Class 10th and 12th exam dates have been decided

 दहावी, बारावीच्या परीक्षेची तारीख ठरली, बोर्डाकडून वेळापत्रक जाहीर!

महाराष्ट्र राज्य माध्यमिक व उच्च माध्यमिक शिक्षण मंडळाने दहावी आणि बारावीच्या परीक्षा वेळापत्रकाची घोषणा केली आहे. बारावीची लेखी परीक्षा 11 फेब्रुवारी 2024 ते 18 मार्च 20252024 दरम्यान तर दहावीची लेखी परीक्षा 21 फेब्रुवारी ते 17 मार्च 20252024 पर्यंत होणार आहे. दहावीची परीक्षा मराठीच्या पेपरने सुरू होईल, तर बारावीची पहिली परीक्षा इंग्रजीची असेल. नऊ विभागीय मंडळांमध्ये परीक्षा घेतली जाईल. विद्यार्थ्यांना वेळापत्रक mahahsscboard.in वरून डाउनलोड करता येईल.

सोलापूर जिल्ह्यात विधानसभेसाठी सरासरी 65. 41 टक्के मतदान

सोलापूर जिल्ह्यातील अकरा विधानसभा मतदारसंघात बुधवारी सकाळी सात ते सायंकाळी सहा वाजेपर्यंत सरासरी एकूण 65.41 टक्के मतदान झाले आहे, अशी माहिती जिल्हाधिकारी तथा जिल्हा निवडणूक अधिकारी कुमार आशीर्वाद यांनी दिली. जिल्ह्यात एकूण 38 लाख 48 हजार 869 मतदार असून आज सकाळी सात ते सायंकाळी पाच वाजेपर्यंत 25 लाख 17 हजार 374 मतदारांनी आपला मतदानाचा हक्क बजावलेला आहे. मतदानाची एकूण सरासरी 65.41% झालेली आहे. तर अंतिम आकडेवारी आज गुरुवारी दुपारी 4 वाजेपर्यंत कळविण्यात येणार आहे.

महाराष्ट्रात राष्ट्रपती राजवट लागू होण्याची शक्यता

महाराष्ट्र विधानसभा निवडणूक 2024 चे निकाल 23 नोव्हेंबरला जाहीर होणार आहेत. एक्झिट पोलनुसार महायुतीला सत्ता मिळण्याचा अंदाज आहे, तर महाविकास आघाडीही काँटे की टक्कर देणार असल्याचे स्पष्ट झाले आहे. निकालानंतर 26 नोव्हेंबरपूर्वी नवीन सरकार स्थापन न झाल्यास राष्ट्रपती राजवट लागू होण्याची शक्यता आहे. राज्यपाल सी. पी. राधाकृष्णन यांनी यावर चर्चा सुरू केली असून सत्तास्थापनेसाठी राजकीय पक्षांना अवघे दोन दिवस आहेत. भाजप मुख्यालयातही या पार्श्वभूमीवर महत्त्वाची बैठक आयोजित करण्यात आली आहे.

अदानी उद्योग समूहाच्या मालकीच्या सर्व कंपन्यांचे शेअर्स गडगडले

आज भारतीय शेअर बाजारात खळबळ उडवून देणारी घटना घडली आहे. अमेरिकेच्या जिल्हा न्यायालय आणि सेक्युरिटीज अँड एक्स्चेंज कमिशनने गौतम अदानी आणि इतर अधिकाऱ्यांवर लाचखोरी आणि फसवणुकीचे गंभीर आरोप केले आहेत. या आरोपांमुळे अदानी उद्योग समूहाच्या

मालकीच्या सर्व कंपन्यांचे शेअर्स गडगडले आहेत. अदानी उद्योग समूहाच्या कंपन्यांचे शेअर्स साधारणतः 10 ते 20 टक्क्यांनी घसरले आहेत, ज्यामुळे भारतीय शेअर बाजारात मोठा घसरणीचा दबाव निर्माण झाला आहे.

सोलापूर: मतदान केंद्रांवर होते सोलापूर जिल्हाधिकाऱ्यांचे लक्ष!

जिल्ह्यातील ११ विधानसभा मतदारसंघातील तीन हजार ७३८ मतदान केंद्रावर आज सकाळी ७ वाजल्यापासून मतदानाची प्रक्रिया सुरू झाली आहे. त्यातील दोन हजार ३०५ मतदान केंद्रावर वेब कास्टिंगची यंत्रणा कार्यान्वित करण्यात आली आहे. सोलापूर शहरातील सर्वच मतदान केंद्रांवर ही यंत्रणा

लावली आहे. जिल्हाधिकारी कुमार आशीर्वाद हे नियोजन भवन येथील सभागृहात लावलेल्या मोठ्या स्क्रिनवरून त्या केंद्रांवरील मतदारांच्या रांगा, अडचणी व मतदान सुरळीत होत असल्याची पाहणी करत आहेत.

सोलापूरः शिराळमध्ये बिबट्यासदृश प्राणी

माढा तालुक्यातील शिराळ (मा) येथील वस्तीवर राहणाऱ्या शेतकरी सतीश टोणपे यांच्या घरासमोरील अंगणात बांधलेल्या दोन शेळ्यांसह एका लहान पिलावर बिबट्या सदृश प्राण्याने हल्ला करून ठार मारले. ही घटना गुरुवार, २१ नोव्हेंबर रोजी पहाटे २ वाजण्याच्या सुमारास घडली. यादरम्यान घरातून आपल्या आईबरोबर लघुशंकेला उठलेल्या १३ वर्षीय एका मुलीवरदेखील त्याने धाव घेतली, पण सोबत असणाऱ्या आईने आरडाओरड केल्यानंतर तो पळून गेल्याने ती त्यातून वाचली आहे. पण या घटनेत तिलाही त्या प्राण्याचा नख लागल्याचे समोर आले आहे

सोलापूर: हजर न राहिल्याने शिक्षकावर गुन्हा

विधानसभा निवडणुकीत कर्तव्याच्या ठिकाणी हजर न राहता शासकीय आदेशाचे उल्लंघन केल्याप्रकरणी बार्शीतील सुलाखे हायस्कूलचे सहशिक्षक यांच्या विरुद्ध सांगोला पोलिस स्टेशनला गुन्हा दाखल झाला आहे. याबाबत सोमनाथ सदाशिव साळुंखे (रा. कुंभार गल्ली, सांगोला) यांनी फिर्याद दिली आहे. पोलिसांनी वैभव भास्कर कदम (रा. बेलेश्वर नाका, सुलाखे हायस्कूल, बार्शी, जि. सोलापूर) यांच्याविरुद्ध भारतीय न्याय संहिता २०२३ कलम २२३ प्रमाणे सहलोकप्रतिनिधित्व कायदा १९५१ चे कलम १३४ प्रमाणे दखलपात्र गुन्हा केला आहे.

यंदा महाराष्ट्रात 30 वर्षांचा विक्रम मोडीत

महाराष्ट्रातील विधानसभा निवडणुकीसाठी 20 नोव्हेंबर रोजी 65.02% मतदान झाले, जे 30 वर्षांतील सर्वाधिक आहे. 1995 मध्ये 71.69% मतदान झाले होते, ज्यावेळी शिवसेने-भाजप युतीने सत्ता स्थापन केली. यावेळी मतदानाची टक्केवारी वाढल्याचा फायदा महायुतीला होईल, अशी शक्यता व्यक्त केली जात आहे. एक्झिट पोलनुसार, महाविकास आघाडीने सत्ता स्थापन करण्याचा विश्वास व्यक्त केला आहे. राज्यात एकूण 9.69 कोटी मतदार असून, यामध्ये 5 कोटी पुरुष आणि 4.69 कोटी महिला मतदार आहेत.

Today update :SIP योग्य गुंतवणुकीचा पर्याय

 SIP: नवीन गुंतवणूकदारांसाठी सुवर्णसंधी

जर तुम्हाला बचत करताना कमाईही करायची असेल, तर SIP (सिस्टेमॅटिक इन्व्हेस्टमेंट प्लॅन) हा एक उत्तम पर्याय ठरू शकतो. दररोज फक्त 167 रुपये आणि महिन्याला 5000 रुपये बचत करून, तुम्ही दीर्घकालीन गुंतवणुकीतून 5 कोटी रुपयांचे मालक होऊ शकता. यासाठी योग्य म्युच्युअल फंड निवडणे आणि तज्ज्ञांचा सल्ला घेणे गरजेचे आहे. तुम्ही 50:30:20 नियम पाळला तर तुमची आर्थिक स्थिती सुधारेल. यामध्ये, 50% रक्कम गरजेवर खर्च, 30% वैयक्तिक खर्च आणि 20% बचतीसाठी ठेवावी.

संगणक टंकलेखन परीक्षेच्या वेळापत्रकात बदल, 9 डिसेंबरपासून परीक्षा सुरू

महाराष्ट्र राज्य परीक्षा परिषदेतर्फे घेतल्या जाणाऱ्या संगणक टंकलेखन परीक्षेच्या वेळापत्रकात बदल करण्यात आला आहे. यापूर्वी या परीक्षा 1 डिसेंबर ते 15 डिसेंबरदरम्यान होणार होत्या. मात्र, नव्या वेळापत्रकानुसार परीक्षा आता 9 डिसेंबरपासून सुरू होतील. परीक्षार्थींनी सुधारित वेळापत्रकाची नोंद घ्यावी.

85 लाखांच्या होम लोनवर 40 लाखांची बचत कशी कराल?

गृहकर्जाच्या वाढत्या व्याजदरांसह, प्रीपेमेंट हा आर्थिक बचतीसाठी प्रभावी उपाय ठरू शकतो. 85 लाखांच्या कर्जावर 10% प्रीपेमेंट केल्यास, 40.23 लाख रुपये बचत होऊ शकतात आणि 65 ईएमआय हप्ते कमी होतात. यासाठी प्रीपेमेंटचा फायदा समजून घेऊन योग्य नियोजन करा. तज्ज्ञ सल्ल्याने ही प्रक्रिया अधिक फायदेशीर होऊ शकते.

आयटी आरमध्ये विदेशी मालमत्तेची माहिती न दिल्यास 10 लाखांचा दंड

प्राप्तिकर विभाग म्हणजेच इनकम टॅक्स विभागाने एक निर्णय घेतला आहे. त्यानुसार, आता परदेशात असलेली मालमत्ता किंवा आयकर रिटर्न (ITR) मध्ये कमावलेले उत्पन्न उघड न केल्यास ₹10 लाख दंड आकारला जाऊ शकतो. करदात्यांना त्यांचे उत्पन्न 'करपात्र मर्यादेपेक्षा कमी' असले तरीही आयटीआरमध्ये परदेशी मालमत्ता किंवा परकीय स्त्रोतांकडून मिळणाऱ्या उत्पन्नाची माहिती भरणे बंधनकारक असेल.

आता पदवी अभ्यासक्रम तीन वर्षाऐवजी लवकरही पूर्ण करू शकणार

UGC ने 2025-26 पासून लवचिक शैक्षणिक धोरण लागू करण्याची घोषणा केली आहे, ज्यामुळे विद्यार्थी चार वर्षांचा पदवी अभ्यासक्रम तीन किंवा तीन वर्षांचा अभ्यासक्रम अडीच वर्षांत पूर्ण करू शकतील. याशिवाय, विद्यार्थ्यांना वैयक्तिक गरजेनुसार अभ्यासक्रम पूर्ण करण्यासाठी अतिरिक्त वेळही दिला जाईल. शिक्षण थांबवून पुन्हा सुरू करण्याचा पर्याय, कार्य अनुभवाचा समावेश, आणि बहुशाखीय अभ्यासक्रमाच्या संधींसह हे धोरण NEP 2020 च्या उद्दिष्टांशी सुसंगत आहे.

दहावी-बारावीचा अभ्यासक्रम 15 टक्क्यांनी कमी

सीबीएसईने दहावी-बारावीचा अभ्यासक्रम 15 टक्क्यांनी कमी केला असून परीक्षा पद्धतीत बदल केले आहेत. 2025 च्या पॅटर्ननुसार, 40 टक्के गुण अंतर्गत मूल्यांकनासाठी आणि 60 टक्के गुण अंतिम परीक्षेसाठी निश्चित करण्यात आले आहेत. विद्यार्थ्यांना विषय सखोल समजण्यासाठी हा निर्णय घेण्यात आला आहे. बोर्डाच्या परीक्षा 15 फेब्रुवारी 2025 पासून सुरू होतील, तर डेटशीट डिसेंबरमध्ये जाहीर होण्याची शक्यता आहे. पुढील वर्षी दोन टर्म परीक्षांचे मॉडेल लागू करण्यासाठी तयारी सुरू असून, अधिक वारंवार मूल्यांकन शक्य होणार आहे.

NSVP: मतदान सेवा पोर्टल

 मतदान कार्ड मिळवण्यासाठी खालील दिलेल्या लिंक वर क्लिक करा व माहिती भरा...

👇👇👇👇👇

 तुमचे मतदान कार्ड शोधा....

https://electoralsearch.eci.gov.in/

Breking news today

 केंद्र सरकारचा टोल टॅक्ससाठी नवा नियम लागू

केंद्र सरकारने टोल टॅक्ससाठी नवा नियम लागू केला आहे, ज्याचा कोट्यवधी वाहनधारकांना फायदा होणार आहे. नवीन नियमांनुसार, 20 किमीपर्यंत राष्ट्रीय किंवा राज्य महामार्गांचा वापर करणाऱ्या वाहनांना टोल भरावा लागणार नाही. मात्र, यासाठी वाहनावर ग्लोबल नेव्हिगेशन सॅटेलाइट सिस्टम (GNSS) असणे बंधनकारक आहे. सध्या GNSS प्रणाली पायलट प्रोजेक्टअंतर्गत कर्नाटक आणि हरियाणामध्ये लागू आहे. यशस्वी चाचणीनंतर देशभर ही प्रणाली राबवली जाईल. यामुळे टोलमध्ये पारदर्शकता येणार असून वाहनचालकांचा प्रवास सुकर होईल.

सोलापुरातून मुंबई, गोव्याला जाता येणार विमानाने

सोलापुरातील होटगी रस्त्यावरील विमानतळावरून येत्या सात दिवसांमध्ये मुंबई आणि गोव्याला जाण्यासाठी विमानसेवा सुरू होणार असल्याच्या माहितीला प्रशासनातील वरिष्ठ अधिकाऱ्यांनी दुजोरा दिला आहे. फ्लाय 91 या विमान कंपनीकडून ही सेवा सुरू होणार आहे. फ्लाय 91 या विमान कंपनीकडून सोलापूर ते पुणे आणि सोलापूर ते मुंबई पहिल्या टप्प्यात विमान सेवा सुरू करण्याची तयारी होती. मात्र पुणेपेक्षा, मुंबई, गोवा, हैदराबाद, तिरुपती, बंगळुरू या मार्गावर विमान सेवा सुरू करण्याची मागणी सोलापूरकरांनी केली आहे.

ऐन थंडीत वाढतोय उकाडा!

मुंबई शहर आणि उपनगरात 16 नोव्हेंबर रोजी थंडीच्या दिवसात तापमानात वाढ झाली आहे. आज मुंबईचे कमाल तापमान 36 अंश सेल्सिअस आणि किमान तापमान 25 अंश सेल्सिअस असण्याचा अंदाज हवामान विभागाने व्यक्त केला आहे. त्यामुळे मुंबईत उष्णता आणि आर्द्रतेचा प्रभाव दिसून येत आहे. शहरातील हवामानामुळे नागरिकांना अस्वस्थता जाणवू लागली आहे. येत्या काही दिवसांत तापमान आणखी वाढण्याची शक्यता असल्याचेही तज्ज्ञांचे म्हणणे आहे.

दुसऱ्याच कोणी तुमच्या नावावर मतदान केल्यास
काय कराल?

भारतीय निवडणूक व्यवहार अधिनियम -1961 च्या 49P या कलमानुसार, तुमच्याऐवजी दुसऱ्या कुणी तुमच्या नावावर मत नोंदवले असेल आणि खरे तुम्ही मतदार असाल तर तुम्ही मतदार केंद्राच्या पीठासीन अधिकाराकडे अपील करू शकता.अर्थात, तुम्हीच खरे मतदार आहात हे सिद्ध करण्यासाठी तुमच्याकडे मतदार ओळखपत्र, निवडणूक आयोगाने दिलेल्या मतदान केंद्राच्या स्लिप अशी कागदपत्रे असायला हवीत.

मतदान कार्ड कसे डाऊडलोड कराल?

सर्वात प्रथम राष्ट्रीय निवडणूक आयोगाच्या ऑफिशियल वेबसाईटवर WWW.ECI.GOV.IN वर जा. त्यात मेन्यूमधील डाऊनलोड e-Epic निवडा. खाली स्क्रोल करुन सर्व्हिस सेक्शनमध्ये जा. त्याखाली e-Epic डाऊनलोडवर क्लिक करा. तुमचा रजिस्टर्ड मोबाइल नंबर, ईमेल किंवा EPIC नंबर आणि कॅप्चा कोर्ड भरल्यानंतर तुम्हाला रिक्वेस्ट ओटीपीवर क्लिक करावं लागेल. लॉगइन करून डाऊनलोड EPIC वर क्लिक

करा.

व्होटर आयडी हरवलंय? काय कराल?

महाराष्ट्र विधानसभा निवडणुकांच्या मतदानाला आता केवळ चार दिवस उरले आहेत. घरोघरी मतदानासाठी लागणाऱ्या आवश्यक कागदपत्रांची जमवाजमव सुरु आहे. पण तुमचं व्होटर आयडी हरवलं असेल तर अगदी काही मिनिटांमध्येच तुम्ही हे ओळखपत्र डाऊनलोड करु शकता. फक्त त्यासाठी तुमचा मोबाईल नंबर रजिस्टर्ड असणे आवश्यक आहे. या फोनमध्येच तुम्ही मतदान ओळखपत्राची डिजिटल कॉपी डाऊनलोड सेव्ह करू शकता.

दिव्यांग मतदारांना मतदानासाठी हा पर्याय

दिव्यांग मतदार मतदानासाठी 'सक्षम' मोबाईल अॅपचा लाभ घेऊ शकतात. 'सक्षम' मोबाईल अॅप दिव्यांगांसाठीच सुरू करण्यात आले आहे, त्यावर लॉग इन करून ते मतदान करू शकतात. उमेदवारांसाठी 'सुविधा' नावाचे मोबाइल अॅप विकसित करण्यात आले असून, हे ऑनलाइन पोर्टल असून तेथे नामनिर्देशन आणि शपथपत्रही दाखल करता येते. मुख्य निवडणूक आयुक्तांनी असेही सांगितले की, 'सुविधा' पोर्टलचा वापर उमेदवारांना सभा आणि रॅलींसाठी परवानगी घेण्यासाठी देखील करता येतोय.

पीएम इंटर्नशिप योजना, महिना 5 हजार, शेवटची संधी

पीएम इंटर्नशिप योजनेसाठी अर्ज करण्याची आजची शेवटची मुदत आहे. या योजनेतून प्रत्येक तरुणाला इंटर्नशिप करण्याची संधी दिली जाणार आहे. यासाठी 800 पेक्षा जास्त कंपन्यांनी सरकारकडे नोंदणी केलेली आहे. या योजनेत पात्र उमेदवाराला सुरुवातीला एक रक्कमी 6 हजार रुपये दिले जाणार आहेत. तर त्यानंतर प्रत्येक महिना 5 हजार रुपये दिले जाणार आहेत. 10 वी पासून ते पदवीधरांपर्यंतचे सर्वजण यासाठी अर्ज करु शकतात. https://pminternship.mca.gov.in/login / या लिंकवर जाऊन तुम्ही नोंदणी करू शकता

राज्यात 158 पक्ष निवडणूक रिंगणात

राज्याच्या निवडणुकीचा प्रचार सध्या अंतिम टप्प्यात आहे. अनेक पक्ष पक्षाचे उमेदवार पूर्ण ताकतीनिशी प्रचारात उतरले आहेत. मात्र या निवडणुकीत किती पक्ष निवडणुकीच्या रिंगणात आहेत. तुम्हाला माहिती आहे का? तर राज्याच्या विधानसभा निवडणुकीत एक दोन नव्हे तर तब्बल 158 राजकीय पक्ष निवडणूक रिंगणात उतरले आहेत. यात अनेक राष्ट्रीय आणि राजकीय पक्षांचा समावेश आहे. सत्तेच्या सारीपाठासाठी प्रत्येक पक्षाची धरपड सुरू आहे.

सोनं झालं 5,000 रुपयांनी स्वस्त

गेल्या काही दिवसांपासून शेअर मार्केटमध्ये मोठी घसरण होत आहे. गुरुवारीही (14 नोव्हेंबर) सेन्सेक्स निफ्टीने जोरदार सुरुवात केली आणि काही वेळाने पुन्हा घसरण झाल्याचे दिसून आले. मात्र केवळ शेअर बाजारच नाही तर सोन्यामध्येही सातत्याने घसरण होत आहे. 1 नोव्हेंबरपासून सोन्याचे दर 5000 रुपयांनी घसरले आहेत, म्हणजे अवघ्या दोन आठवड्यात सोने स्वस्त झाले आहे. MCX वर सोन्याच्या भावातील बदल पाहिल्यास, गुरुवारी सोने 73,750 रुपये प्रति 10 ग्रॅमवर घसरले.

तुम्ही शाई वापरण्यास नकार देऊ शकता का?

जर मतदाराने सूचनांनुसार डाव्या बोटावर शाई लावण्यास नकार दिला किंवा त्यांच्या बोटावर आधीच शाईचं चिन्ह असेल तर त्यांना मतदान करण्याची परवानगी दिली जात नाही. मतदाराने शाईची खूण काढण्यासाठी काही केले तर त्यांना मतदान करण्यापासूनही रोखले जाते. बोटात तेलकट किंवा स्निग्ध पदार्थ असल्यास अमिट शाईचे चिन्ह तटस्थ करण्याच्या उद्देशाने अधिकारी प्रथम बोट स्वच्छ करतात आणि नंतर शाई लावतात.