Trending topic today राज्यात 915 शॅडो मतदान केंद्रे

 

राज्यात 915 शॅडो मतदान केंद्रे

आगामी विधानसभा निवडणुकांसाठी मुख्य निवडणूक अधिकारी कार्यालयामार्फत महाराष्ट्र राज्यात 915 शॅडो मतदान केंद्र उभारण्यात येत आहेत. रत्नागिरी जिल्ह्यात सर्वाधिक 232 शॅडो मतदान केंद्र असणार आहे. राज्यात एकूण 24 जिल्ह्यांमध्ये ही शॅडो मतदान केंद्र असणार आहेत. या केंद्रात मतदानाच्या दिवशी विशेष सुविधा असणार आहेत. विशेष मेसेंजर, वॉकी-टॉकी, व्हीएचएफ, वायरलेस सेंटर, वायरलेस कम्युनिकेशन सेवा, सॅटेलाइट फोन, वने आणि पोलीस विभागाचा रनर यासारख्या सुविधा कार्यरत असतील.

निवडणुकीनंतर ठाकरे आणि फडणवीस एकत्र येणार? आठवले यांचा दावा

निवडणुकीनंतर उद्धव ठाकरे आणि देवेंद्र फडणवीस एकत्र येणार असल्याचा दावा केंद्रीय मंत्री रामदास आठवले यांनी केला आहे. या दाव्यानुसार, दोन पक्षांच्या नेत्यांमध्ये एकता येण्याची शक्यता असल्याचे त्यांनी सांगितले. यामुळे आगामी राजकीय परिस्थितीत काही बदल होऊ शकतात, असे विचारले जात आहे.

अमित ठाकरेंना पाठिंबा देण आमच कर्तव्य- केसरकर

मनसे अध्यक्ष राज ठाकरे यांनी लोकसभेला महायुतीला पाठिंबा दिला होता, त्यामुळे आता आमचं कर्तव्य आहे की, अमित ठाकरे यांना पाठिंबा द्यावा लागेल. दरम्यान, विद्यमान आमदार सदा सरवणकर यांच्याशी चर्चा सुरू आहे, आणि त्यांचा योग्य मान राखण्याचा वचन दिलं आहे. मुख्यमंत्री एकनाथ शिंदे यांच्याकडून या परिस्थितीत तोडगा काढला जाईल, असे केसरकर यांनी सांगितले.

सोलापूर: महेश कोठे पदयात्रा काढून भरणार उमेदवारी अर्ज

राष्ट्रवादी काँग्रेस शरदचंद्र पवार पक्षाकडून सोलापूर शहर उत्तर विधानसभा मतदारसंघातून महाविकास आघाडीचे अधिकृत उमेदवार महेश कोठे हे आपला उमेदवारी अर्ज भव्य पदयात्रा काढून भरणार आहेत. ही पदयात्रा उद्या सोमवारी सकाळी ८ वाजता आयोजित करण्यात आली आहे. पदयात्रेची सुरुवात महेश कोठे यांचे संपर्क कार्यालय, शहा वाडीलाल बिल्डिंग, उस्मानाबाद जनता सहकारी बँकेसमोर, मंगळवार पेठ जवळ, बलिदान चौक, सोलापूर येथून होणार आहे. तरी शहरातील सर्व प्रदेश पदाधिकारी, कार्यकर्त्यांनी यावेळी उपस्थित रहावे असे आवाहन करण्यात आले आहे.

महाविकास आघाडीत ठाकरे गट आणि काँग्रेसमध्ये नाराजी

मुंबईतील चार ते पाच जागांसाठी ठाकरे गटाने चर्चा न करता उमेदवार जाहीर करून AB फॉर्म दिल्यामुळे काँग्रेसमध्ये नाराजी पसरली आहे. या निर्णयामुळे महाविकास आघाडीतील सहकार्यांमध्ये तणाव वाढला आहे, ज्यामुळे आगामी निवडणुकांच्या रणनीतीवर परिणाम होऊ शकतो. काँग्रेसने ठाकरे गटाच्या या कृतीवर चिंता व्यक्त केली आहे.

रोज किती तास अभ्यास करावा?

शालेय विद्यार्थी: शालेय विद्यार्थ्यांसाठी दररोज 3-5 तास अभ्यास योग्य मानला जातो. परीक्षा काळात यामध्ये थोड़ी वाढ़ होऊ शकते.

महाविद्यालयीन विद्यार्थी: यांच्यासाठी 4-6 तास अभ्यास करणे चांगले आहे, विशेषतः प्रोजेक्ट्स आणि असाइनमेंट्सच्या काळात.

आत्म-शिक्षण: जर तुम्ही नवीन कौशल्य शिकत असाल किंवा विशिष्ट विषयावर लक्ष केंद्रित करत असाल, तर 1-2 तास रोज खूप फायदेशीर ठरू शकते.

ताणमुक्त अभ्यास: नियमित ब्रेक घेणे आणि अभ्यासाचे तास विभाजित करणे देखील महत्त्वाचे आहे.

सोलापूर: दिलीप माने यांची कुमठे येथे पदयात्रा

सोलापूर दक्षिण मधून विधानसभा निवडणूक लढविण्यासाठी इच्छुक असणारे माजी आमदार दिलीप माने यांनी मतदारसंघातील कुमठे येथे निवडणूक प्रचारार्थ पदयात्रेचे आयोजन केले होते. यावेळी माने म्हणाले, या गावाने माझ्यावर नेहमीच भरभरून प्रेम केले आहे आणि ग्रामस्थांच्या या प्रेमाने मनोमन भारावून गेलो आहे. गावातील श्री मरिआई मंदिर, श्री हनुमान मंदिर, श्री विठ्ठल मंदिर, श्री रोहिदास मंदिर, श्री लक्ष्मी मंदिर येथे जाऊन मी दर्शन घेतले आणि गावाच्या सुख-समृद्धीसाठी प्रार्थना केली. त्याचवेळी पदयात्रेद्वारे नागरिकांशी संवाद साधला.

उद्धव ठाकरेंचा शिंदे गटाला मोठा धक्का: बबनराव घोलपांची घरवापसी 

राजकीय वर्तुळातून मोठी बातमी समोर येत आहे. विधानसभा निवडणुकीच्या तोंडावर उद्धव ठाकरे यांनी मुख्यमंत्री एकनाथ शिंदे यांना मोठा धक्का दिला आहे, शिवसेना शिंदे गटाचे उपनेते माजी आमदार बबनराव घोलप यांनी पुन्हा एकदा शिवसेना ठाकरे गटात प्रवेश केला आहे. यावेळी उद्धव ठाकरे आणि युवासेनाप्रमुख आदित्य ठाकरे उपस्थित होते. ठाकरे यांनी घोलप यांचे स्वागत करत शिवबंधन बांधले, ज्यामुळे राजकीय वातावरणात उत्साह वाढला आहे.

ज्येष्ठांसाठी सरकारची योजना, मिळणार 3000 रुपये

राज्यात जेष्ठ नागरिकांसाठी वयोश्री योजना सुरू करण्यात आली आहे, ज्यांत 65 वर्षांवरील नागरिकांना 3000 रुपयांची आर्थिक मदत मिळेल. महाराष्ट्र सरकारने यंदाच्या बजेटमध्ये या योजनेसाठी 480 कोटी रुपयांची तरतूद केली आहे. वृद्धावस्थेमुळे ऐकण्यात, दिसण्यात आणि चालण्यात अडचण असलेल्या नागरिकांना आवश्यक उपकरणे, जसे की चष्मा आणि श्रवणयंत्र प्रदान करण्यात येतील. या योजनेचा उद्देश जेष्ठ नागरिकांच्या जीवनमानात सुधारणा करणे आहे.

निवडणुकीनंतर 'लाडकी बहीण' योजना बंद होणार?

मुख्यमंत्री एकनाथ शिंदे यांनी माझी लाडकी बहीण योजनेवर भाष्य करत योजनेला कोणतीही धोका नसल्याचे स्पष्ट केले आहे. यामध्ये महिलांच्या खात्यात दर महिन्याला दीड हजार रुपये जमा केले जातात. विरोधकांनी या योजनेवर टीका केली असली तरी, शिंदे यांनी सांगितले की, या योजनेला न्यायालयाने मान्यता दिली आहे. शिवाजी पार्कवर झालेल्या दसरा मेळाव्यात उद्धव ठाकरे यांनी निर्णय रद्द करण्याची धमकी दिली होती. मुख्यमंत्री शिंदे यांनी विरोधकांवर जोरदार हल्लाबोल केला.

सोलापूर: विद्यार्थिनीचा बुडून मृत्यू; शिक्षकावर गुन्हा

सहलीला गेल्यानंतर वॉटर पार्क मध्ये पाण्यात पडून आठ वर्षाच्या विद्यार्थिनीचा बुडून मृत्यू झाल्या प्रकरणी बीड येथील शाळेच्या मुख्याध्यापिकेसह शिक्षकांवर जोडभावी पेठ पोलीस ठाण्यात तब्बल आठ महिन्यानंतर गुन्हा दाखल झाला आहे. याबाबतची अधिक माहिती अशी की गेवराई येथील पब्लिक स्कूलची सहल तळे हिप्परगा येथील वॉटर पार्क मध्ये आली होती. त्यावेळी सर्व मुले- मुली पाण्यात खेळण्यासाठी उतरले होते. दरम्यान प्रांजली मस्के ही मुलगीही पाण्यात खेळत असताना खोल पाण्यात गेली व नाका तोंडात पाणी गेल्याने ती मरण पावली.

सोलापूर: आमदार राऊत यांचा शिवसेनेत प्रवेश

आमदार राजाभाऊ राऊत यांचा मुख्यमंत्री एकनाथ शिंदे यांच्या प्रमुख उपस्थितीत वर्षा बंगल्यावर शिवसेना ( बाळासाहेबांची शिवसेना ) पक्षामध्ये जाहीर प्रवेश केला. त्यामुळे बार्शीत मशाल विरुद्ध धनुष्यबाण असा सामना रंगणार आहे. आमदार यांची उमेदवारी आजच घोषित होईल असेही सांगण्यात येत आहे.

दिल्लीहून मला संपवण्याचं फर्मान आलं आहे- अशोक चव्हाण

राज्यसभा खासदार अशोक चव्हाण यांनी भोकरमध्ये झालेल्या सभेत राहुल गांधी यांना इशारा देताना सांगितले की, "दिल्लीहून मला संपवण्याचं फर्मान आलं आहे, पण मी संपणार नाही." त्यांनी नमूद केले की, नांदेडला टार्गेट केलं जात आहे आणि तेलंगणाचे मुख्यमंत्री काम सोडून इथे येणार आहेत. चव्हाण यांना संपवण्याचा कट असल्याचा आरोप करून त्यांनी काँगेस नेतृत्वाला आव्हान दिलं आहे.

महाराष्ट्र नवनिर्माण सेनेचा इतिहास

महाराष्ट्र नवनिर्माण सेना (मनसे) या पक्षाची स्थापना 9 मार्च 2006 रोजी राज ठाकरे यांच्या नेतृत्वात झाली. शिवसेनेत गटबाजीमुळे नाराज झाल्यानंतर राज ठाकरे यांनी पक्षाची स्थापना केली, ज्याचा उद्देश महाराष्ट्रातील मराठी माणसाला वैभव प्रदान करणे आहे. 2009 आणि 2012 मध्ये पक्षाने विधानसभा आणि महानगरपालिका निवडणुकांमध्ये चांगली कामगिरी केली, परंतु हळूहळू त्यांचा प्रभाव कमी होत गेला. 2019 च्या विधानसभा निवडणुकीत मनसेचा केवळ एक उमेदवार निवडून आला.

अजित पवारांची ताकद वाढली, रिपब्लिकन पक्षाची युती

अजित पवार गटाची ताकद आणखी वाढली आहे. महाराष्ट्र रिपब्लिकन पक्षाने अजित पवार गटाशी युती केली. यापुढे या पक्षाचे संजय सोनवणे आणि त्यांचे कार्यकर्ते राष्ट्रवादीसोबत काम करतील, अशी माहिती उपमुख्यमंत्री अजित पवारांनी दिली. त्यामुळे या युतीचा अजित पवार गटाला कितपत फायदा होईल? हे निकाला वेळी कळेल. दरम्यान, 20 नोव्हेंबरला महाराष्ट्रात मतदान आहे. 23 नोव्हेंबरला निकाल आहे

Trending news राजकीय updates

  राजकीय दिवाळी...

दिवाळीत ऑनलाईन खरेदीसाठी सावधगिरी आवश्यक

दिवाळीच्या सणासाठी ग्राहक ऑनलाईन खरेदीकडे वळत आहेत. तज्ञांच्या मते, विश्वासार्ह वेबसाइट्सवरून खरेदी करणे महत्त्वाचे आहे. ग्राहकांनी उत्पादनांच्या पुनरावलोकनांचा अभ्यास करावा आणि सुरक्षित भरणा पद्धतींचा वापर करावा. तसेच, वस्तूंच्या परताव्याच्या धोरणांची माहिती घेणे आवश्यक आहे. या सावधगिरीच्या उपाययोजनांमुळे ग्राहक सुरक्षित आणि आनंदाने खरेदी करू शकतील. 

छत्रपती शासन हा नवा पक्ष देणार अजित पवारांना उमेदवारी

महाराष्ट्र विधानसभा निवडणुकांसाठी अर्ज भरण्याची शेवटची तारीख 29 ऑक्टोबर आहे, आणि याच पार्श्वभूमीवर 'शिवाजी द मॅनेजमेंट गुरू'चे लेखक नामदेव जाधव यांनी 'छत्रपती शासन' नावाने नवीन पक्ष स्थापन केला आहे. हा पक्ष 288 जागांवर उमेदवार देणार आहे. जाधव यांनी सांगितले की, कोणालाही उमेदवारी न मिळाल्यास हा पक्ष एक पर्याय ठरेल. बारामतीतून अजित पवार नावाचा नवीन तरुण उमेदवार देणार असल्याची घोषणा त्यांनी केली आहे. जाधव यांना विश्वास आहे की त्यांचे छोटं रोपटं भविष्यात वटवृक्ष बनेल.

सोलापूर: ओपिनियन पोल तसेच एक्झिट पोल दर्शविण्यावर प्रतिबंध

भारत निवडणूक आयोगाने महाराष्ट्र विधानसभा निवडणूक कालावधीत निवडणूक निकालांचे अंदाज (ओपिनियन पोल तसेच एक्झिट पोल) दर्शविण्यावर प्रतिबंध केला आहे. महाराष्ट्रातील 288 विधानसभा मतदारसंघात दि. 20 नोव्हेंबर 2024 रोजी मतदान होणार आहे. या अनुषंगाने निवडणूक निकालांचे अंदाज 13 नोव्हेंबर 2024 रोजी सकाळी सात वाजेपासून ते 20 नोव्हेंबर 2024 रोजी सायंकाळी 6. 30 वाजेपर्यंतच्या कालावधीत कोणत्याही प्रकारच्या एक्झिट पोलचे आयोजन करणे, कोणत्याही माध्यमांद्वारे प्रकाशन अथवा प्रसारण करण्यास प्रतिबंध लागू राहणार आहे.

शरद पवारांचा अजित पवारांना मोठा धक्का!

छत्रपती संभाजीनगरमध्ये राजकीय घडामोडींना वेग आला आहे. सतीश चव्हाण हे राष्ट्रवादी काँग्रेस शरद पवार गटाकडून गंगापूर विधानसभा मतदारसंघातून निवडणूक लढवण्याची शक्यता आहे. संध्याकाळी चार वाजता चव्हाण यांच्या उमेदवारीची घोषणा होणार आहे, जी अजित पवार यांना मोठा धक्का मानली जात आहे. काही दिवसांपूर्वीच चव्हाण यांनी या मतदारसंघात निवडणूक लढवण्याची तयारी दर्शवली होती. गंगापूर विधानसभा मतदारसंघात सध्या भाजपचे आमदार प्रशांत बंब आहेत, त्यामुळे चव्हाण यांची स्पर्धा तीव्र होण्याची शक्यता आहे.

किवी वजन कमी करण्यास फायदेशीर

किवीमध्ये उच्च प्रमाणात व्हिटॅमिन सी असतो, जो इम्यून सिस्टमला मजबूत करण्यास मदत करतो. किवीमध्ये फायबर असल्याने हे पचनक्रिया सुधारण्यात मदत करते आणि बद्धकोष्ठता टाळते. किवीमध्ये अँटिऑक्सिडेंट्स असतात, जे

शरीरातील मुक्त कणांपासून संरक्षण करतात. किवीचे सेवन त्वचेला उजळवण्यास आणि ताजेतवाने ठेवण्यास मदत करते. किवी हृदयाच्या आरोग्यासाठी फायदेशीर आहे, कारण ते रक्तदाब नियंत्रित करण्यास मदत करते. कमी कॅलरी असलेल्या किवीत चांगले पोषण असते, जे वजन कमी करण्यास मदत करते.

4 लाख 93 हजार 164 लाभार्थी शिध्यापासून वंचित राहणार

विधानसभा निवडणुकीची आचारसंहिता लागू झाल्याने यंदा दिवाळीत दिला जाणारा आनंदाचा शिधा थांबविण्यात आला आहे. यामुळे 1 लाख 31 हजार 926 शिधापत्रिकाधारकांच्या 4 लाख 93 हजार 164 लाभार्थींना शिध्यापासून वंचित राहावे लागणार आहे. दरवर्षी 100 रुपयांत साखर, रवा, हरभराडाळ व तेल असा शिधा दिला जातो; परंतु शिधा पिशव्यांवर सत्ताधाऱ्यांची छायाचित्रे असल्याने आचारसंहितामुळे अडचण निर्माण झाली आहे. आचारसंहिता लागू होण्यापूर्वी निर्णय न झाल्याने यंदा नागरिकांना शिध्याचा लाभ मिळणार नाही.

आता घरबसल्या तयार करा आभा कार्ड

केंद्र सरकारने आयुष्मान भारत योजनेअंतर्गत आभा कार्ड तयार करण्याची प्रक्रिया सुरू केली आहे. या कार्डामुळे तुमचे आरोग्य रेकॉर्ड डिजिटल स्वरूपात साठवले जातात. 14 अंकांचे या युनिक कार्डमध्ये क्यूआर कोड असतो, ज्यामुळे तुमचा रक्तगट, औषधांची माहिती, आणि उपचारांचा इतिहास सहज मिळवता येतो. आभा कार्ड तयार करण्यासाठी तुम्हाला https://abha

.abdm.gov.in/abha/v3 या वेबसाईटवर जावे लागेल. तिथे 'आभा नंबर तयार करा' या पर्यायावर क्लिक करून आधार किंवा ड्रायव्हिंग लायसन्स क्रमांक भरावा लागेल.

फडणवीसांच्या निर्णयामुळे आदिवासी तरुणांचे स्वप्न साकार होणार

राज्य सरकारने पोलिस भरतीत आदिवासी उमेदवारांना 5 से.मी. उंचीची सूट देण्याचा निर्णय घेतला आहे. उपमुख्यमंत्री देवेंद्र फडणवीस यांच्या या निर्णयामुळे आदिवासी तरुणांचे पोलिस बनण्याचे स्वप्न साकार होणार आहे. केळापूर-आर्णीचे आमदार डॉ. संदीप धुर्वे यांनी याबाबत निवेदन दिल्यानंतर 4 ऑक्टोबर रोजी शासनाने राजपत्र जारी केले. नवीन नियमांनुसार, युवकांची उंची 165 सेंटीमीटरऐवजी 160 सेंटिमीटर आणि युवतींची 150 सेमीऐवजी 145 सेमी असेल. यामुळे महाराष्ट्र पोलिस भरतीमध्ये आदिवासी तरुण-तरुणींना मोठा लाभ होणार आहे.

महाराष्ट्रातील सर्व शाळांमध्ये पहिलीपासून हिंदी विषय सक्तीचा

नवीन राष्ट्रीय शैक्षणिक धोरणानुसार, पुढील शैक्षणिक वर्षापासून महाराष्ट्रातील सर्व मराठी आणि इंग्रजी माध्यमाच्या शाळांमध्ये पहिलीपासून हिंदी विषय सक्तीचा करण्यात येणार आहे. सुकाणू समितीने यासाठी अंतिम मंजुरी दिली आहे. त्यामुळे 6 ते 7 वर्षांच्या विद्यार्थ्यांना हिंदी शिकणे अनिवार्य होणार आहे. या निर्णयामुळे मराठी माध्यमातील विद्यार्थ्यांना तीन भाषा-मराठी, इंग्रजी आणि हिंदी-शिकाव्या लागणार आहेत, जे विशेषतः अकरावी व बारावीत विज्ञान व गणिताच्या इंग्रजी अभ्यासक्रमाच्या पार्श्वभूमीवर महत्त्वाचे ठरते.

सोलापूर: अक्कलकोटमध्ये अस्तित्वाची लढाई

राज्यामध्ये विधानसभा निवडणुकीची रंगत वाढत आहे. अनेक मतदारसंघांमध्ये प्रतिष्ठेची लढत दिसून येत आहे. अशीच कडवी झुंज अक्कलकोटमध्ये सुद्धा दिसून येत आहे. माजी गृहमंत्री सिद्धाराम म्हेत्रे आणि भाजपाचे विद्यमान आमदार सचिन कल्याणशेट्टी यांच्यात अकलकोट विधानसभा मतदारसंघात कडवी झुंज लागली आहे. कल्याणशेट्टी यांची प्रतिष्ठा तर म्हेत्रे यांची अस्तित्वाची लढाई होणार आहे.

सोलापूर: दक्षिणमधून महायुती विजयाची हॅटट्रिक करेल

दक्षिण सोलापूर विधानसभा मतदारसंघातील भाजप पदाधिकारी आणि कार्यकर्त्यांच्या संवाद बैठकीचे आयोजन सोलापूर येथे करण्यात आले होते. विधानसभा निवडणुकीच्या अनुषंगाने बैठकीत भाजपचे उमेदवार व विद्यमान आमदार सुभाष देशमुख यांनी कार्यकर्त्यांना आणि पदाधिकाऱ्यांना

मार्गदर्शन केले. मागील 10 वर्षात दक्षिण सोलापूरचा मोठ्या प्रमाणात विकास झाला. या विकास कामाच्या जोरावर यंदाही भाजप-महायुती दक्षिण सोलापुरातून विजयाची हॅटट्रिक करेल असा विश्वास त्यांनी यावेळी व्यक्त केला.

राहुल गांधी काँग्रेस नेत्यांवर नाराज

दिल्लीमध्ये झालेल्या काँग्रेसच्या केंद्रीय कार्यकारी समिती (CEC) बैठकीत विरोधी पक्षनेते राहुल गांधी यांनी राज्यातील काँग्रेस नेत्यांवर नाराजी व्यक्त केली. त्यांनी सांगितले की, जागावाटपाच्या चर्चेत काँग्रेस नेत्यांनी योग्य भूमिका पार न पाडल्यामुळे परिस्थिती अधिक जटिल झाली आहे. ठाकरे

गटाने विदर्भातील काही जागांवर दावा केला आहे, ज्यामुळे जागावाटपाचा तिढा अद्याप सुटलेला नाही. राहुल गांधींच्या नाराजीमुळे काँग्रेसमध्ये अंतर्गत चर्चा तीव्र होण्याची शक्यता आहे. या चर्चेचा प्रभाव आगामी निवडणुकांवर पडणार.

10वी पाससाठी सरकारी नोकरी, 059 जागा

भरती विभाग- शैक्षणिक व क्रीडा संकुल पद : मदतनीस, वसतिगृह शिक्षक, विविध विषयांचे शिक्षक शैक्षणिक पात्रता : 10वी / पदवीधर व इतर अर्ज : ऑनलाईन निवड : मुलाखतीव्दारे पदे : 059

www.atmamalikonline.com या संकेतस्थळावर अप्लीकेशन करणे अनिवार्य

·मुलाखत तारीख : 09 नोव्हेंबर ते 13 नोव्हेंबर 2024 मुलाखतीचा पत्ता : आत्मा मलिक शैक्षणिक व क्रीडा संकुल अहमदनगर, मु. पोस्ट. कोकमठाण, शिर्डी-कोपरगाव रोड, ता. कोपरगाव, जि. अहमदनगर (MH) पिन-423601.

महाराष्ट्रातल्या प्रमुख राजकीय पक्षांची नावं

* काँग्रेस * राष्ट्रवादी काँग्रेस - शरद पवार गट * राष्ट्रवादी काँग्रेस अजित पवार गट * शिवसेना- एकनाथ शिंदे गट * शिवसेना- उद्धव ठाकरे गट * भारतीय जनता पार्टी * महाराष्ट्र नवनिर्माण सेना * बहुजन विकास आघाडी * एमआयएम *

वंचित बहुजन आघाडी * भारतीय कम्युनिस्ट पक्ष * प्रहार * शेतकरी कामगार पक्ष * जनसुराज्य पक्ष

* शेतकरी संघटना * राष्ट्रीय समाज पक्ष *भारिप * भारत राष्ट्र समिती

राज ठाकरे-उद्धव ठाकरे एकत्र येणार?

महाराष्ट्र नवनिर्माण सेनेचे अध्यक्ष राज ठाकरे आणि उद्धव ठाकरे हे बंधू एकत्र कधी येणार, शिवाय एकत्र येणार का? अशा चर्चा नेहमीच रंगतात. त्यावर राज ठाकरेंचे सुपूत्र अमित ठाकरेंनी रोखठोक वक्तव्य केलं आहे. 'आता दोन ठाकरे एकत्र येण्याचा विषय संपलेला आहे', असं स्पष्ट शब्दात अमित ठाकरेंनी सांगून टाकलंय. दरम्यान, अमित ठाकरे प्रथमच विधानसभा लढवत आहेत. माहिम येथून त्यांना मनसेने तिकीट दिले आहे.

Trending news राजकीय डावपेच

 

कोकणात एकही जागा न देता ठाकरेंची काँग्रेसला भावपूर्ण श्रद्धांजली'

भाजप नेते नितेश राणेंनी महाविकास आघाडीवर सडकून टीका केलीय. 'काँग्रेस पक्षाच्या यादीत असलेल्या जागांवर उद्धव ठाकरे आपले एबी फॉर्म देऊन कार्यकर्त्यांना उमेदवारी देत आहेत. राज्यात अशा दहा जागा आहेत ज्यावर दिल्लीत काँग्रेस पक्ष श्रेष्ठी समोर चर्चा सुरू आहे. काँग्रेसला भीक न घालता आपल्या पक्षाची उमेदवारी वाटण्याचे काम उबाठाच्या माध्यमातून सुरू आहे. यामुळे कोकणात काँग्रेसला एकही जागा न देता भावपूर्ण श्रद्धांजलीच वाहिली आहे', असं नितेश राणेंनी म्हटलंय. दरम्यान, ते कणकवलीतून विधानसभा लढवत आहेत.

सोलापूर: शिवसेना संपर्कप्रमुख सावंत बंडखोरीच्या तयारीत

माढा विधानसभा मतदारसंघात एका बाजूला महाविकास आघाडीकडे उमेदवारीसाठी जोरदार घमासान सुरू असताना आता महायुतीतील ही जागा अजित पवार गटाकडे गेल्याने नाराज झालेले एकनाथ शिंदे सेनेचे सोलापूर जिल्हा संपर्कप्रमुख शिवाजीराव सावंत यांनी बंडखोरी करण्याचे भूमिका जाहीर केली आहे. प्राध्यापक शिवाजीराव सावंत हे आरोग्यमंत्री डॉक्टर तानाजी राव सावंत यांचे ज्येष्ठ बंधू असून गेले तीस वर्ष शिवसेनेत विविध पदावर ते काम करीत आहेत.

अजित पवारांच्या वक्तव्याने बारामतीची निवडणूक रंगणार

बारामती मतदारसंघात विधानसभेच्या निवडणुकीत अजित पवार आणि युगेंद्र पवार यांच्यात काका-पुतण्याची लढाई रंगणार आहे. या लढ़तीबाबत बोलताना अजित पवार म्हणाले, "बारामतीकरांना कुणालाही विचारा, सहा-सात वेळा मला त्यांनी विजयी केलंय. मला विश्वास आहे की बारामतीकर मला यंदाही विजयी करतील." त्यांनी पुढे स्पष्ट केले, "मी महाराष्ट्रात फिरेल, मान ताठ करुन फिरेल." अजित पवार यांच्या या वक्तव्याने बारामतीच्या निवडणुकीत चुरस वाढली आहे.

वाईमध्ये महायुतीचं टेन्शन वाढलं, शिंदेंचा जिल्हाध्यक्ष शरद पवारांकडे जाणार

वाई विधानसभा मतदारसंघातून युतीकडून अजित पवार गटाचा उमेदवार जाहीर झाला आहे. आमदार मकरंद पाटील यांना तिकीट मिळाले आहे. मात्र, शिंदे गटाचे सातारा जिल्हा अध्यक्ष पुरुषोत्तम जाधव यांनी याला विरोध केला आहे. त्यामुळे त्यांनी थेट शरद पवार गटात जाण्याची तयारी केली आहे. जर कोणत्याही पक्षांनी उमेदवारी दिली नाही तर अपक्ष लढून निवडून येऊ, असा विश्वास त्यांनी व्यक्त केला आहे. यामुळे वाई विधानसभा मतदारसंघांमध्ये महायुतीचे टेन्शन वाढले आहे.

सोलापूर: 'अक्कलकोट 'मधून सिद्धराम म्हेत्रेंना उमेदवारी

काँग्रेस पक्षाची बहुचर्चित विधानसभा उमेदवाराची पहिली यादी जाहीर झाली असून या यादीत 48 जणांना संधी देण्यात आली आहे. सोलापूर जिल्ह्यातून एकमेव अक्कलकोट मतदारसंघातून माजी राज्यमंत्री सिद्धाराम म्हेत्रे यांना पहिल्याच यादीत उमेदवारी देण्यात आली आहे. काँग्रेस पक्षाने वादात असणाऱ्या जागांची घोषणा करण्याचे टाळून वाद आणखी वाढणार नाही, याची काळजी घेतल्याचे दिसून येत आहे. महाविकास आघाडीच्या शिवसेना उद्धव बाळासाहेब ठाकरे, राष्ट्रवादी काँग्रेस शरदचंद्र पवार पक्षाच्या यादीही जाहीर करण्यात आली आहे.

उदयनराजे भोसले यांचा शरद पवारांना टोला

खासदार उदयनराजे भोसले यांनी शरद पवार यांना "फोडाफोडीच नोबल" दिलं पाहिजे, असा मिश्किल टोला लगावला. कराडमध्ये झालेल्या पत्रकार परिषदेत शरद पवार यांच्या पक्षात सुरू असलेल्या इनकमिंगबाबत विचारण्यात आलेल्या प्रश्नावर त्यांनी हा मजेशीर प्रतिसाद दिला. उदयनराजे यांचा हा वक्तव्य सध्याच्या राजकीय वातावरणात चर्चेचा विषय ठरला आहे.

सोलापूर: राष्ट्रवादी काँग्रेसकडून महेश कोठे यांना उमेदवारी

राष्ट्रवादी काँग्रेस शरदचंद्र पवार पक्षातर्फे आज गुरुवारी सोलापूर शहर उत्तर विधानसभा मतदारसंघातून माजी महापौर महेश कोठे यांना उमेदवारी जाहीर झाली आहे. उमेदवारी जाहीर होताच कोठे यांच्या संपर्क कार्यालयासमोर कार्यकर्त्यांनी एकच जल्लोष केला. आता कोठे यांच्यापुढे भाजपचे विद्यमान आमदार विजय देशमुख यांचे आव्हान असणार आहे. त्यामुळे यंदा विधानसभा निवडणुकीत भाजपचे कमळ फुलणार की राष्ट्रवादीची तुतारी वाजणार याकडे उत्तर मधील मतदारांचे लक्ष लागले आहे.

सुप्रीम कोर्टाचा शरद पवारांच्या राष्ट्रवादीला झटका

आगामी विधानसभा निवडणुकीआधी, सुप्रीम कोर्टाने शरद पवार यांच्या राष्ट्रवादी काँग्रेस पक्षाला मोठा झटका दिला आहे. अजित पवारांच्या गटाला 'घड्याळ' हे निवडणूक चिन्ह वापरण्याची मुभा देण्यात आली आहे, परंतु त्यांना या चिन्हासोबत प्रकरण न्यायप्रविष्ट असल्याची सूचना द्यावी लागणार आहे. शरद पवार गटाने 2 ऑक्टोबर रोजी यासंदर्भात सर्वोच्च न्यायालयात याचिका दाखल केली होती, जी आज फेटाळण्यात आली.

विश्वजीत कदम यांनी उमेदवारी जाहीर झाल्यावर दिली प्रतिक्रिया

काँग्रेस आमदार विश्वजीत कदम यांना पलूस-कडेगाव मतदारसंघातून उमेदवारी जाहीर झाली आहे. याबाबत प्रतिक्रिया सांगितले, "मी सर्वप्रथम अखिल भारतीय काँग्रेस कमिटीचे अध्यक्ष मल्लिकार्जुन खर्गे, माजी अध्यक्षा सोनिया गांधी आणि राहुल गांधी यांचे आभार मानतो. त्यांनी मला पुन्हा पलूस-कडेगावच्या नागरिकांची सेवा करण्याची संधी दिली."

अमित शहांना बंडखोरीची चिंता

राज्यात विधानसभेचा रणसंग्राम सुरू झाल्यामुळे राजकीय तापमान चांगलेच वाढले आहे. महायुतीतील घटक पक्षांनी उमेदवारांची यादी जाहीर केल्यानंतर, काही मतदारसंघांमध्ये तिढा अजूनही सुटलेला नाही, हे लक्षात घेणं महत्त्वाचं आहे. दिल्लीतील बैठक महत्त्वाची ठरली आहे, त्यामध्ये केंद्रीय गृहमंत्री अमित शाह यांनी महत्त्वाच्या सूचना दिल्या आहेत. हे लक्षात घेतल्यास, ज्यांना तिकीट मिळालं नाही त्यांचा बंडखोरीचा धोका निर्माण होऊ शकतो. अशी शहांना चिंता आहे.

trending News इलेक्शन ड्यूटी नाकारल्यास जावू शकते नोकरी!

 सोलापूर: इलेक्शन ड्यूटी नाकारल्यास जावू शकते नोकरी!

विधानसभा निवडणुकीसाठी सोलापूर जिल्ह्यातील १९ हजार शासकीय कर्मचाऱ्यांना इलेक्शन ड्यूटी आली आहे. त्या सर्वांना त्यासंबंधीची पत्रे पाठविली आहेत. या कर्मचाऱ्यांचे शनिवारी, रविवारी पहिले प्रशिक्षण पार पडणार आहे. निवडणूक कामास नकार दिला किंवा कामावेळी कोणी गैरहजर राहिल्यास त्या कर्मचाऱ्यावर लोकप्रतिनिधी अधिनियम १९५० मधील कलम ३२ व १३४ नुसार थेट फौजदारी गुन्हा दाखल होतो. त्या कर्मचाऱ्याची चौकशी लागते आणि त्यामुळे ना पगारवाढ़ ना पदोन्नती मिळते. वेळप्रसंगी त्या कर्मचाऱ्याला कायमचे घरी देखील बसायला लागू शकते.

कोर्स बंद! हजारों विद्यार्थ्यांचे उच्च शिक्षण थांबले

राज्यातील काही महाविद्यालयांनी अखिल भारतीय तंत्रशिक्षण परिषद (एआयसीटीई) ची संलग्नता न घेतल्याने बीबीए, बीसीए, बीबीएम, बीसीएम अभ्यासक्रम बंद झाले आहेत. यामुळे हजारो विद्यार्थ्यांचे उच्च शिक्षण थांबल्याने त्यांचे भवितव्य अंधारात गेले आहे. विद्यार्थी प्रतिनिधी प्रफुल्ल सोनवणे यांनी फी परत करण्याची आणि वैकल्पिक महाविद्यालयांमध्ये प्रवेश मिळवण्याची मागणी केली आहे. ग्रामीण भागातील महाविद्यालये बंद झाल्यास रोजगार व व्यवसायाच्या संधी कमी होण्याची भीती व्यक्त करण्यात आली आहे.

10वीं-12वी विद्यार्थ्यांसाठी महत्वाची बातमी

इयत्ता दहावी आणि बारावी बोर्ड परीक्षेच्या तारखा ठरल्या आहेत. समोर आलेल्या माहितीनुसार, 12 वीची परीक्षा 11 फ्रेब्रुवारी, तर दहावीची परीक्षा 21 फ्रेब्रुवारीपासून सुरू होऊ शकते. लवकरच महाराष्ट्र राज्य माध्यमिक व उच्च माध्यमिकशिक्षण मंडळाकडून परीक्षेचं वेळापत्रक जाहीर केलं जाणार आहे. अद्याप या बाबात कोणतीही अधिकृत घोषणा करण्यात आलेली नाही. राज्य माध्यमिक आणि उच्च माध्यमिक शिक्षण मंडळाकडून एकूण 9 विभागीय मंडळामार्फत दहावी आणि बारावीची परीक्षा घेतली जाते.

सोलापूर: निवडणूक हरलो तर फाशी घेईल

तुम्ही सात-आठ सभा घ्याव्यात. पण मी विजयाचा गुलाल उधळला नाही, तर फास घेऊन मरेन, असे आव्हान सांगोल्याचे आमदार आणि काय झाड़ी, काय हॉटेल फेम शहाजी बापू पाटील यांनी संजय राऊत यांना दिले आहे. तसेच शहाजी पाटील यांनी पुण्यात सापडलेल्या पैशांवरुन रोहित पवारांवरही निशाणा साधला. शहाजी बापू पाटील यांना पुन्हा सांगोल्यातून उमेदवारी जाहीर झाल्यानंतर त्यांनी शिवसेना उद्धव बाळासाहेब ठाकरे पक्षाचे खासदार संजय राऊत यांच्यासर रोहित पवारांवर जोरदार हल्लाबोल केला.

झिम्बाब्वेने T20 मध्ये केला विश्वविक्रम

झिम्बाब्वेने T20 क्रिकेटमध्ये विश्वविक्रम केला आहे. 20 षटकात 344 धावा केल्या आहेत. T20 विश्वचषक उप-प्रादेशिक आफ्रिका पात्रता स्पर्धेचा भाग म्हणून, त्यांनी गॅम्बियाविरुद्ध 344/4 धावा करून इतिहास रचला. झिम्बाब्वेचा कर्णधार सिकंदर रझाने झिम्बाब्वेसाठी आंतरराष्ट्रीय T20 मध्ये शतक झळकावणारा पहिला खेळाडू म्हणून विक्रम केला.

तंत्रज्ञान, कृत्रिम बुद्धिमत्तेचा नोकऱ्यांवर परिणाम 

अनेक उद्योगांमध्ये स्वयंचलित प्रणालींचा वापर वाढत आहे, ज्यामुळे काही पारंपरिक नोकऱ्या कमी होऊ शकतात. तंत्रज्ञानाच्या प्रगतीमुळे डेटा विश्लेषण, मशीन लर्निंग, आणि AI संबंधित नोकऱ्या तयार झाल्या आहेत. नोकरीसाठी आवश्यक कौशल्ये बदलत आहेत. कामकाजासाठी तांत्रिक कौशल्यांची मागणी वाढत आहे. तंत्रज्ञानामुळे कामाची गती वाढली आहे, ज्यामुळे उत्पादकतेत वाढ झाली आहे. दूरस्थ कामकाज आणि फ्लेक्सिबल कार्यप्रणाली यामुळे कामाच्या पद्धतीत बदल झाला आहे.

सोलापूर: अक्कलकोटमध्ये यंदा बहुरंगी लढत

कर्नाटक-महाराष्ट्राच्या सीमेवरील अक्कलकोट विधानसभा मतदारसंघातील विधानसभा निवडणूक अत्यंत चुरशीची रोमहर्षक व बहुरंगी होण्याची चिन्हे दिसत आहेत. ही विधानसभा निवडणूक आमदार सचिन कल्याणशेट्टी यांच्या 'प्रतिष्ठेची' तर माजी राज्यमंत्री सिद्धाराम म्हेत्रे यांच्या 'अस्तित्वाची' ठरणार आहे. या निवडणुकीकडे संपूर्ण जिल्ह्याचे लक्ष लागले आहे. इतरांची शक्ती कमी असली तरी ते भाजप किंवा काँग्रेसच्या जय-पराजयावर परिणाम करू शकत असल्याने यंदाची निवडणूक बहुरंगी होणार आहे.

प्रधानमंत्री श्रम योगी मानधन योजना! दरमहा 3,000 पेन्शन

प्रधानमंत्री श्रम योगी मानधन योजना असंघटित क्षेत्रातील कामगारांसाठी 2019 मध्ये सुरू करण्यात आली. या योजनेअंतर्गत 18 ते 40 वयोगटातील मजुरांना वयाच्या 60 वर्षांनंतर दरमहा ₹3,000 पेन्शन मिळते. कामगारांनी दरमहा एक ठरावीक रक्कम भरावी लागते, ज्यात सरकारही तेवढेच योगदान देते. अर्ज करण्यासाठी मजुरांनी जवळच्या कॉमन सर्व्हिस सेंटरमध्ये जाऊन आधार कार्ड आणि बँक तपशीलासह नोंदणी करावी लागते. नोंदणीनंतर, पहिला प्रीमियम हप्ता चेक किंवा रोखीने भरावा लागतो, त्यानंतर प्रीमियम रक्कम बँक खात्यातून आपोआप कापली जाते.

विधानसभेआधीच शेतकऱ्यांसाठी सरकारचा मोठा निर्णय!

महाराष्ट्र सरकारने शेतजमिनींच्या रेडीरेकनर शुल्कात मोठी घट करून ती 25 टक्क्यांवरून 5 टक्के केली आहे. या निर्णयामुळे तुकडेबंदी नियमांतर्गत शेतकऱ्यांना जमीन विक्रीसाठी दिलासा मिळणार आहे. आधी 25 टक्के शुल्क आर्थिक अडचणीचे ठरत होते, पण आता कमी शुल्कामुळे व्यवहार सोपे होतील. या निर्णयाचा फायदा शेतकऱ्यांना होईल, बेकायदेशीर प्लॉटिंगला आळा बसेल आणि शासनाला अधिक महसूल मिळेल. विधानसभा निवडणुकीच्या पार्श्वभूमीवर सरकारने शेतकऱ्यांची नाराजी कमी करण्याचा प्रयत्न केला आहे.