Todays News

 

आता 10 मिनिटांत घरपोच मिळणार सोने-चांदी

दिवाळीच्या सणाच्या पार्श्वभूमीवर धनत्रयोदशीसाठी सोने-चांदी खरेदीसाठी मोठ्या प्रमाणात ऑनलाईन सुविधा उपलब्ध झाली आहे. ब्लिंकिट, स्विगी इंस्टामार्ट, झेप्टो आणि बिगबास्केटसारख्या प्लॅटफॉर्मवर मलबार, मुथूट, तनिष्क यांसारख्या ब्रँडचे 24 कॅरेट सोने आणि 999 शुद्धतेची चांदीची नाणी घरपोच मिळतात. 0.1g ते 1g सोन्याचे नाणे व 5g ते 20g चांदीचे नाणे ऑर्डर करता येतात. ग्राहकांना सोने-चांदीसाठी बाजारात जाण्याची गरज नाही, काही मिनिटांतच घरपोच सेवा मिळू शकते.

अभ्रक महागाई भत्ता व एमपीएससी अंतर्गत भरती, 01333 जागा; पगार 25,500 पासून

भरती श्रेणी: महाराष्ट्र शासन (एमपीएससी) पदाचे नाव : उद्योग निरीक्षक, कर सहायक, तांत्रिक सहायक, बेलिफ व लिपिक गट क, नगरपाल (शेरीफ), लिपिक-टंकलेखक.

·शैक्षणिक पात्रता : पदांनुसार वेगवेगळी, नोटीफिकेशन पहा

पगार : 25,500 ते 81,100 रूपये अर्ज पद्धती : ऑनलाईन

वयोमर्यादा : 19 ते 38 वर्ष.

पदे : 01333

अर्जाची शेवटची तारीख- 4 नोव्हेंबर 2024

नोकरी ठिकाण : संपूर्ण महाराष्ट्रात.

अधिक माहितीसाठी नोटीफिकेशन- https://

drive.google.com/file/d/1nXX0p3XptDRQ

-phn19OMv5NC7MQAd886/view?pli=1 

सोलापूर: धर्मराज काडादी यांची अपक्ष उमेदवारी दाखल..

सोलापूर दक्षिण विधानसभा मतदारसंघातून श्री सिद्धेश्वर देवस्थानचे अध्यक्ष धर्मराज काडादी यांनी आज आपला अपक्ष उमेदवारी अर्ज दाखल केला आहे. धर्मराज काडादी यांनी राष्ट्रवादी काँग्रेस शरद पवार पक्षाकडून उमेदवारी मिळण्यासाठी मुलाखत दिली होती. मात्र महाविकास आघाडीच्या जागा वाटपामध्ये सोलापूर दक्षिण मधून उद्धव बाळासाहेब ठाकरे पक्षाचे जिल्हाप्रमुख अमर पाटील यांना अधिकृत उमेदवारी मिळाली. त्यामुळे काडादी यांना अपक्ष उमेदवारी अर्ज दाखल करावा लागला. अर्ज दाखल करताना बाळासाहेब शेळके, सिद्धाराम चाकोते आदी उपस्थित होते.

नाशिकमध्ये चक्क एका पक्षाने हेलिकॉप्टरने पाठवले AB फॉर्म

आज उमेदवारी अर्ज भरण्याची अंतिम तारीख असून, नाशिकमध्ये शिंदे गटाने हेलिकॉप्टरने एबी फॉर्म पाठवले आहेत. देवळाली आणि दिंडोरी विधानसभा मतदारसंघात बंडखोरी पाहायला मिळत आहे. शिंदे यांच्या शिवसेनेने देवळालीत राजश्री आहिराव आणि दिंडोरीत धनराज महाले यांना अधिकृत उमेदवारी जाहीर केली आहे, जे महायुतीतील घटक पक्ष आहेत.

सोलापूर: सांगोला मतदारसंघात यंदा तिरंगी लढत

सांगोला तालुक्यात प्रथमच राजकारणाला वेगळे वळण मिळाले आहे. आजपर्यंत तालुक्यातील माजी आमदार दीपक साळुंखे पाटील यांनी कधी शेकाप पक्षाला तर कधी शेकाप विरोधी उमेदवाराला पाठिंबा दिला. या विधानसभा निवडणुकीमुळे प्रथमच माजी आमदार साळुंखे पाटील यांनी राष्ट्रवादी जिल्हाध्यक्ष (अजित पवार गट) पदाचा राजीनामा देत थेट शिवसेना उद्धव ठाकरे पक्षात प्रवेश करत उमेदवारी मिळवून त्यांनी शेकाप व शिवसेनेचे विद्यमान आमदार शहाजी पाटील यांना धक्का दिला.

पेट्रोल-डिझेलचे दर कमी होणार!

देशातील अनेक भागांमध्ये पेट्रोल आणि डिझेलचे दर कमी होणार आहेत. पेट्रोल स्टेशन डीलर्सना देण्यात येणारे कमिशन वाढवत असल्याचे तेल कंपन्यांनी जाहीर केले आहे. आंतरराज्य मालवाहतूक तर्कसंगत करण्याचा निर्णय घेण्यात आला आहे. त्यामुळे दुर्गम भागात राहणाऱ्या ग्राहकांना दिलासा मिळणार आहे. 1 नोव्हेंबरला पेट्रोल-डिझेलचे नवीन दर लागू होऊ शकतात.

तेल आणि नैसर्गिक वायू महामंडळात 2,236 जागांसाठी भरती

तेल आणि नैसर्गिक वायू महामंडळात (ONGC) 2,236 जागांसाठी भरती प्रक्रिया सुरू आहे. आवश्यक शैक्षणिक पात्रता: 10वीं, 12वी उत्तीर्ण. वयोमर्यादा 25 ऑक्टोबर 2024 पर्यंत 18 ते 24 वर्षे असून, SC/ST साठी 5 वर्षे व OBC साठी 3 वर्षे सूट आहे. अर्ज भरण्याची अंतिम तारीख 10 नोव्हेंबर 2024 आहे. लिंक- https://drive.google .com/file/d/1KbnSqMxDEqipEp6d2MRNUIU -wtIxeEfr/view, https://www

.apprenticeshipindia.gov.in/

भाजपाचा मोठा डाव! थेट प्रदेशाध्यक्षच फोडला

राज्यात निवडणुकीच्या पार्श्वभूमीवर प्रहार पक्षाचे प्रदेशाध्यक्ष अनिल गावंडे भाजपमध्ये प्रवेश करत आहेत, ज्यामुळे बच्चू कडू यांना धक्का बसला आहे. भाजपने गावंडे यांचे मन वळवले तर प्रत्युत्तरादाखल, अकोल्यात भाजपचे माजी शहराध्यक्ष डॉ. अशोक ओळंबे यांचा प्रहारमध्ये प्रवेश झाला आहे. अजित पवार गटाचे जिल्हाध्यक्ष कृष्णा अंधारे यांचाही प्रहारमध्ये प्रवेश झाल्याची चर्चा आहे. तिसरी आघाडी तयार करून बच्चू कडू यांनी महायुती व महाविकास आघाडीला आव्हान दिले आहे.

पालकांनो मुलांना सहलीसाठी पाठवण्यापूर्वी हे करा!

हिवाळ्यात शाळा-महाविद्यालयांकडून शैक्षणिक सहली आयोजित केल्या जातात, परंतु सहलीदरम्यान अपघात आणि जीवित हानी होण्याच्या घटनांमध्ये वाढ झाली आहे. पालकांनी सहलीसाठी मुलांना पाठवण्यापूर्वी शाळेकडून महत्त्वाच्या गोष्टींची माहिती घेणे गरजेचे आहे. पट्टीचा पोहणारा आणि टॅकर सहलीसाठी सोबत आहे का, याची पडताळणी करावी. बसचे फिटनेस प्रमाणपत्र आणि इन्शुरन्स असल्याची खात्री करावी. मुलांसोबत फराळाचे साहित्य, उबदार कपडे आणि शिक्षकांच्या संपर्क क्रमांकाची माहिती घ्यावी.

बारावीची परीक्षा 11 तर दहावीची 21 फेब्रुवारीपासून सुरू होणार

महाराष्ट्र राज्य माध्यमिक व उच्च माध्यमिक शिक्षण मंडळाने इयत्ता बारावीची परीक्षा 11 फेब्रुवारी व दहावीची परीक्षा 21 फेब्रुवारीपासून सुरू करण्याचा निर्णय घेतला आहे. प्रात्यक्षिक परीक्षा अनुक्रमे 24 जानेवारी ते 10 फेब्रुवारी आणि 3 ते

20 फेब्रुवारीदरम्यान होतील. लेखी परीक्षा वेळेत झाल्याने जेईई, नीटसाठी विद्यार्थ्यांना अधिक तयारीचा वेळ मिळेल, तर अनुत्तीर्ण विद्यार्थ्यांना लवकर प्रवेश मिळू शकेल. सध्या स्थानिक सुट्ट्या व सीबीएसईच्या तारखांची पडताळणी सुरू आहे, आणि अंतिम वेळापत्रक लवकरच जाहीर होईल.

.. तर लाडक्या बहिणींना मिळणार महिना 2 हजार रुपये

महायुती सरकारने लाडकी बहीण योजना सुरु केली. यात पात्र महिलेला महिना 1500 रुपये मिळतात. त्यातच महाविकास आघाडीही लाडक्या बहिणींसाठी सरसावली आहे. महाविकास आघाडीचे सरकार आल्यानंतर महिलांना 2 हजार रुपये महिना देण्यात येणार आहेत. मविआच्या जाहीरनामा समितीकडून याबाबत निर्णय देण्यात आला आहे, अशी माहिती सूत्रांकडून देण्यात आली आहे. मविआचे सरकार आल्यास विधिमंडळाच्या पहिल्याच बैठकीत या योजनेबाबतचा ठराव मांडण्यात येणार आहे. दरम्यान, येत्या 2 दिवसात मविआ आपला जाहीरनामा सादर करण्याची शक्यता आहे.

सोलापूर: रिपाइंचा महाविकास आघाडीला पाठिंबा

सोलापूर शहर उत्तर विधानसभा मतदार संघातील राष्ट्रवादी काँग्रेस पक्ष शरदचंद्र पवार पक्षाचे अधिकृत उमेदवार महेश कोठे यांच्यासह सोलापूर शहर व जिल्ह्यातील महाविकास आघाडीच्या सर्व उमेदवारांना रिपब्लिकन पार्टी ऑफ इंडियाने जाहीर पाठिंबा दिला आहे. महाराष्ट्र प्रदेश अध्यक्ष सुभोध वाघमोडे यांनी दिलेल्या पाठिंब्याच्या पत्रात म्हंटले आहे की, जातीवादी सरकारला रोखण्यासाठी तसेच महाराष्ट्राची आस्मिता जिवंत ठेवण्यासाठी महाराष्ट्रामध्ये महाविकास आघाडी समजतील सर्व घटकांना सोबत घेऊन कार्य करते.

Today trending news

 बँकांची मोठी घोषणा, सर्वात स्वस्त होम लोन

बँक ऑफ बडोदा 8.40% व्याजदराने झिरो प्रोसेसिंग फीवर होम लोन आणि 8.95% कार लोन देत आहे, तर पर्सनल लोन 10.80% दराने उपलब्ध आहे. त्याचबरोबर फिक्स्ड डिपॉझिटवर 7.30%, ज्येष्ठ नागरिकांसाठी 7.80% व्याजदर देत आहे. बँक ऑफ महाराष्ट्रही 8.35% व्याजदराने झिरो प्रोसेसिंग फीवर होम लोन आणि 8.70% दराने कार लोन देत आहे. दिवाळीमुळे बँका होमलोन मिळणार आहे.

सोलापूर: दिलीप माने आज उमेदवारी अर्ज भरणार

सोलापूर दक्षिण विधानसभा मतदारसंघातून माजी आमदार दिलीप माने हे काँग्रेस पक्षाकडून महाविकास आघाडीचे उमेदवार म्हणून आज मंगळवारी आपला उमेदवारी अर्ज दाखल करणार आहेत. होटगी रस्त्यावरील त्यांच्या निवासस्थानापासून सकाळी 9 वाजता रॅली काढ़त ते उमेदवारी अर्ज दाखल करण्यासाठी निघणार आहेत. यावेळी महाविकास आघाडीच्या सर्व नेते मंडळींनी उपस्थित रहावे असे आवाहन दिलीप माने यांच्याकडून करण्यात आले आहे.

सोलापूर: शहर मध्य मधून चेतन नरोटे यांना काँग्रेसची उमेदवारी

आगामी विधानसभा निवडणुकीसाठी काँग्रेस पक्षाने सोलापूर शहर मध्य विधानसभा मतदारसंघातून काँग्रेसचे शहराध्यक्ष चेतन नरोटे यांना उमेदवारी जाहीर केली आहे. यापूर्वी खासदार प्रणिती शिंदे यांनी या मतदारसंघाचे नेतृत्व केले आहे. त्या खासदार झाल्यानंतर या मतदारसंघातून कोणाला उमेदवारी मिळणार याकडे सर्वांचे लक्ष लागले होते. चेतन नरोटे यांना उमेदवारी जाहीर केल्यानंतर त्यांच्या समर्थकांनी जोरदार जल्लोष साजरा केला. नरोटे हे आज मंगळवारी आपला उमेदवारी अर्ज दाखल करणार आहेत.

सोलापुरात शिंदे सेनेला जबर धक्का

मुख्यमंत्री एकनाथ शिंदे यांच्या शिवसेना पक्षाला जबर धक्का बसला आहे. पुणे येथे युवराज छत्रपती संभाजी महाराजांच्या उपस्थितीत सोलापुरातील शिंदे सेनेचे जिल्हाप्रमुख अमोल शिंदे, मनिष काळजे, शहर प्रमुख मनोज शेजवाल व उमेश गायकवाड यांनी महाराष्ट्र स्वराज्य पक्षात प्रवेश केला आहे. सोलापुरात भाजपने उमेदवारी देताना शिंदे सेनेला डावलले असल्याचा आरोप यावेळी या सर्वांनी केला. तसेच या निवडणुकीत सोलापूर मध्य मधून मनीष काळजे, शहर उत्तर मधून अमोल शिंदे, दक्षिणमधून उमेश गायकवाड हे आज आपली उमेदवारी दाखल करणार आहेत.

फडणवीस यांनी केला केंद्रात जबाबदारी मिळणार असल्याच्या चर्चेबाबत खुलासा

उपमुख्यमंत्री देवेंद्र फडणवीस यांना केंद्रात जबाबदारी मिळणार असल्याच्या चर्चेबाबत त्यांनी खुलासा केला आहे. एका कार्यक्रमात त्यांनी सांगितले की, दिल्लीच्या पत्रकारांकडे बातम्या नसल्यास या प्रकारच्या अफवा पसरवल्या जातात. भाजपमध्ये निर्णय व्यक्ती नव्हे, तर पार्लमेंट्री बोर्ड घेतो, असेही त्यांनी स्पष्ट केले. त्यामुळे केंद्रात त्यांच्या संभाव्य भूमिकेबाबत सुरू असलेल्या चर्चांना त्यांनी पूर्णविराम दिला आहे.

भारतामध्ये सुमारे 400 हून अधिक प्रमुख नद्या

भारतामध्ये सुमारे 400 हून अधिक प्रमुख नद्या आहेत, ज्यात गंगा, यमुना, ब्रह्मपुत्रा, सिंधू, गोदावरी, कृष्णा, आणि नर्मदा या प्रमुख नद्यांचा समावेश होतो. ह्या नद्या देशातील विविध प्रदेशांतून वाहत जातात आणि त्यांच्या उपनद्यांच्या सहकार्याने शेती, जलसिंचन, वीज निर्मिती आणि पिण्याच्या पाण्याचा पुरवठा करत आहेत. भारतीय नद्यांच्या तीन मुख्य प्रणाली आहेतः गंगा नदी प्रणाली, सिंधु नदी प्रणाली आणि ब्रह्मपुत्रा नदी प्रणाली, ज्यामुळे या विविध प्रदेशांमध्ये जलस्रोतांचे मोठे जाळे तयार झाले आहे.

29 ऑक्टोबरला महाराष्ट्रातील विदर्भातील काही जिल्ह्यांत पावसाची शक्यता

29 ऑक्टोबरला महाराष्ट्रातील विदर्भातील काही जिल्ह्यांत पावसाची शक्यता आहे, ज्यामुळे कृषी आणि हवामानाच्या दृष्टीने येथील शेतकऱ्यांसाठी महत्त्वपूर्ण ठरेल. चंद्रपूर, गडचिरोली, भंडारा, आणि गोंदिया या जिल्ह्यांमध्ये हलक्या ते मध्यम स्वरूपाच्या पावसाची शक्यता आहे. शेतकऱ्यांनी या पावसाचा प्रभाव लक्षात घेऊन पिकांची काळजी घेतली पाहिजे, विशेषतः अशा स्थितीत जेथे हंगामी पिके पाण्याच्या ताणाखाली असतात किंवा पिकांच्या पाण्याच्या आवश्यकतांवर परिणाम होऊ शकतो.

मनसेने शिवसेनेकडे 10 जागांचा प्रस्ताव ठेवला

महाराष्ट्र विधानसभा निवडणुकीत राज ठाकरे यांनी स्वबळावर लढण्याची घोषणा केली असून मुलगा अमित ठाकरे यांना थेट रिंगणात उतरवले आहे. अमित यांना दादर-माहिममध्ये शिवसेना नेते सदा सरवणकरांशी लढावे लागणार आहे. दरम्यान, मनसेने शिवसेनेकडे 10 जागांचा प्रस्ताव ठेवला आहे, ज्यामध्ये वरळी, शिवडी, माहिम, अंधेरी, जोगेश्वरी आदी मतदारसंघांत मनसेला बिनविरोध विजय मिळवून द्यावा, अशी मागणी आहे. महायुतीने लोकसभेत मनसेला दिलेल्या पाठिंब्याची परतफेड करावी, अशी अपेक्षा असून अशातच अमित ठाकरे यांच्यासमोर निवडणुकीचे मोठे आव्हान आहे.

Trending topic today राज्यात 915 शॅडो मतदान केंद्रे

 

राज्यात 915 शॅडो मतदान केंद्रे

आगामी विधानसभा निवडणुकांसाठी मुख्य निवडणूक अधिकारी कार्यालयामार्फत महाराष्ट्र राज्यात 915 शॅडो मतदान केंद्र उभारण्यात येत आहेत. रत्नागिरी जिल्ह्यात सर्वाधिक 232 शॅडो मतदान केंद्र असणार आहे. राज्यात एकूण 24 जिल्ह्यांमध्ये ही शॅडो मतदान केंद्र असणार आहेत. या केंद्रात मतदानाच्या दिवशी विशेष सुविधा असणार आहेत. विशेष मेसेंजर, वॉकी-टॉकी, व्हीएचएफ, वायरलेस सेंटर, वायरलेस कम्युनिकेशन सेवा, सॅटेलाइट फोन, वने आणि पोलीस विभागाचा रनर यासारख्या सुविधा कार्यरत असतील.

निवडणुकीनंतर ठाकरे आणि फडणवीस एकत्र येणार? आठवले यांचा दावा

निवडणुकीनंतर उद्धव ठाकरे आणि देवेंद्र फडणवीस एकत्र येणार असल्याचा दावा केंद्रीय मंत्री रामदास आठवले यांनी केला आहे. या दाव्यानुसार, दोन पक्षांच्या नेत्यांमध्ये एकता येण्याची शक्यता असल्याचे त्यांनी सांगितले. यामुळे आगामी राजकीय परिस्थितीत काही बदल होऊ शकतात, असे विचारले जात आहे.

अमित ठाकरेंना पाठिंबा देण आमच कर्तव्य- केसरकर

मनसे अध्यक्ष राज ठाकरे यांनी लोकसभेला महायुतीला पाठिंबा दिला होता, त्यामुळे आता आमचं कर्तव्य आहे की, अमित ठाकरे यांना पाठिंबा द्यावा लागेल. दरम्यान, विद्यमान आमदार सदा सरवणकर यांच्याशी चर्चा सुरू आहे, आणि त्यांचा योग्य मान राखण्याचा वचन दिलं आहे. मुख्यमंत्री एकनाथ शिंदे यांच्याकडून या परिस्थितीत तोडगा काढला जाईल, असे केसरकर यांनी सांगितले.

सोलापूर: महेश कोठे पदयात्रा काढून भरणार उमेदवारी अर्ज

राष्ट्रवादी काँग्रेस शरदचंद्र पवार पक्षाकडून सोलापूर शहर उत्तर विधानसभा मतदारसंघातून महाविकास आघाडीचे अधिकृत उमेदवार महेश कोठे हे आपला उमेदवारी अर्ज भव्य पदयात्रा काढून भरणार आहेत. ही पदयात्रा उद्या सोमवारी सकाळी ८ वाजता आयोजित करण्यात आली आहे. पदयात्रेची सुरुवात महेश कोठे यांचे संपर्क कार्यालय, शहा वाडीलाल बिल्डिंग, उस्मानाबाद जनता सहकारी बँकेसमोर, मंगळवार पेठ जवळ, बलिदान चौक, सोलापूर येथून होणार आहे. तरी शहरातील सर्व प्रदेश पदाधिकारी, कार्यकर्त्यांनी यावेळी उपस्थित रहावे असे आवाहन करण्यात आले आहे.

महाविकास आघाडीत ठाकरे गट आणि काँग्रेसमध्ये नाराजी

मुंबईतील चार ते पाच जागांसाठी ठाकरे गटाने चर्चा न करता उमेदवार जाहीर करून AB फॉर्म दिल्यामुळे काँग्रेसमध्ये नाराजी पसरली आहे. या निर्णयामुळे महाविकास आघाडीतील सहकार्यांमध्ये तणाव वाढला आहे, ज्यामुळे आगामी निवडणुकांच्या रणनीतीवर परिणाम होऊ शकतो. काँग्रेसने ठाकरे गटाच्या या कृतीवर चिंता व्यक्त केली आहे.

रोज किती तास अभ्यास करावा?

शालेय विद्यार्थी: शालेय विद्यार्थ्यांसाठी दररोज 3-5 तास अभ्यास योग्य मानला जातो. परीक्षा काळात यामध्ये थोड़ी वाढ़ होऊ शकते.

महाविद्यालयीन विद्यार्थी: यांच्यासाठी 4-6 तास अभ्यास करणे चांगले आहे, विशेषतः प्रोजेक्ट्स आणि असाइनमेंट्सच्या काळात.

आत्म-शिक्षण: जर तुम्ही नवीन कौशल्य शिकत असाल किंवा विशिष्ट विषयावर लक्ष केंद्रित करत असाल, तर 1-2 तास रोज खूप फायदेशीर ठरू शकते.

ताणमुक्त अभ्यास: नियमित ब्रेक घेणे आणि अभ्यासाचे तास विभाजित करणे देखील महत्त्वाचे आहे.

सोलापूर: दिलीप माने यांची कुमठे येथे पदयात्रा

सोलापूर दक्षिण मधून विधानसभा निवडणूक लढविण्यासाठी इच्छुक असणारे माजी आमदार दिलीप माने यांनी मतदारसंघातील कुमठे येथे निवडणूक प्रचारार्थ पदयात्रेचे आयोजन केले होते. यावेळी माने म्हणाले, या गावाने माझ्यावर नेहमीच भरभरून प्रेम केले आहे आणि ग्रामस्थांच्या या प्रेमाने मनोमन भारावून गेलो आहे. गावातील श्री मरिआई मंदिर, श्री हनुमान मंदिर, श्री विठ्ठल मंदिर, श्री रोहिदास मंदिर, श्री लक्ष्मी मंदिर येथे जाऊन मी दर्शन घेतले आणि गावाच्या सुख-समृद्धीसाठी प्रार्थना केली. त्याचवेळी पदयात्रेद्वारे नागरिकांशी संवाद साधला.

उद्धव ठाकरेंचा शिंदे गटाला मोठा धक्का: बबनराव घोलपांची घरवापसी 

राजकीय वर्तुळातून मोठी बातमी समोर येत आहे. विधानसभा निवडणुकीच्या तोंडावर उद्धव ठाकरे यांनी मुख्यमंत्री एकनाथ शिंदे यांना मोठा धक्का दिला आहे, शिवसेना शिंदे गटाचे उपनेते माजी आमदार बबनराव घोलप यांनी पुन्हा एकदा शिवसेना ठाकरे गटात प्रवेश केला आहे. यावेळी उद्धव ठाकरे आणि युवासेनाप्रमुख आदित्य ठाकरे उपस्थित होते. ठाकरे यांनी घोलप यांचे स्वागत करत शिवबंधन बांधले, ज्यामुळे राजकीय वातावरणात उत्साह वाढला आहे.

ज्येष्ठांसाठी सरकारची योजना, मिळणार 3000 रुपये

राज्यात जेष्ठ नागरिकांसाठी वयोश्री योजना सुरू करण्यात आली आहे, ज्यांत 65 वर्षांवरील नागरिकांना 3000 रुपयांची आर्थिक मदत मिळेल. महाराष्ट्र सरकारने यंदाच्या बजेटमध्ये या योजनेसाठी 480 कोटी रुपयांची तरतूद केली आहे. वृद्धावस्थेमुळे ऐकण्यात, दिसण्यात आणि चालण्यात अडचण असलेल्या नागरिकांना आवश्यक उपकरणे, जसे की चष्मा आणि श्रवणयंत्र प्रदान करण्यात येतील. या योजनेचा उद्देश जेष्ठ नागरिकांच्या जीवनमानात सुधारणा करणे आहे.

निवडणुकीनंतर 'लाडकी बहीण' योजना बंद होणार?

मुख्यमंत्री एकनाथ शिंदे यांनी माझी लाडकी बहीण योजनेवर भाष्य करत योजनेला कोणतीही धोका नसल्याचे स्पष्ट केले आहे. यामध्ये महिलांच्या खात्यात दर महिन्याला दीड हजार रुपये जमा केले जातात. विरोधकांनी या योजनेवर टीका केली असली तरी, शिंदे यांनी सांगितले की, या योजनेला न्यायालयाने मान्यता दिली आहे. शिवाजी पार्कवर झालेल्या दसरा मेळाव्यात उद्धव ठाकरे यांनी निर्णय रद्द करण्याची धमकी दिली होती. मुख्यमंत्री शिंदे यांनी विरोधकांवर जोरदार हल्लाबोल केला.

सोलापूर: विद्यार्थिनीचा बुडून मृत्यू; शिक्षकावर गुन्हा

सहलीला गेल्यानंतर वॉटर पार्क मध्ये पाण्यात पडून आठ वर्षाच्या विद्यार्थिनीचा बुडून मृत्यू झाल्या प्रकरणी बीड येथील शाळेच्या मुख्याध्यापिकेसह शिक्षकांवर जोडभावी पेठ पोलीस ठाण्यात तब्बल आठ महिन्यानंतर गुन्हा दाखल झाला आहे. याबाबतची अधिक माहिती अशी की गेवराई येथील पब्लिक स्कूलची सहल तळे हिप्परगा येथील वॉटर पार्क मध्ये आली होती. त्यावेळी सर्व मुले- मुली पाण्यात खेळण्यासाठी उतरले होते. दरम्यान प्रांजली मस्के ही मुलगीही पाण्यात खेळत असताना खोल पाण्यात गेली व नाका तोंडात पाणी गेल्याने ती मरण पावली.

सोलापूर: आमदार राऊत यांचा शिवसेनेत प्रवेश

आमदार राजाभाऊ राऊत यांचा मुख्यमंत्री एकनाथ शिंदे यांच्या प्रमुख उपस्थितीत वर्षा बंगल्यावर शिवसेना ( बाळासाहेबांची शिवसेना ) पक्षामध्ये जाहीर प्रवेश केला. त्यामुळे बार्शीत मशाल विरुद्ध धनुष्यबाण असा सामना रंगणार आहे. आमदार यांची उमेदवारी आजच घोषित होईल असेही सांगण्यात येत आहे.

दिल्लीहून मला संपवण्याचं फर्मान आलं आहे- अशोक चव्हाण

राज्यसभा खासदार अशोक चव्हाण यांनी भोकरमध्ये झालेल्या सभेत राहुल गांधी यांना इशारा देताना सांगितले की, "दिल्लीहून मला संपवण्याचं फर्मान आलं आहे, पण मी संपणार नाही." त्यांनी नमूद केले की, नांदेडला टार्गेट केलं जात आहे आणि तेलंगणाचे मुख्यमंत्री काम सोडून इथे येणार आहेत. चव्हाण यांना संपवण्याचा कट असल्याचा आरोप करून त्यांनी काँगेस नेतृत्वाला आव्हान दिलं आहे.

महाराष्ट्र नवनिर्माण सेनेचा इतिहास

महाराष्ट्र नवनिर्माण सेना (मनसे) या पक्षाची स्थापना 9 मार्च 2006 रोजी राज ठाकरे यांच्या नेतृत्वात झाली. शिवसेनेत गटबाजीमुळे नाराज झाल्यानंतर राज ठाकरे यांनी पक्षाची स्थापना केली, ज्याचा उद्देश महाराष्ट्रातील मराठी माणसाला वैभव प्रदान करणे आहे. 2009 आणि 2012 मध्ये पक्षाने विधानसभा आणि महानगरपालिका निवडणुकांमध्ये चांगली कामगिरी केली, परंतु हळूहळू त्यांचा प्रभाव कमी होत गेला. 2019 च्या विधानसभा निवडणुकीत मनसेचा केवळ एक उमेदवार निवडून आला.

अजित पवारांची ताकद वाढली, रिपब्लिकन पक्षाची युती

अजित पवार गटाची ताकद आणखी वाढली आहे. महाराष्ट्र रिपब्लिकन पक्षाने अजित पवार गटाशी युती केली. यापुढे या पक्षाचे संजय सोनवणे आणि त्यांचे कार्यकर्ते राष्ट्रवादीसोबत काम करतील, अशी माहिती उपमुख्यमंत्री अजित पवारांनी दिली. त्यामुळे या युतीचा अजित पवार गटाला कितपत फायदा होईल? हे निकाला वेळी कळेल. दरम्यान, 20 नोव्हेंबरला महाराष्ट्रात मतदान आहे. 23 नोव्हेंबरला निकाल आहे

Trending news राजकीय updates

  राजकीय दिवाळी...

दिवाळीत ऑनलाईन खरेदीसाठी सावधगिरी आवश्यक

दिवाळीच्या सणासाठी ग्राहक ऑनलाईन खरेदीकडे वळत आहेत. तज्ञांच्या मते, विश्वासार्ह वेबसाइट्सवरून खरेदी करणे महत्त्वाचे आहे. ग्राहकांनी उत्पादनांच्या पुनरावलोकनांचा अभ्यास करावा आणि सुरक्षित भरणा पद्धतींचा वापर करावा. तसेच, वस्तूंच्या परताव्याच्या धोरणांची माहिती घेणे आवश्यक आहे. या सावधगिरीच्या उपाययोजनांमुळे ग्राहक सुरक्षित आणि आनंदाने खरेदी करू शकतील. 

छत्रपती शासन हा नवा पक्ष देणार अजित पवारांना उमेदवारी

महाराष्ट्र विधानसभा निवडणुकांसाठी अर्ज भरण्याची शेवटची तारीख 29 ऑक्टोबर आहे, आणि याच पार्श्वभूमीवर 'शिवाजी द मॅनेजमेंट गुरू'चे लेखक नामदेव जाधव यांनी 'छत्रपती शासन' नावाने नवीन पक्ष स्थापन केला आहे. हा पक्ष 288 जागांवर उमेदवार देणार आहे. जाधव यांनी सांगितले की, कोणालाही उमेदवारी न मिळाल्यास हा पक्ष एक पर्याय ठरेल. बारामतीतून अजित पवार नावाचा नवीन तरुण उमेदवार देणार असल्याची घोषणा त्यांनी केली आहे. जाधव यांना विश्वास आहे की त्यांचे छोटं रोपटं भविष्यात वटवृक्ष बनेल.

सोलापूर: ओपिनियन पोल तसेच एक्झिट पोल दर्शविण्यावर प्रतिबंध

भारत निवडणूक आयोगाने महाराष्ट्र विधानसभा निवडणूक कालावधीत निवडणूक निकालांचे अंदाज (ओपिनियन पोल तसेच एक्झिट पोल) दर्शविण्यावर प्रतिबंध केला आहे. महाराष्ट्रातील 288 विधानसभा मतदारसंघात दि. 20 नोव्हेंबर 2024 रोजी मतदान होणार आहे. या अनुषंगाने निवडणूक निकालांचे अंदाज 13 नोव्हेंबर 2024 रोजी सकाळी सात वाजेपासून ते 20 नोव्हेंबर 2024 रोजी सायंकाळी 6. 30 वाजेपर्यंतच्या कालावधीत कोणत्याही प्रकारच्या एक्झिट पोलचे आयोजन करणे, कोणत्याही माध्यमांद्वारे प्रकाशन अथवा प्रसारण करण्यास प्रतिबंध लागू राहणार आहे.

शरद पवारांचा अजित पवारांना मोठा धक्का!

छत्रपती संभाजीनगरमध्ये राजकीय घडामोडींना वेग आला आहे. सतीश चव्हाण हे राष्ट्रवादी काँग्रेस शरद पवार गटाकडून गंगापूर विधानसभा मतदारसंघातून निवडणूक लढवण्याची शक्यता आहे. संध्याकाळी चार वाजता चव्हाण यांच्या उमेदवारीची घोषणा होणार आहे, जी अजित पवार यांना मोठा धक्का मानली जात आहे. काही दिवसांपूर्वीच चव्हाण यांनी या मतदारसंघात निवडणूक लढवण्याची तयारी दर्शवली होती. गंगापूर विधानसभा मतदारसंघात सध्या भाजपचे आमदार प्रशांत बंब आहेत, त्यामुळे चव्हाण यांची स्पर्धा तीव्र होण्याची शक्यता आहे.

किवी वजन कमी करण्यास फायदेशीर

किवीमध्ये उच्च प्रमाणात व्हिटॅमिन सी असतो, जो इम्यून सिस्टमला मजबूत करण्यास मदत करतो. किवीमध्ये फायबर असल्याने हे पचनक्रिया सुधारण्यात मदत करते आणि बद्धकोष्ठता टाळते. किवीमध्ये अँटिऑक्सिडेंट्स असतात, जे

शरीरातील मुक्त कणांपासून संरक्षण करतात. किवीचे सेवन त्वचेला उजळवण्यास आणि ताजेतवाने ठेवण्यास मदत करते. किवी हृदयाच्या आरोग्यासाठी फायदेशीर आहे, कारण ते रक्तदाब नियंत्रित करण्यास मदत करते. कमी कॅलरी असलेल्या किवीत चांगले पोषण असते, जे वजन कमी करण्यास मदत करते.

4 लाख 93 हजार 164 लाभार्थी शिध्यापासून वंचित राहणार

विधानसभा निवडणुकीची आचारसंहिता लागू झाल्याने यंदा दिवाळीत दिला जाणारा आनंदाचा शिधा थांबविण्यात आला आहे. यामुळे 1 लाख 31 हजार 926 शिधापत्रिकाधारकांच्या 4 लाख 93 हजार 164 लाभार्थींना शिध्यापासून वंचित राहावे लागणार आहे. दरवर्षी 100 रुपयांत साखर, रवा, हरभराडाळ व तेल असा शिधा दिला जातो; परंतु शिधा पिशव्यांवर सत्ताधाऱ्यांची छायाचित्रे असल्याने आचारसंहितामुळे अडचण निर्माण झाली आहे. आचारसंहिता लागू होण्यापूर्वी निर्णय न झाल्याने यंदा नागरिकांना शिध्याचा लाभ मिळणार नाही.

आता घरबसल्या तयार करा आभा कार्ड

केंद्र सरकारने आयुष्मान भारत योजनेअंतर्गत आभा कार्ड तयार करण्याची प्रक्रिया सुरू केली आहे. या कार्डामुळे तुमचे आरोग्य रेकॉर्ड डिजिटल स्वरूपात साठवले जातात. 14 अंकांचे या युनिक कार्डमध्ये क्यूआर कोड असतो, ज्यामुळे तुमचा रक्तगट, औषधांची माहिती, आणि उपचारांचा इतिहास सहज मिळवता येतो. आभा कार्ड तयार करण्यासाठी तुम्हाला https://abha

.abdm.gov.in/abha/v3 या वेबसाईटवर जावे लागेल. तिथे 'आभा नंबर तयार करा' या पर्यायावर क्लिक करून आधार किंवा ड्रायव्हिंग लायसन्स क्रमांक भरावा लागेल.

फडणवीसांच्या निर्णयामुळे आदिवासी तरुणांचे स्वप्न साकार होणार

राज्य सरकारने पोलिस भरतीत आदिवासी उमेदवारांना 5 से.मी. उंचीची सूट देण्याचा निर्णय घेतला आहे. उपमुख्यमंत्री देवेंद्र फडणवीस यांच्या या निर्णयामुळे आदिवासी तरुणांचे पोलिस बनण्याचे स्वप्न साकार होणार आहे. केळापूर-आर्णीचे आमदार डॉ. संदीप धुर्वे यांनी याबाबत निवेदन दिल्यानंतर 4 ऑक्टोबर रोजी शासनाने राजपत्र जारी केले. नवीन नियमांनुसार, युवकांची उंची 165 सेंटीमीटरऐवजी 160 सेंटिमीटर आणि युवतींची 150 सेमीऐवजी 145 सेमी असेल. यामुळे महाराष्ट्र पोलिस भरतीमध्ये आदिवासी तरुण-तरुणींना मोठा लाभ होणार आहे.

महाराष्ट्रातील सर्व शाळांमध्ये पहिलीपासून हिंदी विषय सक्तीचा

नवीन राष्ट्रीय शैक्षणिक धोरणानुसार, पुढील शैक्षणिक वर्षापासून महाराष्ट्रातील सर्व मराठी आणि इंग्रजी माध्यमाच्या शाळांमध्ये पहिलीपासून हिंदी विषय सक्तीचा करण्यात येणार आहे. सुकाणू समितीने यासाठी अंतिम मंजुरी दिली आहे. त्यामुळे 6 ते 7 वर्षांच्या विद्यार्थ्यांना हिंदी शिकणे अनिवार्य होणार आहे. या निर्णयामुळे मराठी माध्यमातील विद्यार्थ्यांना तीन भाषा-मराठी, इंग्रजी आणि हिंदी-शिकाव्या लागणार आहेत, जे विशेषतः अकरावी व बारावीत विज्ञान व गणिताच्या इंग्रजी अभ्यासक्रमाच्या पार्श्वभूमीवर महत्त्वाचे ठरते.

सोलापूर: अक्कलकोटमध्ये अस्तित्वाची लढाई

राज्यामध्ये विधानसभा निवडणुकीची रंगत वाढत आहे. अनेक मतदारसंघांमध्ये प्रतिष्ठेची लढत दिसून येत आहे. अशीच कडवी झुंज अक्कलकोटमध्ये सुद्धा दिसून येत आहे. माजी गृहमंत्री सिद्धाराम म्हेत्रे आणि भाजपाचे विद्यमान आमदार सचिन कल्याणशेट्टी यांच्यात अकलकोट विधानसभा मतदारसंघात कडवी झुंज लागली आहे. कल्याणशेट्टी यांची प्रतिष्ठा तर म्हेत्रे यांची अस्तित्वाची लढाई होणार आहे.

सोलापूर: दक्षिणमधून महायुती विजयाची हॅटट्रिक करेल

दक्षिण सोलापूर विधानसभा मतदारसंघातील भाजप पदाधिकारी आणि कार्यकर्त्यांच्या संवाद बैठकीचे आयोजन सोलापूर येथे करण्यात आले होते. विधानसभा निवडणुकीच्या अनुषंगाने बैठकीत भाजपचे उमेदवार व विद्यमान आमदार सुभाष देशमुख यांनी कार्यकर्त्यांना आणि पदाधिकाऱ्यांना

मार्गदर्शन केले. मागील 10 वर्षात दक्षिण सोलापूरचा मोठ्या प्रमाणात विकास झाला. या विकास कामाच्या जोरावर यंदाही भाजप-महायुती दक्षिण सोलापुरातून विजयाची हॅटट्रिक करेल असा विश्वास त्यांनी यावेळी व्यक्त केला.

राहुल गांधी काँग्रेस नेत्यांवर नाराज

दिल्लीमध्ये झालेल्या काँग्रेसच्या केंद्रीय कार्यकारी समिती (CEC) बैठकीत विरोधी पक्षनेते राहुल गांधी यांनी राज्यातील काँग्रेस नेत्यांवर नाराजी व्यक्त केली. त्यांनी सांगितले की, जागावाटपाच्या चर्चेत काँग्रेस नेत्यांनी योग्य भूमिका पार न पाडल्यामुळे परिस्थिती अधिक जटिल झाली आहे. ठाकरे

गटाने विदर्भातील काही जागांवर दावा केला आहे, ज्यामुळे जागावाटपाचा तिढा अद्याप सुटलेला नाही. राहुल गांधींच्या नाराजीमुळे काँग्रेसमध्ये अंतर्गत चर्चा तीव्र होण्याची शक्यता आहे. या चर्चेचा प्रभाव आगामी निवडणुकांवर पडणार.

10वी पाससाठी सरकारी नोकरी, 059 जागा

भरती विभाग- शैक्षणिक व क्रीडा संकुल पद : मदतनीस, वसतिगृह शिक्षक, विविध विषयांचे शिक्षक शैक्षणिक पात्रता : 10वी / पदवीधर व इतर अर्ज : ऑनलाईन निवड : मुलाखतीव्दारे पदे : 059

www.atmamalikonline.com या संकेतस्थळावर अप्लीकेशन करणे अनिवार्य

·मुलाखत तारीख : 09 नोव्हेंबर ते 13 नोव्हेंबर 2024 मुलाखतीचा पत्ता : आत्मा मलिक शैक्षणिक व क्रीडा संकुल अहमदनगर, मु. पोस्ट. कोकमठाण, शिर्डी-कोपरगाव रोड, ता. कोपरगाव, जि. अहमदनगर (MH) पिन-423601.

महाराष्ट्रातल्या प्रमुख राजकीय पक्षांची नावं

* काँग्रेस * राष्ट्रवादी काँग्रेस - शरद पवार गट * राष्ट्रवादी काँग्रेस अजित पवार गट * शिवसेना- एकनाथ शिंदे गट * शिवसेना- उद्धव ठाकरे गट * भारतीय जनता पार्टी * महाराष्ट्र नवनिर्माण सेना * बहुजन विकास आघाडी * एमआयएम *

वंचित बहुजन आघाडी * भारतीय कम्युनिस्ट पक्ष * प्रहार * शेतकरी कामगार पक्ष * जनसुराज्य पक्ष

* शेतकरी संघटना * राष्ट्रीय समाज पक्ष *भारिप * भारत राष्ट्र समिती

राज ठाकरे-उद्धव ठाकरे एकत्र येणार?

महाराष्ट्र नवनिर्माण सेनेचे अध्यक्ष राज ठाकरे आणि उद्धव ठाकरे हे बंधू एकत्र कधी येणार, शिवाय एकत्र येणार का? अशा चर्चा नेहमीच रंगतात. त्यावर राज ठाकरेंचे सुपूत्र अमित ठाकरेंनी रोखठोक वक्तव्य केलं आहे. 'आता दोन ठाकरे एकत्र येण्याचा विषय संपलेला आहे', असं स्पष्ट शब्दात अमित ठाकरेंनी सांगून टाकलंय. दरम्यान, अमित ठाकरे प्रथमच विधानसभा लढवत आहेत. माहिम येथून त्यांना मनसेने तिकीट दिले आहे.