Trending topics:तुमचे नाव मतदार यादीत आहे का?

 तुमचे नाव मतदार यादीत आहे का?

महाराष्ट्रात लवकरच विधानसभा निवडणुका होणार आहेत. त्यातच अजूनही तुमचे नाव मतदार यादीत नसेल तर ही बातमी तुमच्यासाठी आहे. ज्यांनी अजूनही आपले नाव मतदार यादीत नोंदवलेले नाही त्यांना 19 ऑक्टोबरपर्यंत नाव नोंदणी करण्याची संधी अद्याप उपलब्ध आहे. ऑफलाईन तसेच ऑनलाईन दोन्ही पद्धतीने मतदार आपले नाव मतदार यादीत नोंदवू शकतात. त्यामुळे मतदारांनी आपल्या नावाची नोंद करावी.

वारी एनर्जीजचा आयपीओ 28 ऑक्टोबरला शेअर होणार

वारी एनर्जीजच्या आयपीओद्वारे 4321.44 कोटी रुपयांची उभारणी केली जाणार आहे. आयपीओमध्ये एक समभागाचे मूल्य 1503 रुपये निश्चित करण्यात आले आहे. या आयपीओच्या खुल्या होण्यापूर्वीच ग्रे मार्केटमध्ये दमदार प्रतिसाद मिळत असून, वारी एनर्जीजच्या आयपीओवर ग्रे मार्केटमध्ये 85 टक्के अधिक प्रीमियमवर ट्रेड सुरु आहे. वारी एनर्जीजचा आयपीओ 28 ऑक्टोबरला बीएसई आणि एनएसईवर शेअर होणार आहे.

अजित पवारांना मोठा धक्का, 850 पदाधिकाऱ्यांचा राजीनामा

पुण्यात राष्ट्रवादी काँग्रेसच्या पदाधिकाऱ्यांच्या राजीनाम्याचे सत्र सुरुच आहे. आज पुन्हा राष्ट्रवादी काँग्रेस पक्षाच्या आणखी 250 पदाधिकाऱ्यांनी राजीनामे दिले आहेत. पुणे शहराध्यक्ष दीपक मानकर यांना विधान परिषदेवर संधी न दिल्यामुळे पदाधिकाऱ्यांमध्ये नाराजी कायम आहे. पक्षाच्या विविध पदांवरून राजीनामे देणाऱ्यांची संख्या आता 850 वर पोहोचली आहे. दरम्यान, मानकर यांनीही अजित पवारांची साथ सोडली आहे. त्यामुळे अजित पवारांना हा मोठा धक्का आहे. 

वडिल भाजपमध्ये, मुलगा राष्ट्रवादीत अन् उमेदवारी मागितली जरांगेंकडे

वडिल भाजपमध्ये, मुलगा राष्ट्रवादीत आणि उमेदवारी मागायला दोघेही मनोज जरांगे पाटलांकडे आल्याचे समोर आले आहे. उमरगा विधानसभा मतदारसंघातून इच्छुक असलेले भाजपचे जिल्हा उपाध्यक्ष कैलास शिंदे आणि त्यांचे सुपूत्र राष्ट्रवादी युवक काँग्रेसचे जिल्हाध्यक्ष दिग्विजय शिंदे यांनी जरांगेंची भेट घेतली. तसेच, उमेदवारी मागीतल्याची चर्चा आहे. दरम्यान, अनुसूचित जातीसाठी उमरगा-लोहारा विधानसभा आरक्षित आहे. त्यामुळे येथून इच्छूक उमेदवारांची संख्या वाढली आहे.

गरम पाणी प्यायल्याने खरच वजन कमी होतं का?

गरम पाणी प्यायल्याने वजन कमी करण्यास थेट मदत होत नाही, पण काही प्रकारे ते प्रक्रिया सुधारण्यास मदत करू शकते. गरम पाण्यामुळे पचनक्रिया सुधारते आणि अन्न चांगले पचते. गरम पाण्यामुळे मेटाबॉलिझम वाढतो, ज्यामुळे अधिक कॅलरीज जाळता येतात. गरम पाणी शरीरातील विषारी पदार्थ बाहेर काढण्यात मदत करते, जे वजन कमी करण्यास सहाय्यक ठरू शकते. योग्य प्रमाणात पाणी पिणे वजन कमी करण्यात मदत करते. गरम पाणी पिल्याने तुम्ही हायड्रेटेड राहता.

Trending topics:महागाई भत्ता वाढला

 महागाई भत्ता वाढला म्हणजे आता नक्की किती पगार मिळणार?

केंद्र सरकारी कर्मचाऱ्यांचा डीए म्हणजेच महागाई भत्ता 3 टक्क्यांनी वाढ करण्यासोबतच कर्मचाऱ्यांना तीन महिन्यांची थकबाकी देण्याचा निर्णय केंद्रीय मंत्रिमंडळाने घेतला आहे. त्यानुसार जर एखाद्या कर्मचाऱ्याचा पगार 40 हजार रुपये असेल आणि त्याच्या डीएमध्ये 3 टक्के वाढ झाली. तर त्याच्या पगारात 1,200 रुपयांची वाढ होईल. शिवाय कर्मचाऱ्यांना जुलै, ऑगस्ट आणि सप्टेंबर महिन्यांची थकबाकीही दिली जाणार आहे. या प्रकारे त्यांना 3,600 रुपयेही मिळतील.

सोलापूर: मतदार संघाच्या निवडणुकीसाठी प्रशासकीय यंत्रणा सज्ज

मोहोळ विधानसभा निवडणुकीसाठी प्रशासकीय यंत्रणा सज्ज झाली असून, आचार संहिताचा भंग करणाऱ्या वर थेट कारवाई करण्यात येणार आहे. दरम्यान निवडणुकीच्या प्रक्रियेतील उमेदवाराने त्यांच्यावर दाखल असलेल्या गुन्ह्याचे तीन वेळा

प्रसिद्धीकरण करणे गरजेचे असल्याची माहिती निवडणूक

निर्णय अधिकारी तथा उपजिल्हाधिकारी श्रीमती सीमा होळकर यांनी दिली. मोहोळ विधानसभा मतदारसंघात एकूण 146 गावांचा समावेश असून, 336 मतदान केंद्रे आहेत. 3 लाख 29 हजार एकूण मतदार आहेत.

शिंदे साहेबच मराठ्यांना आरक्षण देऊ शकतात- जरांगे

मुख्यमंत्री एकनाथ शिंदे यांनी मराठा समाजाला ओबीसी आरक्षणाला धक्का न लावता आरक्षण देण्याचं ठाम आश्वासन दिलं. महायुतीच्या पत्रकार परिषदेत त्यांनी दसरा मेळाव्यात शपथ घेतल्यानंतर तात्काळ मराठा आरक्षण दिल्याचं सांगितलं आणि विरोधकांवर टीका केली. मनोज जरांगे यांच्या आंदोलनावर शिंदेंनी सल्ला देत, महायुतीने दिलेल्या सवलतींचा विचार करावा असं म्हटलं. जरांगेंनी यावर प्रतिक्रिया देत, शिंदे साहेबच मराठ्यांना आरक्षण देऊ शकतात आणि तेवढेच धाडसी आहेत, असं मत व्यक्त केलं.

लाडकी बहीण योजनेमुळे राज्य कंगाल होईल: ठाकरे

मनसे अध्यक्ष राज ठाकरे यांनी लाडकी बहीण योजनेवर ट, करत म्हटले आहे की, या योजनेमुळे राज्य कंगाल होईल. फुकट पैसे वाटून काहीही साधता येणार नाही. राज ठाकरे यांनी सरकारवर गंभीर आरोप करत सांगितले की, आर्थिक मदतीच्या योजनेतून दीर्घकालीन उपाययोजना न करता फक्त तात्पुरती सोडवणूक केली जात आहे. लोकांच्या आर्थिक स्थितीच्या सुधारणा करण्यासाठी ठोस पावले उचलावी लागतील, असं राज ठाकरे म्हणाले.

शाळेतील डिजिटल शिक्षण: नवीन युगाची सुरुवात

शिक्षण क्षेत्रात डिजिटल तंत्रज्ञानाच्या वापराने नवीन युगाची सुरुवात झाली आहे. कोरोना महामारीनंतर अनेक शाळांनी ऑनलाइन शिक्षण पद्धत स्वीकारली आहे, ज्यामुळे विद्यार्थ्यांना घरबसल्या शिक्षण घेणे शक्य झाले आहे. या ट्रेंडमुळे शिक्षणातील असमानता कमी झाली असून, ग्रामीण भागातील विद्यार्थ्यांनाही तंत्रज्ञानाच्या माध्यमातून शिक्षणाची संधी मिळत आहे. शाळांनी स्मार्ट कक्ष, ई-लर्निंग साधने आणि इंटरेक्टिव्ह प्लॅटफॉर्म्सचा वापर वाढवला आहे. तथापि, याबरोबरच इंटरनेट साक्षरतेवर भर देणे आवश्यक आहे.

Trending topics today:पालघरमध्ये पुन्हा भूकंप

 पालघरमध्ये पुन्हा भूकंप

पालघर जिल्ह्यातील डहाणू, तलासरी तालुक्यातील गावांना पुन्हा भूकंपाचा धक्का बसला. दुपारी 4:47 वाजता भूकंपाचे हादरा जाणवले. त्यामुळे नागरिक घराबाहेर पळाले. या भूकंपाची तीव्रता 3.5 रिश्टर स्केल असल्याची नोंद झाली आहे. भूकंपाचा केंद्रबिंदू जमिनीखाली 5 किमी खोल, डहाणू तालुक्यातील कंक्राटीजवळ असल्याची माहिती आहे. दरम्यान 2018 पासून पालघर जिल्ह्यातील डहाणू, तलासरी तालुक्यातील गावांना वारंवार भूकंपाचे धक्के बसत आहेत.

महाराष्ट्रात 20 नोव्हेंबरला मतदान, 23 ला निकाल

- महाराष्ट्रात 20 नोव्हेंबरला मतदान - 23 नोव्हेंबर रोजी मतमोजणी - म्हणजेच 23 नोव्हेंबर रोजी राज्याच्या विधानसभा निवडणुकीचा निकाल - उमेदवारांना 29 ऑक्टोबरपर्यंत उमेदवारी अर्ज दाखल करता येणार

- अर्जांची छाननी 30 ऑक्टोबरपर्यंत होणार

- उमेदवारांना 4 नोव्हेंबरपर्यंत उमेदवारी अर्ज मागे घेता येणार - निवडणूक आयोगाची घोषणा

महाराष्ट्र विधानसभा- कोणत्या प्रवर्गासाठी किती जागा?

महाराष्ट्रात एकूण 36 जिल्हे आहेत. तर, 288 जागांवर मतदान होणार आहे. यातील 234 जागा सर्वसाधारण उमेदवारांसाठी, एसटी प्रवर्गासाठी 25, 29 जागा अनुसूचित जाती प्रवर्गासाठी राखीव आहेत. महाराष्ट्राच्या विधानसभेचा काळ 26 नोव्हेंबर रोजी संपत आहेत. महाराष्ट्रात एकूण 9.63 कोटी मतदार आहेत. महाराष्ट्रात 1 लाख 186 पोलिंग बूथ असतील. दरम्यान, महाराष्ट्रात 20 नोव्हेंबरला मतदान, तर 23 नोव्हेंबरला निकाल लागणार आहे.

शाळांना फक्त 14 दिवसांची सुट्टी!

चालू शैक्षणिक वर्षातील पहिल्या सत्राच्या परीक्षा सुरू असून 27 ऑक्टोबरला शाळांना दिवाळीची सुट्टी लागेल. 14 दिवसांची सुट्टी असून, शाळा 11 नोव्हेंबरपासून सुरू होतील.

शासनाने शाळांना परीक्षा 27 ऑक्टोबरपर्यंत पूर्ण करण्याचे निर्देश देण्यात आले आहेत. अनेक शाळांमध्ये परीक्षा सुरू आहेत, तर काही शाळांमध्ये या आठवड्यात सुरू होतील.

महायुतीत तणाव वाढला!

सावंतवाडी विधानसभा मतदारसंघात महायुतीत तणाव वाढला आहे. विद्यमान आमदार दीपक केसरकर यांच्या विरोधात भाजपा नेते राजन तेली यांनी बंडखोरी केली आहे. भाजपा आणि शिंदे गटाची युती असूनही, तेली यांनी केसरकर यांचा प्रचार न करण्याची भूमिका घेतली आहे. तेली यांनी सावंतवाडीत शक्तिप्रदर्शन करत आपल्या कार्यकर्त्यांचा मेळावा घेतला आणि पक्षात अन्याय सहन न करण्याचा निर्धार व्यक्त केला. ते भाजप सोडणार का, याबाबत गुप्तता राखण्यात आली आहे.

Trendig Topics:अजित पवार गटाचे अनेक नेते शरद पवारांच्या भेटीला

 

अजित पवार गटाचे अनेक नेते शरद पवारांच्या भेटीला

राज्यात विधानसभा निवडणुकीच्या पार्श्वभूमीवर राजकीय हालचालींना वेग आला आहे. शरद पवार यांची भेट घेण्यासाठी अनेक नेते पुण्यात दाखल झाले आहेत. उपमुख्यमंत्री अजित पवार यांच्या गटाचे मुख्य प्रवक्ते उमेश पाटील यांनी राजीनामा दिल्यानंतर, त्यांनी शरद पवारांची भेट घेतली आहे. यामुळे ते पुन्हा शरद पवारांसोबत जाणार असल्याच्या चर्चांना उधाण आले आहे. पिंपरी-चिंचवडचे माजी आमदार विलास लांडे, आमदार अतुल बेनके यांचे भाऊ डॉ. अमोल बेनके यांनीही पवारांची भेट घेतली आहे.

आज होणार महाराष्ट्र निवडणुकीची घोषणा

महाराष्ट्र राज्य: आज दुपारी साडेतीन वाजता महाराष्ट्राच्या विधानसभा निवडणुकीची घोषणाहोणार आहे.केंद्रीय निवडणूक आयोगाची बैठक झाली असून आयोगाच्या पत्रकार परिषदेत या घोषणे सोबतच आगामी निवडणुकीसाठी आचारसंहिता लागू होण्याची शक्यता आहे.  त्यामुळे राजकीय वातावरणात बदल दिसून येण्याची शक्यता वर्तवली जात आहे.तथापि सर्व राजकीय पक्षांची जागा वाटपाची तयारी झालेली असल्याची माहिती दिली जात आहे. त्याचबरोबर  इतर राज्यातील विधानसभा निवडणूक होण्याची शक्यता वाटत आहे.

लाडकी बहीण योजना आज शेवटची संधी

विधानसभा निवडणुकीची आचारसंहिता लागू होणार आहे, त्यामुळे "माझी लाडकी बहीण" योजनेसाठी आज (15 ऑक्टोबर) रजिस्ट्रेशन करण्याचा शेवटचा दिवस आहे. याआधी दोन वेळा तारीख वाढवण्यात आली होती, परंतु आता कोणतीही वाढ होणार नसल्याची माहिती आहे. ज्यांनी अद्याप फॉर्म भरला नसेल, त्यांच्यासाठी आजच शेवटची संधी आहे. योजनेचा लाभ घेण्यासाठी इच्छुक महिलांनी आजच अर्ज प्रक्रिया पूर्ण करावी.