Today news:10वी आणि 12वी बोर्ड परीक्षेचे वेळापत्रक जाहीर

 10वी आणि 12वी बोर्ड परीक्षेचे वेळापत्रक जाहीर

महाराष्ट्र राज्य माध्यमिक व उच्च माध्यमिक शिक्षण मंडळ (MSBSHSE) लवकरच 2025 साठी 10वी आणि 12वीं बोर्ड परीक्षेचे वेळापत्रक जाहीर करणार आहे. परीक्षांचा कालावधी 11 फेब्रुवारी ते मार्च 2025 दरम्यान असणार आहे. विद्यार्थी अधिकृत वेबसाइट mahahsscboard.in वरून वेळापत्रक डाउनलोड करू शकतील. वेळापत्रकात सर्व विषयांचे दिवस, तारखा व वेळा दिल्या आहेत. एसएससी, एचएससी बोर्डाचे परीक्षेचे वेळापत्रक PDF स्वरूपात डाउनलोड करण्यासाठी वेबसाइटवर उपलब्ध होईल. यासंबंधी अधिक माहितीसाठी mahahsscboard.in ला भेट द्या.

राज्यातील शाळांना 3 दिवस सुट्ट्या

राज्यातील विधानसभा निवडणुकीसाठी 20 नोव्हेंबरला मतदान होणार आहे. यामुळे 18, 19 व 20 नोव्हेंबर रोजी शिक्षक निवडणूक कर्तव्यात सहभागी असतील. यासाठी शाळा भरवणे शक्य नसल्यास शाळा बंद ठेवण्याबाबत निर्णय घेण्याचे निर्देश शिक्षण विभागाने शिक्षण आयुक्तांना दिले आहेत. मतदान केंद्रे शाळांमध्ये असतात व निवडणुकीसाठी शाळा ताब्यात घेतल्या जातात. परिणामी शिक्षण विभागाच्या उपसचिव तुषार महाजन यांनी संबंधित शाळा बंद ठेवण्याबाबत मुख्याध्यापकांना आवश्यक ती परवानगी देण्याचे निर्देश दिले आहेत.

राज्यातील शैक्षणिक प्रशासन सुलभ करण्यासाठी मोठा निर्णय

राज्यातील शैक्षणिक प्रशासन सुलभ करण्यासाठी शालेय शिक्षणमंत्री दीपक केसरकर यांनी विविध विभागांकडून चालवल्या जाणाऱ्या शाळांचे व्यवस्थापन शालेय शिक्षण विभागाकडे हस्तांतरित करण्याचा प्रस्ताव दिला आहे. यामध्ये आदिवासी आश्रमशाळांचा समावेश असून, या शाळांच्या व्यवस्थापनातील गुणवत्ता आणि नियोजनातील त्रुटी दूर होण्याची अपेक्षा आहे. नुकत्याच झालेल्या मंत्रिमंडळ बैठकीत यावर चर्चा झाली असून, लवकरच अधिकृत प्रस्ताव सादर केला जाणार आहे, अशी माहिती शालेय शिक्षण विभागाच्या उच्च स्तरीय अधिकाऱ्यांनी दिली आहे.

2025 मध्ये स्मार्ट फोन्सच्या किंमती वाढणार

2025 मध्ये AI तंत्रज्ञानाच्या वाढत्या वापरामुळे स्मार्टफोनच्या किंमती वाढणार आहेत. काउंटरपॉइंट रिसर्चनुसार, स्मार्टफोन्सची जागतिक सरासरी विक्री किंमत 5 टक्क्यांनी वाढेल. जनरेटिव्ह AI, पॉवरफुल प्रोसेसर आणि प्रिमियम कॅमेऱ्यांसाठी कंपन्या हार्डवेअर आणि सॉफ्टवेअरमध्ये मोठी गुंतवणूक करत आहेत, ज्यामुळे स्मार्टफोन्स अधिक महाग होतील. AI तंत्रज्ञानाचे वेगाने एकत्रीकरण होत असल्याने ग्राहकांना हे फीचर्स महागात पडणार आहेत, आणि त्यामुळे आगामी स्मार्टफोन अधिक प्रिमियम असतील.

डिजीटल मतदान कार्ड कसं डाऊनलोड करायचं? 

सर्वप्रथमhttp://voterportal.eci.gov.in/ या वेबसाईटवर जा. तिथे रजिस्ट्रेशन करा. लॉगीन करुन e-pic चा पर्याय निवडा. तुमचा मतदार क्रमांक टाका. मोबाईलवरील ओटीपी जमा करून डिजीटल मतदार कार्ड डाऊलोड करु शकता. ज्या मतदारांचे मोबाईल नंबर निवडणूक आयोगाच्या रेकॉर्डमध्ये वेगळे असतील आणि सध्या ते दुसरा क्रमांक वापरत असतील तर अशावेळी केवायसी प्रक्रिया निवडावी लागते. केवायसी प्रक्रिया पूर्ण केल्यानंतर तुम्ही मोबाईलनंबर अपडेट करु शकता. त्यानंतर डिजीटल मतदार कार्ड डाऊलोड करु शकता.

२८८ विधानसभा मतदारसंघात ४ हजार १३६ उमेदवार

राज्यातील विधानसभा निवडणुका २८८ मतदारसंघांमध्ये होणार आहेत. या निवडणुकीचे मतदान २० नोव्हेंबर रोजी होणार असून २३ नोव्हेंबरला निकाल जाहीर केला जाणार आहे. राज्यात एकूण ४ हजार १३६ उमेदवार ही निवडणूक लढवणार आहेत. त्यामध्ये ३ हजार ७७१ पुरुष, ३६३ महिला आणि अन्य २ उमेदवार आहेत.

निवडणूक आयोगाची कामं काय असतात?

राज्याच्या विधानसभा निवडणुकांसाठी २० नोव्हेंबरला मतदान होणार असून 23 तारखेला मतमोजणी आहे. यादरम्यान, निवडणुक आयोग कोणती कामं करेल? 1.मतदार याद्या तयार करणं, त्या अद्ययावत करणं, मतदार ओळखपत्रं जारी करणं.

2. निवडणुकांचं नियोजन, वेळापत्रक तयार करणं, उमेदवारी अर्जांची छाननी, मतदानाच्या दिवशीचं नियोजन, निवडणूक निकाल जाहीर करणं.

3. राजकीय पक्षांना मान्यता देणं किंवा त्यांची मान्यता रद्द करणं, राजकीय पक्षांना चिन्हवाटप करणं, 4.निवडणुकीसंदर्भातील वाद सोडवणं..

गुंतवणुकीचे 'हे' जबरदस्त पर्याय माहिती आहेत का?

भारत सरकारने मुलांच्या भविष्यासाठी "एनपीएस वात्सल्य" योजना सुरू केली आहे, ज्यामध्ये आई-वडील 1000 रुपयांपासून बचत करू शकतात. ही योजना दीर्घकालीन मार्केट लिंक्ड गुंतवणूक असून मोठ्या रिटर्न्सचे आश्वासन देते. तसेच, मुलांसाठी गोल्ड ईटीएफ मध्ये गुंतवणूक करणारा एक सुरक्षित पर्याय उपलब्ध आहे. गोल्ड ईटीएफ कमी जोखमीचा असतो आणि सोन्याच्या भाववाढ़ीमुळे जास्त नफा मिळवता येतो. हे दोन्ही पर्याय मुलांच्या आर्थिक भविष्यविषयक सुरक्षिततेसाठी उपयुक्त आहेत.

पोस्टल मतदान करण्याचा अधिकार कोणाला?

महाराष्ट्रात विधानसभा निवडणुकांसाठी 20 नोव्हेंबरला मतदान आहे. पण यामध्ये मतदान केंद्रांवर मतदान न करता काही मतदारांना पोस्टल मतदान करण्याचा अधिकार देण्यात आला आहे. RPA, 1951 च्या कलम 60 (c) अंतर्गत यात विशेष मतदार, सेवा मतदार आणि निवडणूक कर्तव्यावर असलेल्या मतदारांसह 85 वर्षांवरील जेष्ठ नागरिक, किमान 40% अंपगत्व, कोविड बाधित नागरिक तसेच अत्यावश्यक सेवांमध्ये कार्यरत असणाऱ्या व्यक्तींचा समावेश आहे. परंतू, पोस्टल मतदानासाठी पात्र असणाऱ्या नागरिकांना निश्चित कालावधीत रिटर्निंग ऑफिसरकडे अर्ज सादर करणं आवश्यक आहे. 

सोलापूर: 109 वर्षांच्या आजीबाईंनी बजावला मतदानाचा अधिकार

तालुक्यातील ज्येष्ठ मतदारांच्या मतदान प्रक्रियेला सुरुवात झाली 85 वयापुढील वृद्धांसाठी निवडणूक कर्मचारी घरी जाऊन मतदानाचा हक्क बजावून घेत आहेत. मतदानाचा अधिकार बजावण्यासाठी आणि मतदानाचा टक्का वाढविण्यासाठी निवडणूक आयोगाने यंदाच्या लोकसभा निवडणुकीपासून ही यंत्रणा सुरू केली आहे. घरी जाऊन मतदान यंत्रणेच्या कामाला सुरुवात झाली आहे. त्यानुसार, वैराग भागातील 109 वर्षाच्या आजींनी मतदानाचा हक्क बजावला. सोनाबाई भगवान जाधव असं या आजीबाईचं नाव असून सर्वांनीच मतदानाचा हक्क बजावावा असे आवाहन त्यांनी केलंय.

बादाम खाल्ल्याने शरिर बनते मजबूत

रक्तशर्करा नियंत्रित ठेवणे: बादामामध्ये मॅग्नेशियम असते, जे रक्तातील साखरेचे प्रमाण नियंत्रित ठेवण्यास मदत करते. मधुमेह असलेल्या व्यक्तींसाठी बादामाचे सेवन लाभदायक ठरते.

केसांसाठी पोषक: बादामामध्ये असलेल्या प्रथिने, व्हिटॅमिन्स आणि मिनरल्स केसांची मुळे मजबूत करतात आणि केस गळणे कमी होते. केस अधिक घनदाट आणि निरोगी राहतात. रक्तदाब नियंत्रणात ठेवणे: बादामातील मॅग्नेशियम रक्तदाब कमी करण्यास मदत करते. उच्च रक्तदाब असलेल्या लोकांसाठी नियमित बादाम सेवन फायदेशीर ठरते.

Information of elections: निवडणुकीयंत्रणाबद्दल थोडीशी माहिती

 महाराष्ट्राची ही कितवी विधानसभा निवडणूक?

महाराष्ट्र राज्याच्या निर्मितीनंतर 1962 मध्ये पहिल्यांदा विधानसभा निवडणुका राज्यात झाल्या. त्यावेळी 264 पैकी 215 जागा भारतीय राष्ट्रीय काँग्रेसने जिंकल्या होत्या. आता 20 नोव्हेंबर 2024 ला 15व्या महाराष्ट्र विधानसभेसाठी यंदा निवडणुका होत आहेत. महाराष्ट्रातील राष्ट्रवादी काँग्रेस व शिवसेना या प्रमुख पक्षांमध्ये फूट पडल्यानंतरची ही पहिलीच विधानसभा निवडणूक असेल. भाजप, शिवसेना एकनाथ शिंदे गट, शिवसेना उबाठा, राष्ट्रवादी काँग्रेस शरद पवार गट व राष्ट्रवादी अजित पवार गट या प्रतिस्पर्ध्यांमध्ये विधानसभेची लढत होणार आहे.

जगातील पहिलं निवडणुक चिन्ह कोणतं आणि ते कोणाला दिलं?

कुठलीही निवडणूक असली की निवडणूक चिन्हं ही खूप महत्त्वाची भूमिका बजावतात. निवडणूक चिन्हापुढील बटण दाबूनच आपण कोणत्याही उमेदवाराला मतदान करतो. मात्र जगातील पहिलं निवडणूक चिन्ह कोणत्या पार्टीला आणि कधी दिलं गेलं? तर 234 वर्षांपूर्वी अलेक्झांडर हॅमिल्टन यांच्या नेतृत्वाखाली अमेरिकेत फेडरलिस्ट पार्टी हा पहिला संघटित राजकीय पक्ष स्थापन झाला. या पक्षाचे चिन्ह गोलाकार अंगठी होते. हे जगातील पहिले निवडणूक चिन्ह. येथूनच जगभरातील संघटित पक्षांमध्ये निवडणूक चिन्हांची प्रक्रिया सुरू झाली.

महाराष्ट्रात आतापर्यंत तब्बल 24 मतदारसंघ कसे वाढले ?

राज्यातील 288 मतदारसंघात 20 नोव्हेंबरला विधानसभा निवडणुकांचे मतदान होणार आहे. महाराष्ट्र स्वतंत्र झाल्यानंतर पार पडलेल्या पहिल्या निवडणुकीनंतर आत्तापर्यंत राज्याच्या मतदारसंघात तब्बल 24 मतदारसंघ वाढले आहेत. स्वतंत्र महाराष्ट्रातल्या पहिल्या निवडणुकीत 264 मतदारसंघांमध्ये निवडणूक झाली होती. पुढे मतदसंघ पुनर्रचना करण्यात आली. आणि महाराष्ट्रातील मतदार संघांची संख्या 288 एवढी झाली.

मतदार यादीत नाव कसं शोधाल?

विधानसभा निवडणुकांसाठी येत्या 20 तारखेला मतदान होणार असून आपलं नाव मतदार यादीत आलय का हे तपासण्याची वेळ आता आली आहे. भारतीय निवडणूक आयोग त्यांच्या प्रादेशिक कार्यालयांमधून त्या त्या मतदारसंघातील मतदारांची

यादी जाहीर करत असतं. यासाठी https://voters.eci .gov.in/download-eroll या अधिकृत संकेतस्थळावर जाऊन तुमचं राज्य, जिल्हा, विधानसभा मतदारसंघ आणि इतर तपशील भरून मतदारयादीत तुमचं नाव आहे का हे तपासता येईल.

EVM मशीन कुठे बनते?

गेल्या दशकभरातील अशा किती निवडणुका असतील ज्यामध्ये हारल्यावर EVM वर खापर फुटलं नसेल? 1982 मध्ये सर्वात पहिल्यांदा केरळच्या सार्वत्रिक निवडणुकांमध्ये EVM मशीनचा वापर झाला. मतपेटीत मतदानाची चिठ्ठी टाकण्याऐवजी पहिल्यांदाच बटण दाबून मतदान झाले. पण ही मशीन तयार कुठे होते? पहिल्यांदा निवडणूक आयोगाकडून इलेक्ट्रॉनिक्स कॉर्पोरेशन ऑफ इंडिया लिमिटेड (ECIL), हैदराबादला त्याची रचना आणि विकास करण्याचे काम सोपवण्यात आले. नंतर भारत इलेक्ट्रॉनिक लि, (BEAL) बंगळुरुमधील सहकारी संस्था निवडली गेली.

सर्वाधिक मते NOTA ला मिळाली तर काय होते?

अनेकदा मतदारांना प्रश्न पडतो जर एखाद्या मतदारसंघात NOTA या पर्यायाला कुठल्याही इतर उमेदवारापेक्षा अधिक मते मिळाली तर काय होते? जर असे झाले तर दुसऱ्या क्रमांकाची मते ज्या उमेदवाराला मिळाली आहेत त्या उमेदवाराला विजयी घोषित करण्यात येते. NOTA या पर्यायाला कोणतेही निवडणूक मूल्य नसून पक्षांना सक्षम उमेदवार देण्याकरता दबाव टाकण्यासाठी नोटाची तरतूद करण्यात आली आहे. मतदानाचा अधिकार हा वैधानिक असून संविधानानुसार अभिव्यक्ती स्वातंत्र्य हा मूलभूत अधिकार आहे.

भारताव्यतिरिक्त कोणत्या देशात EVM वापरली जातात?

भारतात निवडणुकीत मतदानासाठी आधुनिक EVM मशीन वापरली जातात. आतापर्यंत EVM मशीन्स देश पातळीवरील 3 निवडणुकांत आणि राज्यातल्या 113 निवडणुकांमध्ये वापरली गेली आहेत. मात्र भारतातच नव्हे तर जगातील अनेक देशांमध्ये ही EVM मशीन्स वापरली जातात. आजघडीला सुमारे 33 देशांमध्ये इलेक्ट्रॉनिक पद्धतीनं मतदान होतं. यात व्हेनेझुएला, अर्जेंटिना, इराण, अमेरिका यासारख्या अनेक देशांमध्ये EVM वापरलं जातं.

पहिल्यांदा मतदान करताय? मतदानकेंद्रावरील 'या' प्रक्रिया लक्षात ठेवा..

राज्याच्या विधानसभांचं मतदान 20 नोव्हेंबरला आहे. अनेकजण यंदा पहिल्यांदा मतदान करणार आहेत. त्यामुळे ऐनवेळी मतदानकेंद्रावर जाऊन गोंधळ होऊ नये यासाठी काही प्रक्रीया लक्षात ठेवणं गरजेचं आहे. 

1. मतदान केंद्रात प्रवेश केल्यावर तीन अधिकारी बसलेले असतात. मत देण्यासाठी नंतर बोटाला शाई लावण्यासाठी या अधिकाऱ्यांकडे जावे लागते.

 2. दुसरी पायरी म्हणजे मतदार यादीतून मतदाराची स्वाक्षरी किंवा अंगठ्याचा ठसा देणे. 

3. इलेक्ट्रॉनिक व्होटिंग मशीन EVM वर उपलब्ध यादीतून राजकीय पक्षाला निळे बटण दाबून मत द्यायचे असते. 4. मत दिल्यानंतर EVM वरचा LED लाल होतो. आणि मतदान झाल्याची पुष्टी करणारी स्लिप तयार होते.

भारतात मतदानाची शाई कोण बनवतं?

भारतात मतदान झाल्यानंतर बोटाच्या तर्जनीला लावली जाणारी साई ही भारतातच तयार होते हे तुम्हाला माहित आहे का? 1962 च्या सार्वत्रिक निवडणुकीत पहिल्यांदा शाईचा वापर झाला. कर्नाटकातील म्हैसूर पेंट अँड वार्निश लिमिटेड या कंपनीत निवडणुकीची ही शाई तयार केली जाते. नॅशनल फिजिकल लॅबोरेटरी या संस्थेकडे आपल्या election ink चे अधिकृत लायसन्स आहे. या शाईची कुठेही विक्री केली जात नाही. फक्त सरकार आणि निवडणुकीशी संबंधित यंत्रणांना त्याचा पुरवठा केला जातो.

आचारसंहिताची सुरुवात कशी झाली?

राज्यात किंवा देशात कुठलीही निवडणूक असली की आचारसंहिता लावली जाते. या आचारसंहिताची सुरुवात 1960 साली केरळ विधानसभा निवडणुकीपासून झाली. तेव्हा राजकीय पक्षांशी सल्लामसलत करून त्यांच्या सहमतीने आचारसंहिता तयार करण्यात आली. कुठल्या नियमांचे पालन करणार हे पक्ष आणि उमेदवारांनी ठरवले. 1962 च्या सार्वत्रिक निवडणुकांनंतर 1967 च्या लोकसभा आणि सर्व विधानसभा निवडणुकांत आचारसंहिताची अंमलबजावणी करण्यात आली. त्यामध्ये नवनव्या गोष्टी आणि नियम जोडले जाऊ लागले. निवडणूक आचारसंहिता हा कुठल्याही कायद्याचा भाग नाही. परंतु आचारसंहितातील काही नियम आयपीसीच्या कलमांच्या आधारे लागू करण्यात येतात.

महाराष्ट्रातील 288 पैकी किती मतदारसंघ अनुसूचित जातींसाठी आरक्षित?

महाराष्ट्राच्या विधानसभा निवडणुकांसाठी मतदान 20 नोव्हेंबरला होणार आहे. राज्यातील एकूण 288 मतदारसंघांपैकी 29 मतदार संघ हे अनुसूचित जातींसाठी आरक्षित आहेत. 25 मतदारसंघ हे अनुसूचित जमातींसाठी आरक्षित आहेत. तर उरलेले 234 मतदार संघ हे खुल्या प्रवर्गाच्या उमेदवारांसाठी आहेत. राखीव असणाऱ्या या 54 मतदारसंघांमध्ये त्या त्या समाजाचे प्रतिनिधित्व करणाऱ्या उमेदवारांनाच उमेदवारी देता येते.

मतदाराला NOTA वापरण्याचा अधिकार कधीपासून?

27 सप्टेंबर 2013 रोजी भारताच्या सर्वोच्च न्यायालयाने मतदारांना त्यांचं मत देताना 'वरीलपैकी काहीही नाही' म्हणजेच NOTA वापरण्याचा पर्याय असावा असा निर्णय दिला. यासाठी निवडणूक आयोगाला इलेक्ट्रॉनिक मतदान यंत्रांमध्ये (EVM) या पर्यायासाठी एक बटन अनिवार्य करण्यास सांगण्यात आले. त्यामुळे निवडणूक आयोगानं नोटा हे चिन्ह सर्व EVM मशीनच्या शेवटच्या बटनावर लावण्यात आले.

Trending top 10 news

 87 मतदारसंघात लागणार 2 EVM मशीन

राज्यात सध्या विधानसभा निवडणुकीची रणधुमाळी मोठ्या प्रमाणात रंगात आली आहे. राज्यात प्रमुख पक्षांमधील बंडखोरी आणि अपक्षांची गर्दी आणि इतर लहान पक्षांमुळं यंदा उमेदवारांची संख्या वाढली आहे. त्यामुळं जिथं जास्त उमेदवार आहेत, तिथं निवडणुक आयोगाला एकापेक्षा अधिक ईव्हीएमची व्यवस्था करावी लागणार आहे. राज्यातील 288 विधानसभा मतदारसंघांपैकी 87 मतदारसंघात जास्त उमेदवार असल्यानं दोन ईव्हीएम मशीन लागणार आहेत.

पोस्टल बॅलट म्हणजे नक्की काय?

राज्यात 20 नोव्हेंबरला मतदान होणार आहे. पण मतदानाची पोस्टल बॅल्ट पद्धत कशी असते माहितीये? चला जाणून घेऊ.या एका प्रकारच्या मतपत्रिका असतात. इलेक्ट्रॉनिक पद्धतीने, मेलचा वापर करुन मतदानाचा अधिकार बजावता येतो. केंद्रीय दलांमध्ये असणारे सरकारी कर्मचारी, लष्करातील सैनिक, परदेशामधील दूतावासात काम करणारे सरकारी कर्मचारी आणि त्यांचे कुटुंबीय अशा काही ठरावीक लोकांना अशा प्रकारे मतदान करण्याचा अधिकार देण्यात येतो.

महिलांकडे असणार 426 मतदान केंद्रांचे नियंत्रण..

यंदाच्या विधानसभा निवडणुकीसाठी राज्यात 426 मतदान केंद्रांचे नियंत्रण महिला करणार आहेत. महिलांचा मतदानातील सहभाग वाढविण्यासाठी 'महिला नियंत्रित मतदान केंद्र' स्थापन करण्यात येणार आहेत. नाशिक जिल्ह्यात सर्वात जास्त म्हणजे एकूण 45 मतदान केंद्रांचे नियंत्रण महिलांकडे असणार आहे. यानंतर जळगावमध्ये 33, गोंदिया 32 आणि सोलापूर 29, मुंबई उपनगरमध्ये 26 महिला नियंत्रित मतदान केंद्र असणार आहेत. तर वाशिम, सिंधुदुर्ग, गडचिरोली , हिंगोली जिल्ह्यात सर्वात कमी प्रत्येकी तीन महिला नियंत्रित मतदान केंद्र असतील.

प्रतिकारशक्ती वाढवण्यासाठी हे पदार्थाचे करा सेवन..

प्रतिकारशक्ती वाढवण्यासाठी काही खाद्यपदार्थ अत्यंत फायदेशीर ठरतात. हळद, ज्यात असलेल्या क्युरक्युमिनमुळे शरीरातील सूज कमी करण्यास मदत करते. व्हिटॅमिन सी ने भरपूर असलेले फळे, जसे की संत्रे, आंबे आणि द्राक्षे, इम्यून सिस्टीमला बूस्ट करतात. ड्रायफ्रूट्समध्ये असलेले झिंक प्रतिकारशक्तीला बळकट करतात. आवळ्याचा रस शरीरातील विषारी पदार्थ दूर करण्यास मदत करतो आणि रोगप्रतिकारक क्षमता वाढवतो. याव्यतिरिक्त, पालेभाज्या, विशेषतः पालक आणि मेथी, लोह आणि अँटीऑक्सिडेंट्ससाठी उत्तम स्रोत आहेत.

'लाडकी बहीण योजना' बंद होणार...का ?

मध्य प्रदेशात भाजप सरकारने लागू केलेली "लाडकी बहीण योजना" बंद करण्यात आल्याचा आरोप काँग्रेसच्या राष्ट्रीय प्रवक्त्या डॉ. शमा महंमद यांनी केला. त्यांनी पंतप्रधान नरेंद्र मोदी यांच्या रेवडीसंबंधीच्या टिपण्णीवरून सवाल केला, "काँग्रेसच्या कल्याणकारी योजनांना मोदी रेवडी म्हणतात, पण भाजप सरकार 'लाडकी बहीण' योजनेतून रेवडी का वाटत आहे?" असे तीव्र प्रश्न डॉ. शमा यांनी उपस्थित केले. काँग्रेसने ही योजना सुरू केली होती, असेही ते म्हणाले

सोलापूर: मतदारांना मतदानाच्या दिवशी सुट्टी द्या..

सोलापूर विधानसभा सार्वत्रिक निवडणुकीच्या पार्श्वभूमीवर सोलापूर जिल्ह्यातील खाजगी कंपन्या मधील आस्थापना, सर्व दुकाने किंवा इतर आस्थापना तसेच माहिती व तंत्रज्ञान कंपन्या, शॉपिंग सेंटर, मॉल इत्यादींना सूचना देण्यात येत आहे की, दि. 20 नोव्हेंबर 2024 रोजी मतदानाच्या दिवशी कामगारांना मतदानाचा हक्क बजावण्यासाठी सार्वजनिक सुट्टी देण्यात यावी. मतदाना विषयक काही तक्रारी असल्यास 0217-2728401 या दुरध्वनी क्रमांकावर संपर्क साधावा, असे आवाहन सहायक कामगार आयुक्त तथा नोडल अधिकारी लेबर वॉटर्स सोलापूर यांनी केले आहे.

महात्मा ज्योतिबा फुले जन आरोग्य योजना..

महाराष्ट्र सरकारने 'महात्मा ज्योतिबा फुले जन आरोग्य योजना' सुरू केली आहे. या योजनेचा लाभ आर्थिक दृष्ट्या दुर्बल कुटुंबांनाही मिळणार आहे. पिवळ्या व केशरी रेशन कार्डधारक, शेतकरी आत्महत्याग्रस्त कुटुंबे, तसेच 14 जिल्ह्यांतील नागरिक या योजनेचा लाभ घेऊ शकतात. या योजनेअंतर्गत शस्त्रक्रिया, उपचार, विमा संरक्षण आणि आरोग्य शिबिरे दिली जात आहेत. अधिक माहितीसाठी अधिकृत वेबसाइटला भेट द्या: jeevandayee.gov.in.

2 लाख 50 हजार तरुणांना मिळणार नोकऱ्या..

मुकेश अंबानी यांनी आंध्र प्रदेशमध्ये 500 कॉम्प्रेस्ड बायोगॅस संयंत्रे उभारण्यासाठी 65,000 कोटी रुपयांची गुंतवणूक करण्याची घोषणा केली आहे. रिलायन्स इंडस्ट्रीज लिमिटेड या प्रकल्पावर पुढील 5 वर्षांत काम करणार आहे. ऊर्जा क्षेत्रात अंबानींच्या या गुंतवणुकीमुळे 2 लाख 50 हजार तरुणांना रोजगार मिळण्याची शक्यता आहे. ही गुंतवणूक रिलायन्सची ऊर्जा क्षेत्रातील सर्वात मोठी गुंतवणूक मानली जात आहे.प्रकल्पाचा उद्देश स्वच्छ ऊर्जा निर्माण करणे आणि पर्यावरणीय संरक्षण वाढवणे आहे.

कांद्याचे भाव कडाडले..

कांद्याच्या भावाने मोठी झेप घेतली आहे. अनेक ठिकाणी कांद्याची किंमत 80 रुपये किलोपर्यंत पोहोचली आहे. रिपोर्टनुसार, काही शहरांमध्ये कांद्याचे भाव काही दिवसात जवळपास ₹40/किलोने वाढले आहेत. दिल्ली आणि मुंबईसारख्या मेट्रो शहरांमध्ये कांद्याचे भाव वर्षांतील सर्वोच्च पातळीवर पोहोचले आहेत.

उमेदवारांना निवडणुक चिन्ह कसे दिले जातात?

निवडणूक चिन्ह हे मान्यताप्राप्त तसंच नोंदणीकृत पक्षांना किंवा अपक्ष उमेदवारांना देण्यात येणारं एक प्रमाणित चिन्ह असते. निवडणूक चिन्हे (आरक्षण आणि वाटप) आदेश, 1968 या कायद्यांतर्गत निवडणूक आयोगाद्वारे राजकीय पक्षांना तसंच अपक्ष उमेदवारांना दिली जातात. निवडणूक चिन्हांचे राखीव चिन्हं आणि मुक्त चिन्हं असे दोन प्रकार पडतात. राखीव चिन्हे म्हणजे जी एखाद्या पक्षासाठी राखीव असतात, तर मुक्त चिन्हं म्हणजे जी नोंदणीकृत पण मान्यता न मिळालेल्या पक्षांना तसंच अपक्ष उमेदवारांना दिली जातात. जेव्हा उमेदवार अर्ज भरतो, तेव्हा त्याला निवडणूक आयोगाच्या मुक्त चिन्हांच्या यादीतून तीन चिन्हांची निवड करावी लागते. त्यानुसार निवडणूक आयोगाद्वारे प्रथम येणाऱ्यास प्रथम प्राधान्य या तत्त्वावर एक चिन्ह त्या उमेदवाराला दिलं जातं.

Trending topics : या दिवशी असणार शाळा बंद

 या दिवशी असणार शाळा बंद....

19 आणि 20 नोव्हेंबर रोजी शाळेच्या बस बंद असणार विधानसभा निवडणुकीसाठी शाळांच्या बसची गरज भासणार असल्याने शाळेमध्ये लागणाऱ्या बस बंद ठेवण्याचा निर्णय शाळा बस ओनर्स असोसिएशनने घेतला आहे. निवडणूक प्रक्रियेत शाळांच्या बसेस वापरल्या जाणार असल्यामुळे शाळांना 19 आणि 20 नोव्हेंबर रोजी सुट्टी असणार आहे का? याविषयी चर्चा होत आहे. त्यामुळे शाळांना सुट्टी असण्याची शक्यता आहे.

पॅन-आधार लिंकिंगसाठी 31 डिसेंबर शेवटची मुदत

आधार आणि पॅन कार्ड एकमेकाला लिंक करण्यासाठी प्रशासनाने डेडलाईन दिली आहे. त्यानुसार 31 डिसेंबर 2024 पर्यंत पॅनकार्ड आधार कार्डशी लिंक करणे अनिवार्य आहे. त्यानंतर पॅन कार्ड निष्क्रिय केले जाईल, त्यामुळे विविध आर्थिक व्यवहार करता येणार नाहीत. फसवणुकीपासून मुक्तता आणि देशभरातील ओळख प्रक्रिया सुलभ करणे हा यामागचे उद्देश आहे. त्यामुळे तुमचे पॅन-आधार लिंक केले नसेल, तर लवकरात लवकर करुन घ्या.

बिट्स लिमिटेडने दिला गुंतवणूकदारांना 6874% परतावा

बिट्स लिमिटेड (Bits Ltd) या कंपनीच्या शेअरने अल्पावधीतच गुंतवणूकदारांना प्रचंड परतावा दिला आहे. केवळ 35 पैशांचा असलेला हा स्टॉक काही महिन्यांत 24.41 रुपयांपर्यंत पोहोचला आहे, ज्यामुळे गुंतवणूकदारांना तब्बल 6874% परतावा मिळाला आहे. गेल्या काही महिन्यांपासून या शेअरला सातत्याने 2% अप्पर सर्किट लागत आहे, ज्यामुळे गुंतवणूकदारांमध्ये हा शेअर तेजीवर आहे.

Breaking news!आता 450 रुपयांना मिळणार गॅस सिलेंडर

राजस्थान सरकारने मोठा निर्णय घेतला आहे. सुरुवातील फक्त उज्जवला योजनेअंतर्गत लाभार्थ्यांना 450 रुपयांमध्ये गॅस सिलेंडर दिला जात होता. मात्र, आता रेशन कार्डधारकांनादेखील 450 रुपयांमध्ये गॅस सिलेंडर दिला जाणार आहे. यासाठी नागरिकांना रेशन कार्ड आणि एलपीजी आयडी लिंक करावा लागणार आहे. त्यामुळे या निर्णयाचा फायदा आता 68 लाख कुटुंबांना होणार आहे. असा निर्णय महाराष्ट्रात कधी लागू होणार? अशा चर्चा आता रंगू लागल्या आहेत.

जिओ धमाका ऑफर ! 3 महिने नेटफ्लिक्स फ्री

प्रसिद्ध उद्योगपती मुकेश अंबानींच्या जिओने आपल्या युझर्ससाठी एक चांगला प्लॅन आणला आहे. 1299 रुपयाचा प्लॅन आहे. यात रोज 2 जीबी डेटा, अनलिमिटेड कॉल देण्यात येणार आहे. शिवाय, नेटफ्लिक्सचे फ्री सब्सक्रिप्शनही देखील मिळणार आहे. या प्लॅनची वैधता 84 दिवसांची आहे. या प्लॅनची विशेष बाब म्हणजे यात 5 जी इंटरनेटही आहे. म्हणजेच तुम्हाला याता चांगले स्पीड आणि नेटफ्लिक्सचा आनंद घेता येणार आहे.

70 वर्षांवरील वृद्धांना मोफत उपचार, सर्वांना मिळणार घरकूल

पंतप्रधान नरेंद्र मोदींनी मोठी घोषणा केली आहे. '70 वर्षावरील वृद्धांच्या उपचाराची चिंता करू नका, त्यांच्या औषधाचा खर्च मोफत करणार', असं मोदींनी म्हटलंय. 'गरिबांसाठी आम्ही 4 कोटी घरे उभारली आहेत. अजूनही कुणाला घर नसेल तर कळवा, त्यांना देखील घर बांधून देऊ. आता गरिबांसाठी 3 कोटी घरे उभारण्याचे काम सुरु आहे. महाराष्ट्रातील गरिब कुटुंबाचे घराचे स्वप्न पूर्ण होईल', असेही मोदी म्हणाले. मोदींची अकोल्यात प्रचारसभा झाली. यावेळी त्यांनी ही मोठी घोषणा केली.

लसूण तूपात तळून खाल्ल्याने होतात अनेक फायदे जाणून घ्या.

लसूण आणि देसी तूप आरोग्यासाठी फायदेशीर आहे. आयुर्वेदानुसार, लसूण तूपात तळल्याने अनेक रोग दूर होण्यास मदत होते. लसूण मध्ये अँटीबॅक्टेरियल, अँटीफंगल, आणि अँटीव्हायरल गुणधर्म असतात. देसी तूपासोबत लसूण खाल्ल्याने स्ट्रोकचा धोका कमी होतो, बीपी नियंत्रित राहतो, आणि रोगप्रतिकारशक्ती मजबूत होते. तसेच, लसूण तूपात तळल्याने संधिवात, ल्युपस, आणि एमएससारख्या स्वयंप्रतिकार रोगांसाठी फायदेशीर ठरते. हे शरीरातील विषारी पदार्थ बाहेर काढण्यास मदत करते.

राज्यातील लाखो शेतकऱ्यांचे वीजबिल माफ

महाराष्ट्र सरकारच्या 'मुख्यमंत्री बळीराजा वीज सवलत' योजने अंतर्गत 7.5 अश्वशक्तीपर्यंतच्या कृषिपंपाचे वीजबिल माफ करण्यात आले आहे, ज्यामुळे राज्यातील 44 लाख शेतकऱ्यांना दिलासा मिळाला आहे. खेड तालुक्यातील

19,539 शेतकऱ्यांचे सुमारे 14 कोटी 23 लाख रुपयांचे वीजबिल माफ झाले आहे. या योजनेमुळे शेतकऱ्यांच्या खर्चात बचत झाली असून, उत्पादन खर्चात घट झाली आहे. शेतकऱ्यांनी या योजनेचे स्वागत केले असून, यामुळे ते अधिक उत्साहाने शेती करू शकतील व आर्थिकदृष्ट्या स्थिर होऊ शकतील.

20 तारखेला सुट्टी जाहीर...

महाराष्ट्रात 20 नोव्हेंबरला विधानसभेचे मतदान आहे. त्यामुळे या दिवशी अनेक कंपन्या, संस्था आणि कार्यालयांनी सुट्टी जाहीर केली आहे. शिवाय, कर्मचाऱ्यांना मतदान करता यावे यासाठी 2 तासाची रजाही देण्यात येणार आहे. तर, दुसरीकडे शेअर मार्केटही या दिवशी बंद राहणार आहे. दरम्यान, कर्मचाऱ्यांना मतदानासाठी सुट्टी न दिल्यास कंपन्या, संस्था, कार्यालये यांच्यावर कारवाईही होणार आहे. 23 नोव्हेंबरला निकाल लागणार आहे.

समाज कल्याण विभागात 219 जागांसाठी भरती

समाज कल्याण विभागाने 219 पदांसाठी भरतीची घोषणा केली आहे. इच्छुक उमेदवार 10वी उत्तीर्ण असावा लागेल. वयाची अट 31 ऑक्टोबर 2024 रोजी 18 ते 38 वर्षे आहे, तर मागासवर्गीय उमेदवारांना 5 वर्षांची सूट दिली आहे. या पदांसाठी अर्ज पुणे आणि महाराष्ट्रातील विविध ठिकाणी करता येतील. उमेदवाराने अर्ज करण्याची अंतिम तारीख 30 नोव्हेंबरआहे. लिंक- https://drive.google.com/file /d/1cT3feKkbPOcoaGfPygpes1omk9F9woQ0 /view, https://cdn.digialm.com/EForms /configuredHtml/32813/87992/Index.html

उत्तर महाराष्ट्र गारठला...

राज्यात किमान तापमान घटू लागल्याने थंडी वाढत जाण्याचे संकेत आहेत. उत्तर महाराष्ट्रात पारा 16 अंशांच्या खाली आल्याने गारठा वाढला आहे, तर उर्वरित राज्यात थंडीची प्रतीक्षा आहे. शनिवारी धुळ्यात राज्यातील नीचांकी 13.4 अंश तापमानाची नोंद झाली. बंगालच्या उपसागरात कमी दाबाचे क्षेत्र तयार होत असून, तमिळनाडू आणि श्रीलंकेच्या किनाऱ्यावर त्याचा परिणाम होऊ शकतो. कोकणात उन्हाचा चटका असूनही उर्वरित राज्यात तापमान कमी होत आहे. डहाणू येथे उच्चांकी 36.1 अंश तापमान नोंदले गेले.