trending News इलेक्शन ड्यूटी नाकारल्यास जावू शकते नोकरी!

 सोलापूर: इलेक्शन ड्यूटी नाकारल्यास जावू शकते नोकरी!

विधानसभा निवडणुकीसाठी सोलापूर जिल्ह्यातील १९ हजार शासकीय कर्मचाऱ्यांना इलेक्शन ड्यूटी आली आहे. त्या सर्वांना त्यासंबंधीची पत्रे पाठविली आहेत. या कर्मचाऱ्यांचे शनिवारी, रविवारी पहिले प्रशिक्षण पार पडणार आहे. निवडणूक कामास नकार दिला किंवा कामावेळी कोणी गैरहजर राहिल्यास त्या कर्मचाऱ्यावर लोकप्रतिनिधी अधिनियम १९५० मधील कलम ३२ व १३४ नुसार थेट फौजदारी गुन्हा दाखल होतो. त्या कर्मचाऱ्याची चौकशी लागते आणि त्यामुळे ना पगारवाढ़ ना पदोन्नती मिळते. वेळप्रसंगी त्या कर्मचाऱ्याला कायमचे घरी देखील बसायला लागू शकते.

कोर्स बंद! हजारों विद्यार्थ्यांचे उच्च शिक्षण थांबले

राज्यातील काही महाविद्यालयांनी अखिल भारतीय तंत्रशिक्षण परिषद (एआयसीटीई) ची संलग्नता न घेतल्याने बीबीए, बीसीए, बीबीएम, बीसीएम अभ्यासक्रम बंद झाले आहेत. यामुळे हजारो विद्यार्थ्यांचे उच्च शिक्षण थांबल्याने त्यांचे भवितव्य अंधारात गेले आहे. विद्यार्थी प्रतिनिधी प्रफुल्ल सोनवणे यांनी फी परत करण्याची आणि वैकल्पिक महाविद्यालयांमध्ये प्रवेश मिळवण्याची मागणी केली आहे. ग्रामीण भागातील महाविद्यालये बंद झाल्यास रोजगार व व्यवसायाच्या संधी कमी होण्याची भीती व्यक्त करण्यात आली आहे.

10वीं-12वी विद्यार्थ्यांसाठी महत्वाची बातमी

इयत्ता दहावी आणि बारावी बोर्ड परीक्षेच्या तारखा ठरल्या आहेत. समोर आलेल्या माहितीनुसार, 12 वीची परीक्षा 11 फ्रेब्रुवारी, तर दहावीची परीक्षा 21 फ्रेब्रुवारीपासून सुरू होऊ शकते. लवकरच महाराष्ट्र राज्य माध्यमिक व उच्च माध्यमिकशिक्षण मंडळाकडून परीक्षेचं वेळापत्रक जाहीर केलं जाणार आहे. अद्याप या बाबात कोणतीही अधिकृत घोषणा करण्यात आलेली नाही. राज्य माध्यमिक आणि उच्च माध्यमिक शिक्षण मंडळाकडून एकूण 9 विभागीय मंडळामार्फत दहावी आणि बारावीची परीक्षा घेतली जाते.

सोलापूर: निवडणूक हरलो तर फाशी घेईल

तुम्ही सात-आठ सभा घ्याव्यात. पण मी विजयाचा गुलाल उधळला नाही, तर फास घेऊन मरेन, असे आव्हान सांगोल्याचे आमदार आणि काय झाड़ी, काय हॉटेल फेम शहाजी बापू पाटील यांनी संजय राऊत यांना दिले आहे. तसेच शहाजी पाटील यांनी पुण्यात सापडलेल्या पैशांवरुन रोहित पवारांवरही निशाणा साधला. शहाजी बापू पाटील यांना पुन्हा सांगोल्यातून उमेदवारी जाहीर झाल्यानंतर त्यांनी शिवसेना उद्धव बाळासाहेब ठाकरे पक्षाचे खासदार संजय राऊत यांच्यासर रोहित पवारांवर जोरदार हल्लाबोल केला.

झिम्बाब्वेने T20 मध्ये केला विश्वविक्रम

झिम्बाब्वेने T20 क्रिकेटमध्ये विश्वविक्रम केला आहे. 20 षटकात 344 धावा केल्या आहेत. T20 विश्वचषक उप-प्रादेशिक आफ्रिका पात्रता स्पर्धेचा भाग म्हणून, त्यांनी गॅम्बियाविरुद्ध 344/4 धावा करून इतिहास रचला. झिम्बाब्वेचा कर्णधार सिकंदर रझाने झिम्बाब्वेसाठी आंतरराष्ट्रीय T20 मध्ये शतक झळकावणारा पहिला खेळाडू म्हणून विक्रम केला.

तंत्रज्ञान, कृत्रिम बुद्धिमत्तेचा नोकऱ्यांवर परिणाम 

अनेक उद्योगांमध्ये स्वयंचलित प्रणालींचा वापर वाढत आहे, ज्यामुळे काही पारंपरिक नोकऱ्या कमी होऊ शकतात. तंत्रज्ञानाच्या प्रगतीमुळे डेटा विश्लेषण, मशीन लर्निंग, आणि AI संबंधित नोकऱ्या तयार झाल्या आहेत. नोकरीसाठी आवश्यक कौशल्ये बदलत आहेत. कामकाजासाठी तांत्रिक कौशल्यांची मागणी वाढत आहे. तंत्रज्ञानामुळे कामाची गती वाढली आहे, ज्यामुळे उत्पादकतेत वाढ झाली आहे. दूरस्थ कामकाज आणि फ्लेक्सिबल कार्यप्रणाली यामुळे कामाच्या पद्धतीत बदल झाला आहे.

सोलापूर: अक्कलकोटमध्ये यंदा बहुरंगी लढत

कर्नाटक-महाराष्ट्राच्या सीमेवरील अक्कलकोट विधानसभा मतदारसंघातील विधानसभा निवडणूक अत्यंत चुरशीची रोमहर्षक व बहुरंगी होण्याची चिन्हे दिसत आहेत. ही विधानसभा निवडणूक आमदार सचिन कल्याणशेट्टी यांच्या 'प्रतिष्ठेची' तर माजी राज्यमंत्री सिद्धाराम म्हेत्रे यांच्या 'अस्तित्वाची' ठरणार आहे. या निवडणुकीकडे संपूर्ण जिल्ह्याचे लक्ष लागले आहे. इतरांची शक्ती कमी असली तरी ते भाजप किंवा काँग्रेसच्या जय-पराजयावर परिणाम करू शकत असल्याने यंदाची निवडणूक बहुरंगी होणार आहे.

प्रधानमंत्री श्रम योगी मानधन योजना! दरमहा 3,000 पेन्शन

प्रधानमंत्री श्रम योगी मानधन योजना असंघटित क्षेत्रातील कामगारांसाठी 2019 मध्ये सुरू करण्यात आली. या योजनेअंतर्गत 18 ते 40 वयोगटातील मजुरांना वयाच्या 60 वर्षांनंतर दरमहा ₹3,000 पेन्शन मिळते. कामगारांनी दरमहा एक ठरावीक रक्कम भरावी लागते, ज्यात सरकारही तेवढेच योगदान देते. अर्ज करण्यासाठी मजुरांनी जवळच्या कॉमन सर्व्हिस सेंटरमध्ये जाऊन आधार कार्ड आणि बँक तपशीलासह नोंदणी करावी लागते. नोंदणीनंतर, पहिला प्रीमियम हप्ता चेक किंवा रोखीने भरावा लागतो, त्यानंतर प्रीमियम रक्कम बँक खात्यातून आपोआप कापली जाते.

विधानसभेआधीच शेतकऱ्यांसाठी सरकारचा मोठा निर्णय!

महाराष्ट्र सरकारने शेतजमिनींच्या रेडीरेकनर शुल्कात मोठी घट करून ती 25 टक्क्यांवरून 5 टक्के केली आहे. या निर्णयामुळे तुकडेबंदी नियमांतर्गत शेतकऱ्यांना जमीन विक्रीसाठी दिलासा मिळणार आहे. आधी 25 टक्के शुल्क आर्थिक अडचणीचे ठरत होते, पण आता कमी शुल्कामुळे व्यवहार सोपे होतील. या निर्णयाचा फायदा शेतकऱ्यांना होईल, बेकायदेशीर प्लॉटिंगला आळा बसेल आणि शासनाला अधिक महसूल मिळेल. विधानसभा निवडणुकीच्या पार्श्वभूमीवर सरकारने शेतकऱ्यांची नाराजी कमी करण्याचा प्रयत्न केला आहे.

Trebding:आता 35 ऐवजी 20 मार्क पडले तरी अकरावीत प्रवेश

 आता 35 ऐवजी 20 मार्क पडले तरी अकरावीत प्रवेश

गणितात कच्चे असणाऱ्या विद्यार्थ्यांसाठी खुशखबर आहे. आता दहावी बोर्डाच्या परीक्षेत गणित आणि विज्ञान या विषयांमध्ये 35 पेक्षा कमी आणि 20 पेक्षा जास्त गुण मिळाले, तरी अकरावीमध्ये प्रवेश घेता घेणार आहे. मात्र रिझल्टवर विशिष्ट शेरा असेल. विद्यार्थ्यांपुढे 2 पर्याय असतील. एक प्रमाणपत्र घेऊन अकरावीसाठी प्रवेश घेणे किंवा पुन्हा परीक्षा देणे. हा पर्याय पुढे गणित किंवा विज्ञान या दोन्ही विषयांवर आधारीत कोणतेही करिअर करायचे नाही त्यांच्यासाठी आहे. नव्या अभ्यासक्रम आराखड्यात याची तरतूद करण्यात आली आहे.

आता शैक्षणिक वर्ष 1 एप्रिलपासून सुरू होणार ??

राज्यातील शाळांच्या शैक्षणिक वर्षात मोठा बदल होण्याची शक्यता आहे. सीबीएसईच्या धर्तीवर राज्यातील शाळांचे वार्षिक वेळापत्रक आखण्याची शिफारस करण्यात आली आहे. यानुसार, शैक्षणिक वर्ष 1 एप्रिलपासून सुरू होऊन 31 मार्चला संपेल, आणि मे महिन्यात उन्हाळी सुट्टी असेल. शिक्षणमंत्री दीपक केसरकर यांनी यापूर्वीच यासंदर्भात माहिती दिली होती. हा बदल शासकीय, खासगी, अनुदानित आणि विनाअनुदानित शाळांवर लागू होईल. मात्र, या शिफारशीला शिक्षक संघटनांकडून विरोध होण्याची शक्यता आहे, कारण दीर्घकालीन सुट्ट्या कमी केल्या जातील.

त्या 5 कोटींबाबत पोलिसांनी दिली महत्वाची बातमी

विधानसभा निवडणुकीच्या आचारसंहिताच्या काळात पुण्यातील खेडशिवापुर टोल नाक्यावर सोमवारी संध्याकाळी पाच कोटी रुपयांसह एक कार राजगड पोलिसांनी पकडली. या कारमधील चार जणांना ताब्यात घेण्यात आले असून त्यांची नावे सागर सुभाष पाटील, रफीक अहमद नजीर, बाळासाहेब आण्णासाहेब आसबे, आणि शशिकांत तुकाराम कोळी आहेत. पोलिसांच्या माहितीनुसार, ही रक्कम सांगोल्यातील कंत्राटदार बाळासाहेब आसबे यांची आहे. निवडणूक आयोगाला याची माहिती देण्यात आली असून, सर्व रक्कम ट्रेझरीमध्ये जमा करण्यात आली आहे. 

महाराष्ट्रात हळूहळू थंडीची तीव्रता

दक्षिण महाराष्ट्रात 29 ऑक्टोबरपर्यंत पावसासाठी पोषक परिस्थिती राहणार असल्याचे हवामान तज्ञांनी नमूद केले आहे. मात्र त्यानंतर राज्यात गुलाबी थंडीची चाहूल लागेल, आणि हळूहळू थंडीची तीव्रता वाढू लागेल. काल नाशिक जिल्ह्यातील काही भागांमध्ये मुसळधार पाऊस झाल्याने पिकांना फटका बसला. विशेषतः कांदा आणि फळबाग पिकांचे मोठे नुकसान झाले आहे, ज्यामुळे शेतकऱ्यांना आर्थिक अडचणींचा सामना करावा लागत आहे.

भारतीय शेअर बाजारात मोठी घसरण!

मंगळवारी (22 ऑक्टोबर) भारतीय शेअर बाजारात मोठी घसरण झाली. निफ्टी 309 अंकांनी कमी होऊन 24,472 वर बंद झाला, तर सेन्सेक्स 930 अंकांनी घसून 80,220 वर बंद झाला. निफ्टी बँक 705 अंकांनी घसरून 51,257 वर राहिला, तर मिडकॅप 1500 अंकांनी कमी झाला. गुंतवणूकदारांचे एकूण 8.50 लाख कोटी रुपयांचे नुकसान झाले. ऑक्टोबरमध्ये FPIs ने 82,479 कोटी रुपये बाजारातून काढले. सेन्सेक्समधील 30 शेअर्सपैकी फक्त एक वाढीसह बंद झाला, तर 29 शेअर्स घसरले. बीएसईवर शेअर्सचे मार्केट कॅप 444.79 लाख कोटी रुपये राहिले.

दिवाळीत मिळणार मोफत गॅस

दिवाळी, छठ पूजा यांसारख्या मोठ्या सणांसाठी अनेक प्रकारचे पदार्थ तयार केले जातात. त्यामुळे गृहिणींना मोफत एलपीजी सिलिंडर दिले जाणार आहेत. केंद्र सरकारची विशेष योजना उत्तर प्रदेशच्या योगी सरकारने लागू केली आहे. याअंतर्गत उत्तर प्रदेशातील 1.86 कोटी कुटुंबांना मोफत सिलिंडर दिले जाणार आहेत. हा मोफत गॅस प्रधानमंत्री उज्ज्वला योजनेंतर्गत दिला जात आहे.

सोलापूर: अक्कलकोटची जनता मला पुन्हा आशीर्वाद देईल

भाजप आमदार सचिन कल्याणशेट्टी यांना अक्कलकोट विधानसभेसाठी दुसऱ्यांदा उमेदवारी जाहीर करण्यात आली आहे. या निर्णयानंतर त्यांनी आपल्या पहिल्या प्रतिक्रियेत पक्ष नेतृत्वाचे आभार मानले आहेत. कल्याणशेट्टी यांनी सांगितले की, "पाच वर्षे केलेल्या कामाच्या बळावर मी यंदाच्या निवडणुकीला सामोरे जाणार आहे. " तसेच, अक्कलकोटची जनता आपल्या मतरूपी आशीर्वादाने पुन्हा संधी देईल, अशी अपेक्षा त्यांनी व्यक्त केली.

पॉवर ग्रिड कॉर्पोरेशनमध्ये 802 जागांसाठी भरती

पॉवर ग्रिड कॉर्पोरेशन ऑफ इंडिया ने 802 जागांसाठी भरतीची घोषणा केली आहे. उमेदवारांना पदवीधर, BBA, BBM, किंवा BBS असणे आवश्यक आहे. वयोमर्यादा 18 ते 27 वर्षे आहे, SC/ST/ OBC साठी सवलती आहेत. अर्ज फी ₹300 (General/OBC/EWS) आणि ₹ 200 (पद क्र. 5) आहे.

ऑनलाइन अर्ज करण्याची शेवटची तारीख 12 नोव्हेंबर 2024 आहे. लिंक- https://drive.google.com/file/d/1wR ZDGAGyWZhSMY1dJIZbIex6Ayaf7-p/view?pli

=1

अजित पवार गटाच्या नेत्यासहित 200 जणांनी दिले राजीनामे

अजित पवार आणि सुनील तटकरे यांना रायगड जिल्ह्यातील या घटनाक्रमामुळे एक मोठा धक्का बसला आहे. सुधाकर घारे यांनी कर्जत विधानसभा निवडणुकीसाठी राष्ट्रवादी पक्षाकडे मागणी केली होती, पण स्थानिक आमदार शिंदे गटाचे असल्याने जागा त्यांच्याकडे गेली. यामुळे राष्ट्रवादीचे 200 पदाधिकाऱ्यांनी सामूहिक राजीनामे दिले आहेत. सुधाकर घारे अपक्ष म्हणून निवडणूक लढवणार आहेत आणि 25 तारखेला उमेदवारी अर्ज दाखल करणार आहेत. यामुळे अजित पवारांच्या पक्षाला मोठा धक्का बसला आहे, आणि स्थानिक राजकारणात ताणतणाव वाढणार आहे.

खाद्यपदार्थ पेपरात खाणं आरोग्यासाठी अत्यंत घातक

खाद्यपदार्थ पेपरात खाणं आरोग्यासाठी अत्यंत घातक ठरू शकतं. पेपरमध्ये खाद्यपदार्थ ठेवून खाल्ल्याने त्यातील शाई आणि अन्य रसायनं अन्नासोबत पोटात जातात, जे शरीरासाठी हानिकारक असतात. यामुळे कर्करोग (कॅन्सर) आणि इतर गंभीर आजार होण्याचा धोका वाढतो. पेपरावर वापरलेली शाई आणि रसायनं अन्नाशी संपर्कात येऊन त्यात मिसळतात, ज्यामुळे शरीरावर घातक परिणाम होऊ शकतात. डॉक्टरांनी सांगितलं आहे की, पेपरचा वापर करून खाद्यपदार्थ देणे किंवा खाणे टाळावे, कारण हे आरोग्यास गंभीर धोका निर्माण करु शकते.

Trending :आचारसंहिता म्हणजे काय ?

 

आचारसंहिता लागू....

केंद्रीय निवडणूक आयोगाने महाराष्ट्रातील विधानसभा निवडणूक घोषित केली असून निवडणुकीच्या तारखा जाहीर करण्यात आल्या आहेत.२० नोव्हेंबर रोजी मतदान तर २३ नोव्हेंबर रोजी निकाल जाहीर होणार आहेत. निवडणूक आयोगाने तारखा जाहीर करताच लगेचच राज्यात आचारसंहिता लागू करण्यात आली आहे

नेमकी आचारसंहिता असते काय, कोणते नियम त्यात असतात हे आपण जाणून घेऊ.

आचारसंहिता म्हणजे काय ?

देशात स्वतंत्र आणि निष्पक्ष निवडणुका घेण्यासाठी निवडणूक आयोगाने काही विशेष नियम बनवले आहेत. निवडणूक आयोगाच्या या नियमांना आचारसंहिता असं म्हटलं जातं.निवडणुकीदरम्यान या नियमांचे पालन करणं सरकार, नेते आणि राजकीय पक्षांना बंधनकारक असतं. एखाद्या उमेदवारानं किंवा राजकीय पक्षानं आचारसंहिताचं उल्लंघन केल्यास त्यांच्यावर आयोगाच्या नियमानुसार कठोर कारवाई केली जाते.

आचारसंहिताची सुरुवात कधी झाली?

१९६० साली केरळ विधानसभा निवडणुकीपासून आचारसंहिताची सुरुवात झाली. राजकीय पक्षांशी सल्लामसलत करून त्यांच्या सहमतीने आचारसंहिता तयार करण्यात आली होती. कोणकोणत्या नियमांचं पालन करावं हेदेखील पक्ष आणि उमेदवारांनी ठरवलं होतं.१९६२च्या सार्वत्रिक निवडणुकांनंतर १९६७च्या लोकसभा आणि सर्व विधानसभा निवडणुकीमध्ये आचारसंहिताची अंमलबजावणी करण्यात आली. यामध्ये वेळेनुसार नियमांची भर घालण्यात आली.

आचारसंहिता कधीपासून कधीपर्यंत असते ?

देशात दर पाच वर्षांनी लोकसभा, विधानसभेच्या निवडणुका होतात. वेगवेगळ्या राज्यांच्या विधानसभा निवडणुका वेगवेगळ्या वेळी होतात. निवडणूक आयोगाकडून निवडणूक कार्यक्रम जाहीर होताच आचारसंहिता लागू होते.तेव्हापासून निवडणूक प्रक्रिया पूर्ण होईपर्यंत म्हणजे मतमोजणीपर्यंत आचारसंहिता लागू असते.त्यातील प्रत्येक नियमांचं पालन करणं आवश्यक असतं. आचारसंहितात राजकीय पक्ष तसेच त्यांच्या उमेदवारांनी कशा पद्धतीने वर्तन करावं हेदेखील स्पष्ट केलेलं असते.

आचारसंहिताचे नियम कोणते ?

आचारसंहिता लागू झाल्यानंतर सरकारी पैसा कोणत्याही राजकीय पक्षाला किंवा व्यक्तीच्या फायद्यासाठी वापरता येत नाही.

* कोणतीही सरकारी घोषणा, पायाभरणी किंवा उद्धाटन करता येत नाही.

* प्रचारात सरकारी वाहने, विमान, बंगले, सरकारी सुविधांचा वापर करता येत नाही.

* रॅली किंवा जाहीर सभा घेण्यासाठी पोलिसांची परवानगी घ्यावी लागते.

* पैसा, धर्म, जात यांच्या नावावर निवडणूक रॅलींमध्ये मतं मागण्यावर बंदी आहे. .

* याचबरोबर, निवडणुकीशी संबंधित असलेल्या अधिकारी व कर्मचाऱ्यांच्या बदल्या होत नाहीत.

Trending topics:दुकानातील बाटलीतील पाणी पिणाऱ्यांनो सावधान!

 ⭕दुकानातील बाटलीतील पाणी पिणाऱ्यांनो सावधान!

एका अभ्यासानुसार, जगभरातील बंद बाटलीत आणि नळाच्या पिण्याच्या पाण्याच्या नमुन्यांमध्ये विषारी 'फॉरएव्हर केमिकल्स' (पर्फ्लुरोअल्काइल पदार्थ किंवा पीएफएएस) आढळून आले आहेत. 15 देशांमधील 99% पेक्षा जास्त बाटलीबंद पाण्याच्या नमुन्यांमध्ये परफ्लुओरोक्टॅनोइक ऍसिड आणि परफ्लुरोओक्टेन सल्फोनेट आढळले आहेत. या केमिकल्समुळे शरीरात अनेक आजार होण्याचा धोका असतो.

⭕आचारसंहिताचे उल्लंघन; 31 कोटींचा दणका

विधानसभा निवडणुकीच्या पार्श्वभूमीवर राज्यात आदर्श आचारसंहिता लागू आहे. या आदर्श आचारसंहिताची काटेकोर अंमलबजावणी करण्यात येत आहे. राज्य शासनाच्या व केंद्र शासनाच्या विविध अंमलबजावणी यंत्रणांद्वारे राज्यभरात कारवाईचा धडाका सुरू आहे. यात बेकायदा पैसे, दारू, ड्रग्ज व मौल्यवान धातू आदी मिळून एकूण 31 कोटी 16 लाख रुपयांची मुद्देमाल जप्त करण्यात आला आहे. आचारसंहिता लागू झाल्यापासून ते आजपर्यंतच्या कारवाईचा यात समावेशआहे.

⭕अटल पेन्शन योजना! भविष्याची सोया आताच
करा

निवृत्तीनंतरच्या आर्थिक सुरक्षिततेसाठी अटल पेन्शन योजना महत्त्वाची आहे. या योजनेत 18 ते 40 वयोगटातील व्यक्तींनी गुंतवणूक करण्यास पात्रता आहे. या योजनेसाठी 18 व्या वर्षी अर्ज केल्यास, दरमहा 210 रुपये गुंतवून 60 व्या वर्षी 5000 रुपये पेन्शन मिळवता येते. खाते उघडणे सोपे आहे; जवळच्या बँकेच्या शाखेत जाऊन आवश्यक फॉर्म भरावा लागतो आणि आवश्यक कागदपत्रे सादर करावी लागतात. फॉर्म जमा केल्यानंतर, बँक अधिकारी तुमचे खाते उघडतील. अटल पेन्शन योजनेत गुंतवणूक करून तुमच्या भविष्याची सुरक्षितता सुनिश्चित करा.

⭕लाडकी बहीण योजनेमुळे वाढला बँकेत गोंधळ... 

महाराष्ट्रातील बँक कर्मचाऱ्यांचे 16 नोव्हेंबरला आंदोलन

महाराष्ट्रातील बँक कर्मचाऱ्यांनी 16 नोव्हेंबरला एक दिवसीय आंदोलन करण्याचा इशारा दिला आहे. यूनाइटेड फोरम ऑफ बँक यूनियन्स (UFBU) च्या मते, मुख्यमंत्री लाडकी बहीण योजनेमुळे बँक कर्मचाऱ्यांना सुरक्षितता वाटत नाही. तुळजापूरकर यांनी सांगितले की, या योजनेबाबत बँकांमध्ये गोंधळ वाढला आहे आणि सरकारकडून स्पष्ट संवादाचा अभाव आहे, ज्यामुळे कर्मचाऱ्यांना शिविगाळ आणि मारहाण सहन करावी लागत आहे. त्यामुळे यूनियनने आंदोलनाची हाक दिली आहे.

⭕शेअर मार्केट; 1 नोव्हेंबरला सायंकाळी मुहूर्त ट्रेडिंग

दिवाळी सणाच्या अनुषंगाने सर्वत्रच धामधूम सुरू आहे. दुसरीकडे शेअर बाजारात देखील दिवाळीत 'मुहूर्त ट्रेडिंग' वर विशेष व्यवहार केले जाणार आहेत. दिवाळीत शेअर बाजार बंद असतो, परंतु केवळ एका तासासाठी 'मुहूर्त ट्रेंडिंग' खुला असतोयात गुंतवणूकदार लहानशी गुंतवणूक करून शेअर मार्केटची परंपरा जपतात. यंदाच्या दिवाळीत 'बीएसई-एनएसई'तर्फे शुक्रवार, 1 नोव्हेंबर रोजी सायंकाळी 6 ते 7 या वेळेत मुहूर्त ट्रेंडिंग असणार आहे. त्याचे प्री- ओपनिंग सायंकाळी 5.45 ते 6 या वेळेत होईल.

⭕ठाकरे घराण्याशी एकनिष्ठ असलेल्या आमदारांचे तिकीट कापणार?

मविआमध्ये जागावाटपावरून ताण वाढला आहे. उद्धव ठाकरे यांच्या गटात खळबळ सुरू असून, बंडावेळी ठाकरे घराण्याशी एकनिष्ठ राहिलेल्या दोन आमदारांचे तिकीट कापण्याची शक्यता आहे. या पार्श्वभूमीवर, शिवडीचे आमदार अजय चौधरी आणि चेंबूरचे आमदार प्रकाश फातर्फेकर मातोश्रीवर पोहोचले आहेत. शिवडीमधून सुधीर साळवी आणि चेंबूरमधून अनिल पाटणकर निवडणूक लढण्याची तयारी करत आहेत. ठाकरे यांना चांगली टक्कर देऊ शकतील असे उमेदवार निवडण्याची गरज भासते.

⭕महाराष्ट्र सरकारमध्ये नोकरी, 056 जागा; पगार 38,600 पासून

अन्न व औषध प्रशासन विभागात भरती. शैक्षणिक पात्रता: पदाच्या आवश्यकतेनुसार

पगार : 38,600 ते 1,22,800/- रुपये पर्यंत राज्य सरकार अंतर्गत भरती

अर्ज पद्धती : ऑनलाईन

वयोमर्यादा : 18-38 वर्षे भरती कालावधी : पर्मनंट नोकरी

पदाचे नाव- वरिष्ठ तांत्रिक सहायक, विश्लेषण रसायन

शास्त्रज्ञ

एकूण जागा : 056 नोकरी ठिकाण : संपूर्ण महाराष्ट्र अर्जाची शेवटची तारीख- 22 ऑक्टोबर 2024 जाहिरीत PDF- https://drive.google.com/file /d/17HaeZhQcnh5QAQqqiO9c5xItMhqxb9KF /view?pli=1 कमी दाखवा

⭕दिवाळीत प्रवाशांसाठी 570 विशेष रेल्वे सेवा सुरू

दिवाळीच्या काळात प्रवाशांची वाढती गर्दी लक्षात घेऊन मध्य रेल्वेने मुंबई, पुणे आणि नागपूर विभागातून देशभर जाणाऱ्या प्रवाशांसाठी 570 विशेष सेवा सुरू करण्याचा निर्णय घेतला आहे. या विशेष सेवांपैकी 42 सेवा शनिवारीपर्यंत सुरू झाल्या आहेत. सर्व सेवांमध्ये 85 एक्स्प्रेस गाड्या समाविष्ट आहेत,ज्यात वातानुकूलित,शयनयान, जनरल डब्बे आणि अनारक्षित विशेष गाड्यांचा समावेश आहे. प्रवाशांना कन्फर्म तिकीट मिळवण्यास मदत होईल, असा विश्वास व्यक्त करण्यात आला आहे

⭕दिवाळीत आरोग्याची काळजी कशी घ्यायची?

दिवाळीच्या गोड पदार्थांबरोबर फळे, भाज्या आणि प्रथिने यांचा समावेश करा. पर्याप्त पाणी प्या, ज्यामुळे शरीरातील टॉक्सिन्स बाहेर पडतील. चिप्स आणि फास्ट फूडच्या ऐवजी भाजीपाला, नट्सचे सेवन करा. दिवाळीत नियमित व्यायाम करा. चालणे, योगा किंवा कोणताही खेळ खेळा. पुरेशी झोप घ्या. ताण कमी करण्यासाठी ध्यान किंवा श्वासाचे व्यायाम करा. धूम्रपान आणि मद्यपान टाळा. गोड पदार्थ आणि तळलेले पदार्थ यांचा आहारात समावेश करताना प्रमाण लक्षात ठेवा. बाहेरच्या ताज्या आणि सुरक्षित खाद्यपदार्थांचा वापर करा.