष्ट्रात लवकरच विधानसभा निवडणुका होणार आहेत. त्यातच अजूनही तुमचे नाव मतदार यादीत नसेल तर ही बातमी तुमच्यासाठी आहे. ज्यांनी अजूनही आपले नाव मतदार यादीत नोंदवलेले नाही त्यांना 19 ऑक्टोबरपर्यंत नाव नोंदणी करण्याची संधी अद्याप उपलब्ध आहे. ऑफलाईन तसेच ऑनलाईन दोन्ही पद्धतीने मतदार आपले नाव मतदार यादीत नोंदवू शकतात. त्यामुळे मतदारांनी आपल्या नावाची नोंद करावी.

वारी एनर्जीजचा आयपीओ 28 ऑक्टोबरला शेअर होणार

वारी एनर्जीजच्या आयपीओद्वारे 4321.44 कोटी रुपयांची उभारणी केली जाणार आहे. आयपीओमध्ये एक समभागाचे मूल्य 1503 रुपये निश्चित करण्यात आले आहे. या आयपीओच्या खुल्या होण्यापूर्वीच ग्रे मार्केटमध्ये दमदार प्रतिसाद मिळत असून, वारी एनर्जीजच्या आयपीओवर ग्रे मार्केटमध्ये 85 टक्के अधिक प्रीमियमवर ट्रेड सुरु आहे. वारी एनर्जीजचा आयपीओ 28 ऑक्टोबरला बीएसई आणि एनएसईवर शेअर होणार आहे.

अजित पवारांना मोठा धक्का, 850 पदाधिकाऱ्यांचा राजीनामा

पुण्यात राष्ट्रवादी काँग्रेसच्या पदाधिकाऱ्यांच्या राजीनाम्याचे सत्र सुरुच आहे. आज पुन्हा राष्ट्रवादी काँग्रेस पक्षाच्या आणखी 250 पदाधिकाऱ्यांनी राजीनामे दिले आहेत. पुणे शहराध्यक्ष दीपक मानकर यांना विधान परिषदेवर संधी न दिल्यामुळे पदाधिकाऱ्यांमध्ये नाराजी कायम आहे. पक्षाच्या विविध पदांवरून राजीनामे देणाऱ्यांची संख्या आता 850 वर पोहोचली आहे. दरम्यान, मानकर यांनीही अजित पवारांची साथ सोडली आहे. त्यामुळे अजित पवारांना हा मोठा धक्का आहे. 

वडिल भाजपमध्ये, मुलगा राष्ट्रवादीत अन् उमेदवारी मागितली जरांगेंकडे

वडिल भाजपमध्ये, मुलगा राष्ट्रवादीत आणि उमेदवारी मागायला दोघेही मनोज जरांगे पाटलांकडे आल्याचे समोर आले आहे. उमरगा विधानसभा मतदारसंघातून इच्छुक असलेले भाजपचे जिल्हा उपाध्यक्ष कैलास शिंदे आणि त्यांचे सुपूत्र राष्ट्रवादी युवक काँग्रेसचे जिल्हाध्यक्ष दिग्विजय शिंदे यांनी जरांगेंची भेट घेतली. तसेच, उमेदवारी मागीतल्याची चर्चा आहे. दरम्यान, अनुसूचित जातीसाठी उमरगा-लोहारा विधानसभा आरक्षित आहे. त्यामुळे येथून इच्छूक उमेदवारांची संख्या वाढली आहे.

गरम पाणी प्यायल्याने खरच वजन कमी होतं का?

गरम पाणी प्यायल्याने वजन कमी करण्यास थेट मदत होत नाही, पण काही प्रकारे ते प्रक्रिया सुधारण्यास मदत करू शकते. गरम पाण्यामुळे पचनक्रिया सुधारते आणि अन्न चांगले पचते. गरम पाण्यामुळे मेटाबॉलिझम वाढतो, ज्यामुळे अधिक कॅलरीज जाळता येतात. गरम पाणी शरीरातील विषारी पदार्थ बाहेर काढण्यात मदत करते, जे वजन कमी करण्यास सहाय्यक ठरू शकते. योग्य प्रमाणात पाणी पिणे वजन कमी करण्यात मदत करते. गरम पाणी पिल्याने तुम्ही हायड्रेटेड राहता.